Yelemiya 14:21 - Amazwi Yakwe Leza 2013

²¹ Si ungala wiusye vino watulaya, utatusuula foo. Utazewanya umusumba wa Yelusalemu, umwaya icilimba cako ca wene calulumbi. Utonona upangano wako uno wapangana naswe.

Yelemiya 14:21 Referans Kwoze

Yelemiya 14:7

Antu yane yakundilila, yati, “Nanti angala amaifyo itu yakutusinila, we Yawe ule utwazwilizye sile ndi muno walavile. Twifya wakwe cimwi kunuli, na ucisanguka witu wapitilila.

Masamu 106:45

Wiusyanga ulayo uno walaine nayo, ali pakuyuvwila inkumbu, pamulandu wa luse lwakwe ulukalamba.

Yelemiya 3:17

Umu manda yaya, Yelusalemu alaamwa ukuti icilimba cakwe Yawe ni mitundu yonsi akuno iloomokela umwi zina lyakwe Yawe. Yatalalondelela nupya ivintu vya utalami, nanti ivintu vyuze iviipe vino imyenzo yao ilayanena.

Yelemiya 17:12

Ing'anda itu ikulu yakwe Leza ikoline ni cilimba ca wene calulumbi, isanzulwe ukufuma sile nu ku katalili.

Umbwilo 11:2

Lelo utapima misolo ya kunzi, pano yene yapeelwa ku antu Akulukuwa, yene yalalyatola Musumba Wamuzilo kulingana ni myezi makumi yani na iili.

Efeso 2:7

Wene wacisile cii kuti mu myaka ikwiza alange ukama wa cikuku cakwe uiyele uno waya mu kutemwa kuno watulanga muli Klistu Yesu.

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Luka 1:72

Watile alaya na mizu ku antu itu, nu kwiusya upangano wakwe uwamuzilo.

Amosi 6:8

Yawe Simwandalali akulapa mwi zina lyakwe umwisikulu ati, “Nasoka icilumba ca ina Izlaeli nu kupata ivimang'anda vyao vikulu. Endi, ndapeela umusumba wao na vyonsi ivyayamo ku anisi yao.”

Danieli 9:7

Mwene, wewe kacita wa vyaololoke, lelo swemo swe ikazi amu Yudeya nu mu Yelusalemu tukaipupanya lyonsi sweisikulu swemuno wasalanginye mu mpanga zya mupipi ni zya kutali pamulandu wakuti tusi acumi kunuli.

Ezekelo 43:7

Alanda ati, “We mwana wa muntu, ii ili ncende ya cilimba cane ca wene, nupya apano nkalyata ingazo zyane.

Ezekelo 39:25

“Yawe Simwandalali wavwanga wati, ‘Fwandi lyene namawezezya amu mupanda wakwe Yakobo, aina Izlaeli, namasakamala ang'anda yakwe Izlaeli yonsi, namasakamala ni zina lyane lyamuzilo.

Ezekelo 24:21

‘Nena ang'anda yakwe Izlaeli uti Yawe Simwandalali uwavwanga wati lola namakowezya incende yane yamuzilo, cilumba ca maka inu, insansa zya manso inu nga ni ciluka ca myenzo inu. Ana inu aonsi na anaci yano mwasya ku cisila yalafwa ku lupanga.

Nyimbo zya ndosya 2:20

Silola, we Mwene! Uzye apacani cino ukutuvunuka mu musango kwene uu? Uzye anaci yalinzile kulya ivyala vya ana yao yano yatemilwe wakwe cimwi? Uzye antu yalinzile kukomola yasimapepo na yakasema umu Ng'anda yako kwene ikulu?

Nyimbo zya ndosya 1:10

Anisi yatiyamupoka ivyuma vyonsi. Wene watailolela nakuno ainamasi yakwingila umu Ng'anda ikulu yakwe Leza, yao yano we Yawe wainda ukwingila muno antu yako yakakongana.

Yelemiya 14:19

We Yawe uzye watututazyela sile swe ina Yuda? Uzye watutupatilila sile swe ina Zioni? Uzye pacani cino watutimbwilila vii, ukali ukali cakuti twaposiwa nu kupola? Swemo twalondanga ukuikalila swenga ku matwi cele, lelo kutaya icuma nanti conga cino caloleka penepo. Swemo twalolelanga sile ukupola, lelo twikalila sile ukusokondwa.

Masamu 106:40

Caleka Yawe asokela antu yakwe, nga wene yali wa cintu camuselu kunoli.

Masamu 51:11

Utafuntuka kunondi foo, utampoka umupasi wako uwamuzilo.

Malango 32:19

“Lino Yawe walola vivyo, asoka nga afwita ana yakwe yakalume na yakaci.

Aina Levi 26:11

Nkaiikala namwe mwi Taalu lyane lya Ukongano, nupya ntalatala mufutatile.

Kufuma 32:13

Iusya aomvi yako Abulaamu, Isaki na Yakobo nupya iusya na vino wayalavile nu kulapa pi zina lyako lino wayanenyile ukuti ulayapeela aizikulu avule cuze, avule wa ntanda zya mwiyulu, nu kuti ulapeela aizikulu yao impanga yonsi ino walavile. Mpanga kwene ii ilaya impanga yao amanda pe.”

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.

Masamu 25:11

Pamulandu wa kucindamika izina lyako, We Yawe, unjelele amaifyo yane, pano yene yavulisya.

Masamu 145:11

Vyene vilalanda pa lulumbi lwa wene wako, nu kuvwanga vyapa maka yako.

Ezaya 62:6

Nemo ne Yawe, namaika yakalinda pa malinga yako. Nayo yataezya ukwikala cele usiku nu musanya. Yalinzile ukunjiusya apakukana ilila vino namulaya.

Ezekelo 20:22

Lelo nupya kwene nasuzile sile, pano nga nailetile sile insonyi ku antu amitundu aweni kuno nafumizye aina Izlaeli mu Eguputo.