Yelemiya 14:18 - Amazwi Yakwe Leza 2013

¹⁸ Akula naya umu mpanga, ivyala vitupu avino nkuzana vya antu atiyakomwa umu nkondo. Nanti ndi naya umu misumba nkuzana antu yano yakusikila pamulandu ni cipowe. Yakasema na yasimapepo yakutwalilila kuomba imilimo yao. Lelo yatamanyile cino yakucita.”

Yelemiya 14:18 Referans Kwoze

Ezekelo 7:15

Ukunzi kuli inkondo, mukasi muli mpungo ni cipowe. Wiyo alazanwa mu mpanga alafwa ku lupanga, na wino alazanwa mu musumba icipowe ni mpungo vilamulya.

Nyimbo zya ndosya 1:20

“We Yawe, silola ulanda wane! Munda mwane mukuzakaza! Umwenzo wane ukukulukunta pano nene mutalami. Umu miseo muli utazi wa katwe, nu mu mang'anda muli imfwa.

Yelemiya 8:10

Icaleka indapeela aci yao kuli yauze, ni vyalo vyao kuli yakacimvya ya mpanga. Pano yonsi sile, anono na akalamba, ukutandikila kuli yakasema ukufika kuli yasimapepo yacita ucenjezi uwiipisye.

Yelemiya 6:13

Cila muntu, ukutandikila sile pa munono ukufika napa mukalamba, yonsi kwene yapunuka ku kulondelela ulonsi. Yonsi pyu, ukutandikila kuli kasema mpaka na kuli simapepo, yakacita usomvi umwi uipisye ku antu.

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Malango 28:36

“Yawe alatwala mwemwe pamwi nu mwene wino mwasonta ku mpanga ya inamasi, kuko kuno mwemwe nanti ivikolwe vinu vitatazile vikale kweneko. Kuko kwene, ali kuno mulatumikila tuleza tuze utwakuwaza nu twapangwa ku mawe.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Nyimbo zya ndosya 4:9

Yayo akomilwe ku lupanga yasyusile wakwe cimwi ukuluta yano yafwile pacisila, yayo yongokanga panono panono, apa kuulilwa ivyakulya kuti yaye nu umi.

Yelemiya 23:21

Yawe wavwanga wati, “Ntatumile yakasema yayo, lelo nanti cali vivyo yene yaile kweneko. Ntayanenyile nanti cimwi, lelo nalyo kwene yasemile mwi zina lyane.

Yelemiya 2:8

Yasimapepo nayo yakanyile ukuuzya yati, ‘Uzye Yawe ali kwi?’ Yakapingula nayo yatamanyile nene, intunguluzi nazyo zyansangukile. Yakasema nayo yasemile mwi zina lyakwe Baali. Nga yalondela utuluwi utwasilesile.

Ezaya 28:7

Na yakasema kwene kumwi na yasimapepo yatiyakoleka cakuti yakupempezyoka sile apa kupita. Yene yatiyamwa wakwe cimwi waini wa matingi, pamwi nu wengwa ukalipisye, cakuti yakuuluunsya sile, caticiyapezya na mano. Yakasema yatiyakolekesya cakuti yakuposiwa nu kwilula ivilolwa vino Leza akuyalanga. Yasimapepo nayo kwene yatiyakoleka cakuti yakuposiwa nu kupingula imilandu ino antu yakuleta kunoyali.

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Ezaya 22:2

Umu musumba monsi mwatimukaya na see! Owe, we musumba wa cimvulunganya ni ciwowo! Antu yako yatakomilwe uku lupanga foo, nanti ukufwa umu nkondo.

Yelemiya 6:25

Cisi cakwezya umwi kufumila mu vyalo nanti umu nzila. Pasi pano mwene muli ulupanga lwa mwanisi. Uzanzo watiutulizizya konsi konsi.”

Amosi 4:6

Anene nemuno namuponyezizye ivipowe mu misumba inu yonsi. Anene naponyizye inzala konsi kuno mwikalanga. Lelo lyonsi kwene mutatontile nu kuwela kunondi. Avino Yawe wavwanga.

Nyimbo zya ndosya 2:19

Mu nsita ya usiku mwakatuka lili lili nu kulilila uku Mwene. Mwamulilila wakwe cimwi, mwalengela na ana inu uluse, Ana yalya yano yakufwa insansalila umu visyoko vya miseo pamulandu ni nzala!