Yelemiya 15:15 - Amazwi Yakwe Leza 2013

¹⁵ Lyene inti, “We Yawe, cico cene wacimanya. Uwanjiusya nu kungazwilizya. Uwandandwila kuli yayo akanzunya. Wemo usisoka zuwa, acino utaleka yankome. Waiusya ukuti nemo nkutukwa pamulandu wako.

Yelemiya 15:15 Referans Kwoze

Yelemiya 12:3

Lelo wemo Yawe wamanya, nupya ukalola vino nkacita na vino nakutemwa. Antu yaa aipe, wemo uyatintanye wa mfwele zino yakutwala ku kukomwa. Yawakilile mpaka uwanda wa kukomwa uce usuke ufike.

Luka 21:17

Onsi yalamupata pamulandu wane.

Yelemiya 20:12

Lelo we Yawe Wamaka yonsi, wemo ukalungika apa kwezya antu. Wemo ukalola ivyaya mu myenzo yao nu munda zyao. Pasi pano nemo nintuula umulandu wane mu makasa yako.

Yelemiya 17:16

Lelo kwene asi nene nakupamvizye kuti ulete uononesi pano yali. Nupya asi nene nakumvilwe ukuyaletela uwanda wa ntazi. Wemo umanyile cii. Umanyile cino nalanda.

Neemiya 13:22

Lyene mpela ilamulo ku ina Levi kuti yaiswefye nu kwiza tandika kulinda mpongolo kuti wanda wi Sabata uziliziwe. We Leza wane, unjiusye nu kunsunga pamulandu wakutemwa kwako kukulu.

Mateo 10:22

Onsi yalamupata pamulandu wane. Lelo wino wensi alaposya kufika nu ku mpelelekezyo, wene alatuulwa.

Yelemiya 20:8

Nemo lyonsi sile ndi navwanga, ala nkupunda nu kulaizya inti, “Ala ncule mwe! Alu wononyi nu kuvula!” We Yawe, nemo lyonsi sile antu pasi pakunseka, pasi pakunsuula, pamulandu wakuti nkasema ilandwe lyakwe Yawe.

Masamu 119:84

Uzye namalolela ukufika lilaci? Uzye alilaci lino ulavunuka yao anzunya?

Masamu 106:4

We Yawe, uwanjiusya lilyo lino ukwazwilizya antu yako, uwa mpempula lino ukupususya yamwi.

Neemiya 5:19

Caleka we Leza wane, ule walukunjiusya pamulandu ni visuma vyonsi vino nacitila antu yaa.

Umbwilo 18:20

Zangini, mwe muno mwikala mwiyulu pamulandu wakononwa kwakwe! Zangini mwe antu yakwe Leza pamwi na atumwa na yakasema! Pano Leza watamuvunuka pali vino wamucitile!

Umbwilo 6:10

“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”

2 Timoti 4:14

Alekizanda kasula wa vyela wancitile viipe mu misango ingi. Mwene alamulambula kulingana na vino wacita.

2 Kolinto 5:11

Twamanya vino cikasenula koopa Mwene, caleka tukaezya kukonkomezya yauze kucita cii. Leza watumanya mu ufumaluke, nupya nkupaalila vino mu myenzo inu naswe kwene mwatumanya.

Loma 12:19

Mutalandula, mwe yacuza yane, lelo lekini Leza aliwe acite cilanduzi. Pano calembwa mu malembelo vino Leza wati, “Ndalandula, nupya ndayawezezya vicitwa vyao.”

Mateo 19:29

Na wensi uwasya mang'anda yakwe, aina aonsi, yakaci yakwe, isi, nyina, ana nanti vyalo pamulandu wane, wene alapokelela ivingi kuluta pali vino wasya, nga nu umi wape.

Yelemiya 15:10

Kalanda kunondi! Uzye icani cino mayo wamvyalile? Nemo nkulemanila nu kupazyana nu muntu wensi mu mpanga ii. Nsiazimisya nanti ukwazima impiya. Lelo antu yonsi yakantipwila.

Ezaya 38:3

“Iusya we Yawe vino nikala nkakutumikila ningo ningo, umu kukufukilila. Iusya na vino lyonsi sile nezyanga ukucita ukulonda kwako.” Awe lyene Hezekiya alila wakwe cimwi, pasi pakulila mwe!

Masamu 102:24

We Leza utansenda pali ndakai, ntacili nkote! Wemo wewe wa pee!

Masamu 39:13

Utandolesya uyi uyi, leka mpemwile kweneko, lino ntacili mpite nu kuililila.”

Masamu 17:3

Nanti angala wemo wasakaula umu mwenzo wane, nupya wiza wampima usiku, wanjezya umu musango uli onsi, lelo pasi nanti umulandu umwi uno wazana. Nemo nsilanda iviipe.

Yobo 10:7

Nu kumanya wamanya ningo sana ukuti nene wakaele. Wamanya ningo ukuti kutalatala kuye umuntu nanti umwi wino alezya ukumfyombotola ukufuma mu makasa yako.

Neemiya 13:31

Nga mpela ilamulo lyakuti yaleta inkwi ni vizao vyankolelo apa nsita iyasontwa. We Leza wane, si ule wiusye vyonsi nu kunjela amizu.

Neemiya 6:14

Nga nemo pali pakupepa inti, “We Leza wane, iusya Tobiya na Sanibalati apa vintu vino yacisile, alino na kasema umwanaci Noadiya pamwi na yakasema yauze yano yezizye ukungofya.”

Loma 8:35

Uzye lyene aweni angatupaatukanya ku kutemwa kwakwe Klistu? Uzye utazi, nanti ucuzi nanti ukuzunyiwa, nanti icipowe, nanti kuulizya? Uzye amazanzo nanti imfwa?

Yakapingula 16:28

Alino Samusoni apepa kuli Yawe ati, “Yawe Simwandalali, napapata su nganjiusya. Su mpeele nupya amaka nanti iila lyonga kwene, ngu leke kuti ndandule pa manso yane yoili yano aina Filisti yantonkola.”

Masamu 44:22

We Leza ala apamulandu sile wakwe wewe, ali pano swemo yakatukomolela insita zyonsi, nu kutucita wa mfwele zino yakutwala uku kufyula.

Yelemiya 15:20

Ndakulenga kuti uye ilinga lya maka, ilya mukuwa, lya kukucingilila ku mutundu uu. Yene yalakulwisya, lelo yalaposiwa ku kucimvya pano ndaya nawe apa kukutaasya nu kukuwaka.

Yelemiya 20:11

Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.

Yelemiya 18:23

Alino nawe kwene Yawe watumanya vii vyonsi vino yakupanga ukuti yangankoma. Utezya uyayelele uluse. Apa uyi wao onsi. Utezya ufute iviipe vyao. Yafwante pansi uyacimvye. Yacitepo cimwi apa nsita ino ucisosile.”

Nyimbo zya ndosya 3:64

“We Yawe, ule uyapezye ndi vino caticiyalinga ule uyavunuke pali vino yacita.

Nyimbo zya ndosya 3:66

Si ale uyazinganye cipyu cipyu nu kuyalovya muno nsi!”