Yelemiya 14:9 - Amazwi Yakwe Leza 2013

⁹ Pacani cino wayela wa muntu uwataulizya amano, nanti wa musambazi wino atakweti amaka akutupususya? We Yawe, cumi kwene wemo waya apakasi kitu? Swemo sweswe antu yako, utatutazyela, awe.”

Yelemiya 14:9 Referans Kwoze

Ezaya 63:19

Lelo wemo ukutucita sile wanyawanya, kwati asi wewe watuteeka. Kwati tutatala twaamwa antu yako.

Ezaya 59:1

Ikasa lyakwe Yawe litipimpala cakuti liposiwe ukupususya, nanti amatwi yakwe yatapuulama cakuti yakane ukuuvwa.

Yelemiya 15:16

Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.

Masamu 46:5

Leza akaikala umu musumba uo uno utalatala uwe, pano wene kumacaca, ala wataiza ku kuucingilila.

Mpendwa 11:23

Yawe nawe aasuka Mose ati, “Uzye ikasa lyakwe Yawe iliipi? Ulailolela wemwisikulu, ndi cakuti izwi lino nakunena lilafikiliziwa nanti foo.”

Ayebulai 13:5

Mwaikala umi uwa kuntatemwisya impiya, mwalola ukuti vino mukweti vyamukwana. Pano Leza wati, “Ntalatala imusye nanti kumutazyela.”

2 Kolinto 6:16

Uzye ng'anda yakwe Leza vingalemana uli nu tuluwi? Sweswe ng'anda ikulu yakwe Leza wa umi, ndi vino Leza umwisikulu walanda wati, “Ndikala pamwi na antu yaa nga nu kupita pakasi kao. Ndaya Leza wao, nao yalaya antu yane.”

Umbwilo 21:3

Alino nuvwa izwi likulu likulanda kufuma ku cilimba ca wene liti, “Ndakai uwikalo wakwe Leza uli pamwi na antu! Wene amaikalanga nao nupya yene yalaya antu yakwe. Leza umwisikulu alaya nao nupya wene alaya ali Leza wao.

Zakaliya 2:5

Yawe wavwanga ukuti aliwe umwisikulu alaya ilinga lya moto ukulizizya umusumba ulya, nu kuti acingilile umusumba nga nu kwikala mwenemo mu lulumbi lwakwe.”

Yelemiya 8:19

Si kutikini! Umu mpanga yonsi kwene, nkuuvwamo sile impooma zya antu yane yakuti, “Yawe asi mwenemo muno mu Zioni? Uzye Mwene wino wateeka muno mu Zioni, asi mwenemo vwile?” Yawe wino wayateeka nawe ali pakwasuka ati, “Uzye pacani cino mwaleka kuti insoke, pamulandu nu tuluwi twinu, na pamulandu wakwe tuleza twinu utwaciwelewele nupya utwa inamasi?”

Ezaya 51:9

Katuka fwandi zyuka we Yawe Leza witu! Ndanga utwazwe kweneko, utupususye uku maka yako. Kalambana ndi vino wacisile uku myaka yampiti mpiti. Uzye asi wewe kwene wasandozile icilyanyi ci Laabu tupimfya tupimfya?

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Masamu 27:9

Fwandi utafisama kunondi! Utansokela, utatazyela umuzya wako. Lyonsi ukangazwa, utansya nenga nupya utantazyela, Mwene Leza wane, Katuula wane!

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.

Malango 23:14

Fwandi muce mwasunga ningo kamba kinu ka asilika mu usaka, pamulandu wakuti Yawe Leza winu amayanga namwe mu kamba ka asilika, kuti amucingilile na kuti amupeele ucimvyo pa anisi inu. Mutakezye ukucita icintu nanti cimwi cawinyi cino cingalenga Yawe amufutatile.

Milimo 15:17

Alino na antu yauze yonsi yalalonda Mwene, pamwi na Akulukuwa yonsi yano nama kuya antu yane.

Ezekelo 48:35

Umusumba onsi kuzinguluka wali amamita 9,000 konsi konsi, nu kufuma wanda kwene ulya izina lya musumba lilaamwa ndi vino “Mwene ali Pano!”

Habakuku 1:2

Uzye ukufika lilaci lino we Yawe namalilila kunuli kuti ungazwe, lelo wemo usingasuuka? Nanti ukuilizyanya kuli wewe inti, “Ntulwe, inkondo kuno!” Lelo ukwaula kuti wemo ututuule?

Malango 28:10

Lyene antu yonsi pano nsi yalalola ukuti Yawe wasolola mwemwe kuti muye antu yakwe kololo, nga lyene yalaoopa mwemwe.

2 Milandu 7:14

ndi cakuti antu yane, yano yakaamilwa ukwi zina lyane, yaicefya nu kupepa kunondi, yalondalonda ni cinso cane, nu kuzenzuka ku misango yao ya ukakasi, ale lyene nani ukwiyulu kuno nikala indayuvwa, njayelele uluse apa maifyo yao. Indaleka nu kuti umu mpanga yao muye ivyakulya nyanya.

Masamu 10:1

We Yawe, uzye pacani cino uyelile kutali naswe? Uzye pacani cino waifisa apa nsita ino tuli umu ntazi?

Ezaya 43:7

Ya yonsi yakaamilwa kwi zina lyane, nene nayaumvile kuti yampela ululumbi, nayapanzile nu kuyapeela umi.”

Yelemiya 51:5

Pasi pano ne Yawe Wamaka yonsi, ne Leza wao, ntatazyela Izlaeli nanti Yuda, nanti angala yene yifya kunondi, ne Wamuzilo wilya wakwe Izlaeli.

Nyimbo zya ndosya 5:20

Uzye lyene pacani cino watwilila? Uzye pacani cino watutazyelela?

Zakaliya 8:3

Yawe Wamaka yonsi wavwanga wati, “Ndawela ku Zioni nu kwikala mu Yelusalemu. Lyene umusumba wa Yelusalemu ulaamwa ukuti Umusumba wa Cumi, nga nu mwamba wane ne Yawe Wamaka yonsi ulaamwa ukuti Mwamba Wamuzilo.”