Yelemiya 17:18 - Amazwi Yakwe Leza 2013

¹⁸ Yano yakancuzya kayazewane, lelo utaleka kuti nemo nzewane. Si leka ingofyo ziyaponele, lelo nemo utangofya. Uyaletele uononesi nu kuyavungola.

Yelemiya 17:18 Referans Kwoze

Masamu 35:4

Leka yayo akalonda ukunkoma yazewane, ni nsonyi ziyaleme? Na yayo akampingila nayo amano yayapele, yaswilile cundansizi!

Yelemiya 20:11

Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.

Yelemiya 11:20

Alino lyene nani impepa kuli Yawe inti, “Iye we Yawe Wamaka yonsi, wewe Mwene wino akalungika pa kuputula imilandu. Wemo ukaceceta vino antu yakwelenganya na vino yakuuvwa mu myenzo yao. Leka nemo indoleko kuno ukulandula pa antu yaa, pano nemo umulandu uu natuula kunuli.”

Masamu 40:14

Leka yao akulonda uku nkoma yazewane, ni nsonyi ziyaleme! Leka yao akuzanga apamulandu wa macuzi yane, yaswilile mwenemo ale yati yaponya ni nsuka.

Masamu 35:8

Kayale yapongelele sile ukwaula nu kwenekela, yalemwe nu mwi sumbo kwene lino yatevile aeneco kwene nu kuponela muli polowe wino yimvile aeneco kwene.

Umbwilo 18:6

Mucitilini vivyo kwene vino wamucitile. Muwezezyini maila yaili pali vyonsi vino wacisile. Zuzyini lwako lwakwe ni vyakumwa vikali maila yaili kuluta vyakumwa vino wamuteyanyizizye.

Yelemiya 17:16

Lelo kwene asi nene nakupamvizye kuti ulete uononesi pano yali. Nupya asi nene nakumvilwe ukuyaletela uwanda wa ntazi. Wemo umanyile cii. Umanyile cino nalanda.

Yelemiya 16:18

Ndayakalipila liili apa ukakasi wao na pa uyi wao, pano yatiyakowezya impanga yane ku tuluwi twao. Yatiyazuzyamo upyanyi wane ku vintu vya uwelewele ivyaunkolanya sile.”

Masamu 71:1

Leza we, akuli wewe akuno nemo nkazina, utaca ukatale ukaleke nuvwe insonyi.

Masamu 70:2

Leka yao akulonda uku nkoma yazewane, ni nsonyi ziyaleme! Uleke yayo akazanga apamulandu nu kucula kwane, yaswilile ale yatiyalambalalika inkopyo!

Yobo 16:14

Wasuka walasola umwili wane onsi pyu. Wamvungatila sile kwati icita icati ciluluka.

Yelemiya 14:17

Yawe wampile ilamulo lyakunena antu pamulandu nu ulanda uno nakweti nga nani inti, “Amanso yane yakwituluka sile aminsozi umusanya nu usiku ukwaula nu kuta. Cizipe ntata ukulila pamulandu wakuti antu yane yatiyaponelwa nu uzanzo umwi uwipisye. Yati yaciswa ivilonda iviipisye.

Yelemiya 1:17

Ali cino fwandi wemo Yelemiya posya sile, nyepa nu musipi mu musana. Katuka uye ukayanene vyonsi vino namakunena. Utayoopa foo, pano limwi ningiza nkoofye apa manso yao.

Yelemiya 12:3

Lelo wemo Yawe wamanya, nupya ukalola vino nkacita na vino nakutemwa. Antu yaa aipe, wemo uyatintanye wa mfwele zino yakutwala ku kukomwa. Yawakilile mpaka uwanda wa kukomwa uce usuke ufike.

Yelemiya 17:13

Mwene, wewe uli upalilo wa ina Izlaeli. Yonsi yano yakutazyela yalazewana, na yano yakusangukila yalatenulwa muno nsi, pamulandu wakuti yatayela Yawe intulo ya manzi ya umi.

Yelemiya 17:19

Yawe avwanga kunondi ati, “We Yelemiya yanga ukimilile apa mpongolo ilya ino yakaama ukuti Impongolo ya Antu, ino yamwene amu Yuda yakapitilapo apa kwingila na pakufuma mu musumba. Alino nupya uye na pa mpongolo zyuze zyonsi zyamu Yelusalemu.

Malango 33:11

We Yawe, si leka umutundu wao ukomeleke. Si leka imilimo yao ino yakuomba yakuzanzya. Vungola anisi yao. Utaleka yace yakatuke nupya.”