Yelemiya 16:19 - Amazwi Yakwe Leza 2013

¹⁹ We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Yelemiya 16:19 Referans Kwoze

Ezaya 25:4

Pano akuli wewe ali kuno apina yakautukila, apali ponga na antu yano yatakweti kaazwa wao. Akuli wewe ali kuno yakazina umu nsita zya ntazi. Yene yakauwa kunuli imvula ya cipunga. Wewe uli cisao cino yakauwa mwenemo icipuki ca kasanya. Antu yaluzazwe yakoline wa cipunga icikutensya ulung'umba.

Naumi 1:7

Yawe umusuma, wene akacingilila antu yakwe mu nsita ya ntazi. Aliwe akawaka yao amutaila.

Yelemiya 17:17

Utezya uye icoopo kunondi, pano nemo nkazina munuli pa wanda wa kuzanzwa.

1 Petulo 1:18

Pano mwamanya malipilo yano apilwe pakuti muye antungwa kufuma ku wikazi uwa ciwelewele uno mwasambilile ku vikolwe vinu. Malipilo yaa yatakoline wakwe siluva nanti zaabu wino akaononeka.

Yelemiya 10:5

Utuluwi twa musango uu tukoline ni vintu vyakofezyako ivyunyi umu vyalo vya viimbi. Vyene visivwanga nupya ivyakusenda sile, pamulandu wakuti vitangapita. Fwandi mutavyoopa. Vyene vitange vimucitile akantu akaipe nanti kamwi, nupya vitange vimutumbwile icisuma nanti cimwi.”

Yelemiya 2:11

Uzye kwatala kwaloleka umutundu uno ukakauzya tuleza twakweo utuluwi, nanti angala tusi utwampomvu?

Ezaya 44:10

Uzye umuzano cii uwaya mu kwengulula unkolanya nu kuupepa ungati ali Leza?

Masamu 86:9

Imitundu yonsi ino wapanga imaomokelanga kunuli, uku kupepa nu kukucindika we Yawe,

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Zakaliya 2:11

Mu nsita kwene iyo antu ya mitundu avule yaliza kuli Yawe, uku kuya antu yakwe. Nawe alaikala apakasi kinu, nu kwiluka muliluka ndi vino Umweneco Wamaka yonsi aliwe wantuma kuno muli.

Habakuku 3:19

Yawe Simwandalali aliwe akampeela amaka. Wene akakomya amakulu yane kuti naimilila wakwe mpombo, pakuti ningakwela na papela ya mwamba. Yakasaula ya nyimbo, si yale yimbile na mazeze.

Ezekelo 11:16

“Caleka unene auzo ali mu uzya ukuti ivintu vino ne Yawe Simwandalali nkumunena aivi: ‘Nene nayatumile kuya ikala mu nko zyuze zyakutali nu kuyasalanganyizizya mu mpanga zyuze. Lelo, pa kasita kanono namayanga nayo mu mpanga muno yaya.’

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Masamu 62:2

Wenga sile, aliwe akampokolola, nupya ali cilwala wane nu ufyusi wane. Ali muno nkazina, fwandi nemo, ntalatala intelengane.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Yelemiya 3:23

Cumi kwene ivintu vino vikacitika apapela ya twamba pamwi ni viila ivyayapo vyene ivyaufi utupu tupu. Yawe Leza witu mpo, ali kazwa witu swe ina Izlaeli.

Ezaya 62:2

Alino imitundu ilalola uwololoke wako, na yamwene yonsi yalalola ucindami wako. Yene yalaakwama izina lipya, lino akanwa kakwe Yawe kalasokolola.

Ezaya 32:2

Nayo yalaya kwati ali yakucingilila antu uku muza. Kwati ali yano yalapusukilako uku cipunga caku ufumondaka. Yalaya wa tunguzi twa manzi utwaya mu lwanga, ungati ali cisao ca mulunda umu mpanga yumalale.

Mapinda 18:10

Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.

Masamu 68:31

Inkombe zilafuma uku Eguputo, na ina Kusyi yalakatusya amakasa yao nu kupepa we Leza.

Masamu 62:7

Ufyusi wane nu ucindami wane, vyasintilila muli Leza. Ali ciliwe cino nkazina mwenemo, ali muno nkauwa.

Masamu 46:11

Leza Wamaka yonsi waya naswe, Leza wakwe Yakobo ali cele litu!

Masamu 46:7

Icacumi swemo twaya na Leza Wamaka yonsi. Leza wakwe Yakobo ali cele litu!

Masamu 46:1

A Leza ali wino swemo tukazina munoli. Nupya ali wino akatupeela na maka, akatwazwa lyonsi sile lino tukaya umu ucuzi.

Masamu 27:5

Umu nsita ya mazanzo, aliwe akansunga umu mutanda wakwe. Aliwe akamfisa umu Ng'anda yakwe ikulu nu kuntongamika apapelapela ya ciliwe.

Masamu 19:14

Sungala upokelele amazwi yapa kanwa kane, na melenganyo amu mwenzo wane. We Yawe, we ciliwe cane na katuula wane!

Loma 1:25

Yene yafutatila cumi ca pali Leza nu kutaila ufi. Yene yakapepa nu kutumikila viumbwa vino Leza waumba mu cifulo cakwe kaumba umwisikulu uwalinga kulumbanyiwa pe na pe! Ameni.

1 Yamwene 20:23

Inkombe zyakwe Beni Hadadi umwene waku Asilya iziya kunoli nu kumunena ziti, “Tuleza twa ina Izlaeli a tuleza twamu myamba. Uli mulandu uno yene yali na maka ukuluta sweswe. Lelo ndi cakuti twayalwisya umu manyika, icumi kwene tulaya tukayacimvye.

Ezaya 44:20

Umu cumi, icili conga nu kulya amakala. Amano yao auwelewele yayalozya kuze kuze sile. Yene yasiiluka foo, cakuti yavwanga yati, “Icintu cii cino ndemile icaufi nupya icaciwelewele.”

Ezaya 45:14

Yawe wavwanga ku ina Izlaeli wati, “Cuma caku Eguputo ni vyauculuzi vyaku Kusyi, vilaya ivyakwinu. Antu aku Seba, amusinku utali, yalawela kunomuli yaye azya inu nu kumulondelela icisila ala yali mu minyololo. Yalamufukamila nu kuzumila yati, ‘Cumi kwene Leza ali namwe, nga kutaya namuze. Kutaya Leza namuze.

Yelemiya 2:8

Yasimapepo nayo yakanyile ukuuzya yati, ‘Uzye Yawe ali kwi?’ Yakapingula nayo yatamanyile nene, intunguluzi nazyo zyansangukile. Yakasema nayo yasemile mwi zina lyakwe Baali. Nga yalondela utuluwi utwasilesile.

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Yelemiya 12:16

Antu yayo ndi cakuti yaca yapokelela upefi wa antu yane, nu kulapa yalapa umulapo yati, ‘Leza andye, yata nu kupepa Baali ndi vino yasambilizye antu yane ukulapa mwi zina lyakwe Baali, ale lyene nayo kwene yalaya pamwi na antu yane.

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Yowelo 3:16

Yawe akululuma ku Zioni, ni zwi lyakwe likuvwika wa kupangalansya ukufuma mu Yelusalemu. Nga insi nu lwelele ivitenta. Lelo Yawe alaya cakuzinamo antu yakwe, ilinga lya kucingilila aina Izlaeli.

Amosi 2:4

Yawe wavwanga wati, “Pamulandu wakuti antu aku Yuda yakutwalilila ukwifya, nemo ntalaposiwa ukuyavunuka. Yene yakapepusya amasunde yane ne Yawe, acino yasinguvwila muli vyonsi vino nkayasunda, nga na Tuleza twaufi utwa vikolwe vyao twayaponzya.

Masamu 18:3

Nkalaizya kuli Yawe, wiyo uwalinga ukulumbanya, nga nawe akantuula ku anisi yane.

Masamu 65:3

Apa mulandu wa kwifya kwitu nanti tungifya uli, wemo ukatwelela apa kuluvyanya kwitu.

Yelemiya 10:3

Pasi pano intambi zya mitundu yuze, izyasilesile. Yene yakakoma imiti mu mutengo, alino kawaza nawe auwaza ku makasa yakwe ni mpato.

Yelemiya 14:8

Awewe sile wenga wemuno aina Izlaeli yakupaalila munuli. Awewe ukatutuula lino twacula. Uzye lyene pacani cino waya wa mwenyi umu mpanga, nanti wa mulendo akutuwilizya sile uwanda onga?