Yelemiya 15:14 - Amazwi Yakwe Leza 2013

¹⁴ Ndaleka kuti yaye azya ya anisi yao mu mpanga ino yatamanya, pamulandu wakuti ukali wane ukoline wa moto, nupya ulafuluma amanda pe.”

Yelemiya 15:14 Referans Kwoze

Yelemiya 16:13

Ali cino namamusumbila kunzi ya mpanga ino itamanyika kunomuli na kuli yaso. Ali kuno mulaombela tuleza tuze, usiku nu musanya. Ntalamukwatila uluse awe.”

Malango 32:22

Ukali wane ulalunkuma wa moto nu koca akali konsi akaya pano nsi. Wene ulafika na pisina lya nsi nu koca imisisi ya myamba.

Yelemiya 17:4

Mulafumbatula iminwe ku vyaupyanyi vino namupiile. Ndamucita azya ku anisi inu umu mpanga ino mutamanyile, pamulandu wa cipyu cane cino cikoline wa moto umuntazima.”

Masamu 21:9

Nga waca waloleka sile, alayonona wa cininkwa camoto. Yawe alayalovya uku ukali wakwe, nu moto nao ulayamalilila.

Malango 28:36

“Yawe alatwala mwemwe pamwi nu mwene wino mwasonta ku mpanga ya inamasi, kuko kuno mwemwe nanti ivikolwe vinu vitatazile vikale kweneko. Kuko kwene, ali kuno mulatumikila tuleza tuze utwakuwaza nu twapangwa ku mawe.

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Ayebulai 12:29

Tulinzile kucita cii, pano cumi kwene Leza umoto uno ukaonona.

Amosi 5:27

Caleka nemo ndamuzingila uku uzya, ukutali ukupuzya umusumba wa Damasiko.” Avino Yawe wavwanga, wino izina lyakwe a Leza Wamaka yonsi.

Yelemiya 52:27

Nu mwene waku Babiloni ayakoma kuku kwene ku Libula umu mpanga ya Hamati. Avino Ayuda yasenzilwe ku mpanga yakutali ukufuma ku mpanga yakumwao.

Yelemiya 15:4

Nupya ndalenga ukuti antu yonsi panonsi yaizakazila sile uku ntete apa kulola ivintu vivyo, pamulandu wa vintu viipe vino Manase umwana umonsi wakwe Hezekiya wacisile mu Yelusalemu lino wali umwene waku Yuda.”

Yelemiya 14:18

Akula naya umu mpanga, ivyala vitupu avino nkuzana vya antu atiyakomwa umu nkondo. Nanti ndi naya umu misumba nkuzana antu yano yakusikila pamulandu ni cipowe. Yakasema na yasimapepo yakutwalilila kuomba imilimo yao. Lelo yatamanyile cino yakucita.”

Yelemiya 4:4

Sungini upangano uno ne Yawe napangine namwe. Mutuule imyenzo inu kunondi mwe antu amu Yuda na amu Yelusalemu. Ndi cakuti mwakana ukucita cico, ale lyene ukali wane ulalunkuma wa moto pamulandu wa vintu viipe vino mwacita. Wene ulalunkuma wa moto, nupya kusi nanti umwi alauzimya.”

Ezaya 42:25

Acino wene watusokile apakalamba, nu kutuletela inkondo ikakate. Asonteka nu moto konsikonsi ukutuzinguluka, ukwaula na kuti tumanye icacitikanga. Umoto watoosile, lelo swemo tutasambililepo nanti cimwi.

Malango 29:23

Umu vyalo vinu mutalamela akantu nanti kamwi. Mulaya sile amawe kwati a yamunyela amu malungu. Nupya mulaya umusili uwa cicelecele muno mutangakomelwa nanti cimwi, nanti sile ivikona vitangamela mwenemo. Fwandi impanga inu ilaya wa misumba ya Sodoma na Gomola, Adima na Zeboimu, ino Yawe wononyile lino wasosile icisoke conga.

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.