Yelemiya 16:11 - Amazwi Yakwe Leza 2013

¹¹ Lyene uce uyanene vino Yawe wavwanga wati, ‘Apamulandu wakuti ivikolwe vinu vyantazyezile nu kulondelela tuleza tuze, yatutumikilanga nu kutupepa.’ Yene yantazyezile nupya yatawasile amasunde yane.

Yelemiya 16:11 Referans Kwoze

1 Petulo 4:3

Mwemo mwasumvile nsita mu kucita vintu wa antu atataila Leza. Mwemo mwacitanga vya winyi, mwali ni mbunu, mu ukolesi, nu mu kuwowota, mu muzangalwe mu nsaka zya ukolesi, nga nu mumipepele iya winyi ya tuluwi.

Ezekelo 11:21

Lelo ndavunuka antu yano yatemwa ukupepa amaunkolanya aipe nu tuluwi twawinyi. Ndayavunuka pamulandu wa vintu vyonsi viipe vino yacita. Ivyalanda Yawe Simwandalali.”

Yelemiya 22:9

Lyene nayo yalaasuka yati, ‘Apamulandu wakutazyela upangano wakwe Yawe Leza wao, yapepa nu kutumikila tuleza tuze.’ ”

Yelemiya 8:2

Mu cifulo cakuti yakonganikwe nu kuzikwa, amafupa yao yalaya wakwe citindi uwatatulumana pa musili. Yene yalaanikwa ku kasanya, ku mwezi nu ku ntanda, uku vintu kwene vivyo vino yatemilwe ukutumikila, vino yakalondela nu kuuzya kuno vili nga nu kuvipepa. Kutalaya uwakuyakolonganika nu kuyaziika. Yalikala pa musili wa muvundo.

1 Yamwene 9:9

Antu nayo yalaasuka yati, ‘Umulandu wakuti aina Izlaeli yasuzile Yawe Leza wao uwafumizye ivikolwe vyao mu mpanga ya Eguputo. Yalanga yasumba amano kuli tuleza twao utuluwi, atuno yapepanga nu kutucindikisya. Icati cilenga kuti nawe Yawe ayaletele isyamo lii.’ ”

Yelemiya 9:14

Nemo yantalamila nupya yakupepa na tuleza utuluwi twakwe Baali, ndi muno ivikolwe vyao vyayasambilizye ukucita.

Yelemiya 2:8

Yasimapepo nayo yakanyile ukuuzya yati, ‘Uzye Yawe ali kwi?’ Yakapingula nayo yatamanyile nene, intunguluzi nazyo zyansangukile. Yakasema nayo yasemile mwi zina lyakwe Baali. Nga yalondela utuluwi utwasilesile.

2 Milandu 7:22

Nga alino antu nayo yalaasuka yati, ‘Umulandu wa misuli ya ina Izlaeli kuli Yawe Leza wao wiyo uwa yafumizye umu Eguputo umu uzya. Yene yasumvile amano yao kuli tuleza twankandawa, utuluwi tuno yapepanga. Ali mulandu kwene uno Yawe wayaletela isyamo!’”

Amosi 2:4

Yawe wavwanga wati, “Pamulandu wakuti antu aku Yuda yakutwalilila ukwifya, nemo ntalaposiwa ukuyavunuka. Yene yakapepusya amasunde yane ne Yawe, acino yasinguvwila muli vyonsi vino nkayasunda, nga na Tuleza twaufi utwa vikolwe vyao twayaponzya.

Malaki 3:7

Ukufuma sile ku manda ya vikolwe vinu mwemo mwafutatila ivipope vyane, nupya mutavisunga. Ndi mwawela kunondi, nani kwene ndawela kunomuli. “Lelo mwemo mukuti, ‘Uzye tulinzile kucita vyani pakuti tuwelele kunuli?’ ”

Yakapingula 2:11

Lyene aina Izlaeli iyacita inkota pa manso yakwe Yawe nu kutumikila tuleza tu Baali.

Yelemiya 13:22

Lino mulaayuzya mweisikulu muti, “Uzye pacani cino icintu cii catuponela?” Ala apamulandu wa maifyo inu aingi ali cino yalepolela insalu apa kumuzula nu kumulema apa maka?

Yelemiya 44:3

Apamulandu nu uyi uno yacisile, wakunsosya umwenzo lino yaile kuli tuleza utwenyi tuno yatamanyile aeneco kwene nanti ivikolwe vyao cakuti yatocela ubani nu kututumikila.

Nyimbo zya ndosya 5:7

Ivikolwe vitu vyaifizye, lelo pali ndakai visipo, nga naswe tukuculila apa maifyo yao.