Yelemiya 16:16 - Amazwi Yakwe Leza 2013

¹⁶ Yawe walanda wati, “Ndatuma avuvi ya nswi nyanya, yano yalayalema wa nswi. Ndatuma na alumba avule, nga nayo yalayalunga mu myamba yonsi nu mu macele.

Yelemiya 16:16 Referans Kwoze

Amosi 4:2

Yawe Simwandalali mu muzilo wakwe ulya, walapa ati, “Cumi nkumunena ukuti insita iliza lino antu yalamukweta na maswelo wa nswi. Yalamuswela na maswelo wenga wenga mpaka nu wakusyalikizya.

Mika 7:2

Antu acumi yatacilipo pa mpanga ya pano pansi, kusi nanti wenga akacita ivilungame. Yonsi kwene yakateyamila auze kuti yayakome. Cila muntu akateya ulukose lwakulemyamo umwina.

1 Samueli 26:20

Fwandi utakaleke inkakomwe umu mpanga ya inamasi, ukutali na Yawe. Uzye icani icingaleka ukuti wewe, we mwene wize wandunga nemuno nacepa wa kalupantila, wakwe vino umuntu akalunga inkwale umu myamba?”

Utandiko 10:9

Yawe amulenga ukuya mulunzi wa maka cuze mu nsi yonsi, apafuma nu muvwango wakuti, “Yawe akulenge uye umulunzi wa maka wakwe Nimulodi!”

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Amosi 5:19

Cilaya ndi vino cikaya lino umuntu akuutuka cisama nga lyene akomanya icilyanyi icakolana ni cuuli, nanti vino cikaya ndu muntu wingila mu ng'anda, nga lino wasamila ku lung'umba inzoka imuluma.

1 Samueli 24:11

Tata, silola akapimfya ka mwingila wako kano ndemile mu minwe! Ninalepula isempele lya mwingila wako, lelo ntakukomile. Acino lyene manya vino nemo ntakweti umulandu umwi nupya ntakusangukila awe. Nemo ntifya kunuli, lelo wemo ukundunga kuti unkome.

Ezaya 2:21

Lino wemo we Yawe uliza uku kutensya insi, antu yene yalafisama muli yapolowe nu mu macele, umu myamba apa kuutuka sile ukali wako nu ucindami wako.

Ezaya 7:19

Yaliza yafume umu mikonko, nga nu mu macele. Yaliza yatuwilizye umu vipupa vyonsi ivya myunga nu kufupilizya monsi umwa kucemela iviteekwa.

Yelemiya 4:29

Apa kuvwa icongo ca mfwalasi ni ca asilika ya nceto, cila muntu alapuuka Yamwi yalapuukila ku mitengo. Yauze yalakwela apapela mu vimawe. Cila musumba mutalasyala nanti akantu, nga kusi umwi alikala mwenemo nupya.

Yelemiya 6:9

Yawe Wamaka yonsi walanda wati, “Kungululini antu yonsi pyu yano yasile penepo mu Izlaeli. Muyakungulule vino mukakungulula amatingi. Acino mulinzile ukupususya wiyo wensi wino mungapususya lino kucili insita.”

Yelemiya 49:5

Lola, ndakuletela akasokonda mpanga yonsi. Yalazinga, cila muntu pano alungime. Kutalaya nanti wenga uwakukolonganika imbutusi pamwi. Ivyalanda ne Yawe Wamaka yonsi.

Nyimbo zya ndosya 4:18

Anisi itu yatucevyanga, cakuti twaposiwe nu kutampula intampulo mu miseo. Amanda itu yalanga yasila ni mpela yitu yatiyiza.

Oseya 10:10

Lino nkasi ukuvunuka antu aipe yaa, ndawela nu kwiza yavunuka. Antu amu mitundu yuze yalumana akapi nu kuyakatukila, nga nayo yalavunukwa apa uyi wao.

Zefaniya 1:12

Apa nsita iyo ndatoola ulukozyo ince nje mukunengula umusumba wa Yelusalemu. Ndavunuka antu atasakamalapo nanti cimwi, akaikala mu musango uno aeneco yakulondelamo, yao akaelenganya iyati, ‘Awe Leza atalacitapo icintu nanti cimwi, icisuma nanti iciipe kwene.’

Nyimbo zya ndosya 4:19

Yayo atuzinganyanga yali nu lwilo ukuluta yacipungu atiyavuka umu lwelele. Yatuzinganyanga umu myamba nu kututeyamila umu lwanga.