Yelemiya 15:13 - Amazwi Yakwe Leza 2013

¹³ Yawe avwanga kunondi ati, “Ndatuma anisi kuti yasampe ivyuma vya antu yane, pakuti njavunuke apa maifyo yano yacita mu mpanga yonsi.

Yelemiya 15:13 Referans Kwoze

Yelemiya 17:3

alino na papela ya mwamba usanzuke. Ivyuma vyako vyonsi vino mwatuulika ndaleka visampwe. Vilaya wa malipo apa maifyo inu muno mpanga yonsi.

Masamu 44:12

Watutukazya swe antu yako apa mutengo unono ukwaula umuzano nanti umwi.

Ezaya 52:3

Yawe Simwandalali akuti, “Mwemuno yamukazizye ukwaula umuzano mulakululwa sile ukwaula kusumbapo ulupiya.

Yelemiya 20:5

Namaleka na anisi yako yasampe ni vyuma vyonsi ivyaya mu musumba uno wa mpanga ya Yuda kumwi na vyonsi vyamutengo ivyaya mwenemo. Vyuma vyonsi vyakwe yamwene yalavisenda ku Babiloni.

Ezaya 52:5

Lelo api lelo mu Babiloni namo ululi lumwi kwene, mwikala mu uzya ukwaula umulandu uno mwatala. Yano yamuteeka uzya pasi pakuyuvwa nu kuiwanzya. Lyene nani kwene pasi pakunsuula insita zyonsi. Kuu kuli kulanda kwakwe Yawe

Yelemiya 15:8

Yamukamfwilwa yao yatiyavulilako umu mpanga ilya, ukuluta umusensenga uwamu nkumba yakwe yemba. Nakomile ana inu alumendo apa vilumba vyao, nu kuleka kuti yanyina yacule. Umu kupumikizya nayaponyezizye kunyunguluka nga ni ngofyo.

Ezekelo 38:13

Aina Syeba, Dedani, aculuzi aku Tasyisyi nga nu tumizi tonsi utwamuzinguluka yalakuuzya yati, ‘Uzye watwizila sile umu kutusampa ivyuma? Uzye wakolonganika ivita vyako apa kutupokolola sile ivyuma nu kutusendela zaabu na siluva, iviteekwa ni vya uculuzi vyuze ni vyuma vyuze nyanya?’ ”

Zefaniya 1:13

Ala ivyuma vyao vilasampwa, nga na mang'anda yao yalaongololwa. Amang'anda yano yakuula yatalikalamo foo. Na matingi yano yalima yatalamwako waini wayako, awe.”