Yelemiya 17:14 - Amazwi Yakwe Leza 2013

¹⁴ Sungala ungazwe Mwene, uleke mpole, untuule uleke nkululwe, pano awewe we muno nkalumbanya.

Yelemiya 17:14 Referans Kwoze

Masamu 6:2

Ya na mizu kunondi, we Yawe, pano nemo natonta naongoka, umpozye we Yawe, pano nati mpomponteka nu mu mafupa.

Malango 32:39

“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.

Masamu 106:47

Ala ule ututuule, we Yawe Leza witu, ungala utupususye, utufumye umu inamasi, utukonganike apakuti twalumba izina lyako lyamuzilo, nu kuti tulole nu kuzangila mu ucindami wako.

Luka 4:18

“Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Malango 10:21

Mwamulumbanya. Wene ali Leza winu, wino wamucitila ivintu ivikulu ivyakuzunguka nupya ivyakoofya vino mweisikulu mwailolile na manso inu.

Masamu 109:1

Utamyalala sile, we Leza, wemuno nkulumbanya!

Masamu 6:4

Senukila kunondi We Yawe, nduntuule. Pano wantemwa, ndunkulule ku mfwa.

Yelemiya 15:20

Ndakulenga kuti uye ilinga lya maka, ilya mukuwa, lya kukucingilila ku mutundu uu. Yene yalakulwisya, lelo yalaposiwa ku kucimvya pano ndaya nawe apa kukutaasya nu kukuwaka.

Mateo 14:30

Lelo lino walola vino kwaya cipupu, auvwa intete, atandika kutuwila, nga akuta ati, “Mwene, ntuule.”

Yelemiya 31:18

“Inuvwa, Efulemu wino akulila ulanda ati, ‘Wankalipila, nakalipilwa wa kana ka ng'ombe kacintuvwa. Sungala umbwezye, uleke mbwele, pano awewe kwene uli Yawe Leza wane.

Ezaya 6:10

Alino nupya anena ati, “Taa, leka antu yayo yaye muli sisi, yapulamike amakutwi, uyavimbe na pa manso, apakuti yatalola nu kuvwa yatuvwa, nupya yatailuka ni vintu. Pano limwi yangazenzuka nu kupola yapole.”

Mateo 8:25

Lyene alondezi yakwe yaya kunoli, yamuzyula yati, “Mwene tutuule, pano tuli pipi nu kuundwa!”

Masamu 148:14

Wene walenga antu yakwe ukuya na maka, apakuti aswepe yakwe yonsi yamulumbanya. Ali ina Izlaeli, yano watemwisya wakwe cimwi! Lumbanyini Yawe!

Masamu 60:5

Tutaasye fwandi uku maka yako, uuvwe ipepo litu apakuti antu yako, yano watemwisya, yakululwe.

Masamu 12:4

Aputole yayo akavwanga yati, “Amaka itu yaya umu lulimi lwitu, utunwa twitu tulatutaasya. Uzye aweni angatutonsya?”

Mpendwa 12:13

Acino Mose nawe alaizya kuli Yawe ati, “We Leza wane, si leka apole napapata!”

Masamu 54:1

Untuule uku maka yako we Leza, untuule ukunzyansyo zyako!

Yelemiya 3:23

Cumi kwene ivintu vino vikacitika apapela ya twamba pamwi ni viila ivyayapo vyene ivyaufi utupu tupu. Yawe Leza witu mpo, ali kazwa witu swe ina Izlaeli.

Yelemiya 30:17

Pano yene yakakwama ‘umusumbwe ni cisampwa cao’ cino yatasakamala awe. Lelo ndakuwezezya umutende wako ni vilonda vyako vilapola.” Ivyalanda Yawe.

Yelemiya 33:6

Lelo ukuya kwene, intalalengela uku ututulula nu kuupozya. Ndayalwazya nu kuyapeela ulongo nu mutende ukalamba.

Masamu 6:3

Umwenzo wane pasi pakunyongotoka. We Yawe, uzye vikwene vimacitika mpaka ukufika lilaci?

Masamu 119:94

Nene wakwako, ungala untuule! Nezya ukulondela amasunde yako.