Yelemiya 16:21 - Amazwi Yakwe Leza 2013

²¹ Fwandi lyene ndayamanyisya calimwi amaka nu ulamba wane. Yene yalamanya ukuti nene indi Yawe.

Yelemiya 16:21 Referans Kwoze

Masamu 9:16

Yawe wataisokolola umwisikulu umu upinguzi wakwe ulungame. Watafyenenkezya aipe umu vicitwa vyao.

Yelemiya 33:2

“Yawe wino waumvile insi nu kuimumunga, nu kuiteka pano ikala, wamunena wati wiyo wino akaamwa izina lyakuti Yawe, wavwanga wati,

Masamu 83:18

Yangala yamanye nu kuti awewe sile wenga ukaamwa Yawe, nupya wenga mpo, wewe uli Leza Wapapelapela umu nsi yonsi!

Amosi 5:8

Aliwe kwene uwapanzile intanda izikaamwa Pileyadi ni zikaamwa Olioni, aliwe kwene akaeletula akanda kuti kaye amacaca, akaeletula umusanya kuti uye usiku. Aliwe kwene akaama amanzi yapali yemba nu kuyapongolwela pa musili. Izina lyakwe a Yawe.

Ezaya 43:3

Pano nene indi Yawe, Leza wako. Nene Wamuzilo wakwe Izlaeli wilya, Katuula wako. Ndapeela Eguputo apa kukutuula. Ndapeela Kusyi na Seba umu cifulo cakwe wewe.

Kufuma 15:3

Yawe akoline ni cita, izina lyakwe a Yawe.

Ezekelo 25:14

Antu yane aina Izlaeli ali yano yalandandwilako ku ina Edomu, alalenga nu kuti aina Edomu yakuvwikisye apapela ukali wa cipyu cane. Alino lyene aina Edomu yalamanya vino cikaya ku antu yano nemo nalandwila. Ivyalanda ne Yawe Simwandalali.”

Ezekelo 24:27

Na pa wanda kwene uno ulalanda ku mbutusi iyo, ulavwanga nu kupola kuli uciulu. Ulaya icilangililo kunoyali, nga nayo yalamanya ukuti nene indi Yawe.”

Ezekelo 24:24

Akuli Ezekelo ali kuno mwailolela vyakucita. Na cico lino cilafikila, alino mulamanya ukuti fwandi nene indi Yawe Simwandalali.’ ”

Ezekelo 6:7

Antu yalafwa ntangali ntangali, na alasyalapo alino yalasininkizya ukuti fwandi nene indi Yawe.

Kufuma 14:4

Ndalenga Falao kuti akome umwenzo, nupya alamulondelela kuti aezye kumulema. Lelo vino ndacita kunoli nu ku vita vyakwe, vilalenga kuti antu yancindike. Lyene aina Eguputo yalamanya ukuti nene indi Yawe.” Aina Izlaeli iyayela amazwi yakwe Yawe nga yaya yakuula insakwe kuno wayanenyile.

Kufuma 6:3

Nalolike kuli Abulaamu, kuli Isaki, na kuli Yakobo wakwe Leza Wamaka yonsi. Lelo ntalenzile kuti imanyike kunoyali mwi zina lyane lyamuzilo, Yawe.