Yelemiya 16:17 - Amazwi Yakwe Leza 2013

¹⁷ Amanso yane yakaceceta vyonsi vino yakacita. Kusi nanti conga cino cafisama kunondi. Amaifyo yao yatange yutuke ku mulola wane.

Yelemiya 16:17 Referans Kwoze

Mapinda 15:3

Amanso yakwe Yawe yaya mpanga yonsi, yakalola aipe nga na asuma kwene.

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Mapinda 5:21

Yawe akaceceta imipitile ya muntu cila nsita, ni nzila zyakwe akazilolekesyapo zyonsi pyu.

Masamu 90:8

Inkota zitu zyaya apa lwalala kunuli, na maifyo itu amu umfisolo nayo kwene ukayaleta apaswe.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

Yelemiya 32:19

Kunuli wakula wakwe cimwi mu vicitwa vyako. Ala wewe musambazi mu vicitwa vyako vyonsi.

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

Ezekelo 9:9

Leza nawe anjasuuka ati, “Aina Izlaeli na Ayuda yakwata umulandu, pano yene yaifya wakwe cimwi. Yakomola antu konsi pyu mu mpanga ii, nupya nu mu musumba kwene uu mwazula tupu uyi. Yene yakalukuti, ‘Leza wafumyako amano ku mpanga itu. Yawe asikulola foo.’

Ezaya 29:15

Kalanda ku antu yano yakaezya ukufisa Yawe amapange yao! Vino yene yakapanga ukucita, yakavicitila umu umfisolo nu kwelenganya yakaelenganya ukuti kusi nanti wenga akuyalola nanti ukumanya vino yakucita.

Masamu 139:3

Ukacevya imiombele yane, ndi cakuti inkuomba nanti inkupuza. Wamanya ivicitwa vyane vyonsi.

Ezekelo 8:12

Leza ali pakunguzya ati, “We mwana wa muntu, uzye wailolela ivikacita akalamba ya ina Izlaeli, umu kanda, cila muntu umu muputule wakwe umu viluwi vilengwe? Ala yakuti, ‘Yawe atange atulole, Yawe watazyela impanga.’ ”

Masamu 51:9

Funtusya usyu wako kunondi, uku kulolekesya uku maifyo yane. Kumbula uyi wane onsi.

Masamu 109:15

Sangala Yawe alukwiusya amaifyo yao, lelo yene yililikwe!

Yelemiya 2:22

Nanti ungafulala uli na sopo umununkile, ukulutila kwa uyi wako mpaka kuloleke kunondi.

Yelemiya 29:23

Fwandi vivyo iviliizila yakacita ya muzewanya mu Izlaeli, yano yakacita ulenzyo na yamuka eneco, yano yakalandila mwi zina lyane nanti ntayatumile. Lelo namanya ukuti nene kambone kuli cico.” Ivyalanda Yawe.

Zefaniya 1:12

Apa nsita iyo ndatoola ulukozyo ince nje mukunengula umusumba wa Yelusalemu. Ndavunuka antu atasakamalapo nanti cimwi, akaikala mu musango uno aeneco yakulondelamo, yao akaelenganya iyati, ‘Awe Leza atalacitapo icintu nanti cimwi, icisuma nanti iciipe kwene.’

Zakaliya 4:10

Umu cumi, antu yasikusansamuka pakulola vino Zelubabeli akwangalila umulimo wa kunkuulila Ng'anda yane ikulu.” Umungeli wanenyile ati, “Inyali ali manso cinimbali yakwe Yawe yano akalolelako insi yonsi.”

Yobo 10:14

Lino nifyanga wancelekanga sile apakuti nemo ntakalole apa kufuntukila umukuponga kwane.

Yobo 31:4

Uzye Leza asilola imiyele yane yonsi, nu kumanya wamanya ningo imipitile yane yonsi.

Masamu 33:15

Aliwe kwene uwapanzile imyenzo yao onga onga. Wene akaceceta ni vicitwa vyao vyonsi.

Ezaya 66:18

Apa mulandu wa vicitwa vyao vino manyile, nasya nize nkolonganike antu amitundu yonsi kwene. Alino lyene iliza iilolele yonga ucindami wane.

Yelemiya 7:11

Uzye mwemo mukalola ukuti Ng'anda ii, ino ikaamilwa kwi zina lyane, ininga ya ivi vwile? Lelo nemo nkalola vyonsi vino mukacita! Ivyalanda ne Yawe.