Yelemiya 15:19 - Amazwi Yakwe Leza 2013

¹⁹ Caleka Yawe avwanga ati, “Ndi cakuti waweluluka kunondi, ndakuwezya ku mulimo wakuntumikila. Ndi cakuti walanda vyampomvu, ivisi vyasilesile, lyene ulaya wa mulomo wane. Antu yaa yalaweluluka kunuli, lelo wemo citalinzile ukuya kunoyali.

Yelemiya 15:19 Referans Kwoze

Zakaliya 3:7

“Yawe Wamaka yonsi wavwanga wati, ‘Wemo ndi umayela amasunde yane, umaomba imilimo ino nkupiile, ale wewe umaya umukalamba wa ng'anda yane, ni misolo yane yonsi kwene. Nu kuvwa namauvwanga amapepo yako ndi vino nkauvwa amapepo ya angeli yaa aimilile apa nkolelo.

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

Aina Levi 10:10

Ulinzile kupusanya pakasi ka vintu vyakwe Leza ni vintu vyakuomvya pasilesile, pakasi ka vintu vyamuzilo ni vintu vyamifitalila.

Ezekelo 44:23

Yasimapepo yace yasambilizya antu yane ukupusanya vintu vyamuzilo ni vyasilesile, yace yayalanga na vino ivikowele ni visi vikowele vyapusana.

Ezekelo 22:26

Yasimapepo yao yakaonona amasunde yane, nupya yasicindika ivyamuzilo vyane. Yasipusanya vyamuzilo ni visi vyamuzilo. Apa kusambizya yasipusanya ivintu ivikakowezya antu ni visikowezya, nupya yasisakamala ni Sabata kwene. Uli mulandu kwene uno aina Izlaeli yasincindikila.

Yuda 1:24

Kuli Leza wiyo angamucingilila kukuponela mu maifyo, wene angamulenga kwimilila panoli mu lulumbi lwakwe aulwa umulandu nupya aluzango.

Galatiya 1:10

Uzye pakulanda vii nkwezya kuzanzya antu nanti Leza? Awe cisi vivyo! Nemo nkasi kuzanzya Leza! Uzye nkwezya kuti ndumbuke ku antu! Ndi avino nkwezya kucita, lyene ntangaya muomvi wakwe Klistu.

Ayebulai 5:14

Mukulanda kuze tumati vyakulya vikome ivya antu aikolo, yano asambiliziwa ningo kupalula visuma ni viipe.

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Luka 10:16

Yesu anena alondezi yakwe makumi cinimbali na yaili ati, “Wino akamuvwila, akauvwila nene. Lelo wino uwamukana, ala wakana nene. Caleka wino uwankana, ala wakana uwantuma.”

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Kufuma 4:12

Acino ndakai pitanga! Ndalenga kuti uvwange nupya ndakunena ivyakuvwanga.”

Ezekelo 2:7

Yuvwe nanti yatuvwa wemo uce ukayanene amazwi yane pano uluko lulo ulutalame.

Luka 12:12

Pano Mupasi Wamuzilo alamumanyisya pa nsita ilya pali vino muli nu kuvwanga.”

Luka 1:19

Lyene mungeli amwaasuka ati, “Nene Gabilieli, wino akaikala pipi na Leza, nupya natumwa kuti nize nkumanyisye nu kukunena Ilandwe Lisuma lii.

Yelemiya 20:9

Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Galatiya 2:5

Lelo pakuti tucingilile cumi ci Landwe, swemo tutayasilile mweko nanti panono.

Luka 21:36

Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”

Mapinda 22:29

Ndi cakuti wemo walola penepo umuntu umwi umu cincile umu milimo, wiyo kwene ali wino alinzile ukuombela yamwene, asi wakuombela antu asilesile foo.

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

2 Kolinto 5:16

Caleka ndakai tusyapingula antu kulingana na vino yakaloleka. Nanti angala pa nsita imwi twatazile tupingula Klistu kulingana na vino muntu akaloleka, lelo ndakai tusyacita vivyo.

Yona 3:2

“Katuka, uye ku musumba ukulu uwa Ninive nga ukakosole ilandwe lino nkukupeela ku antu aikala mwenemo.”

Yelemiya 4:1

Yawe wavwanga wati, “Mwe antu amu Izlaeli, ndi mukasi ukwaluluka, lyene mwalukile sile kunondi. Sumbini utuluwi twinu utwa winyi tuno napata wakwe cimwi, nupya mutapumboka umu nzila.

Yelemiya 6:29

Ilungu likalunkuma wakwe cimwi, apakwengulula umutovwe apa moto. Lelo ivikwi ivyaya mwenemo vikakana ukufuma. Ala uwalanganyi sile ukwezya kutwalilila ukuswefya antu yane, pamulandu wakuti yayo aipe yasiswefiwa.

Yelemiya 35:19

Yawe Wamaka yonsi, Leza wa ina Izlaeli akuti Yonadabu umwana wakwe Lekabu atalatala aulilwe umuntu wa kumutumikila.”

Nyimbo zya ndosya 1:11

Aina Yelusalemu yakuteta lilyo lino yakulondelezya vyakuti yangalya. Yene yakukaula ivyuma vyao ni vyakulya pakuti yatwalilile kuya nu umi. Yakulosya yati, “Mwene sungala undole sile luseluse. Lola vino yakunsaalula.”

Aina Levi 14:57

Amalamulo yaa, akulenga kuti mumanye lino icintu cimwi caya ciswepe nanti icamifitalila.

Yelemiya 1:9

Lyene Yawe atambika ikasa lyakwe, nga ankumya na pa milomo avwanga ati, “Lola, namaika amazwi yane mu kanwa kako.