Yelemiya 14:17 - Amazwi Yakwe Leza 2013

¹⁷ Yawe wampile ilamulo lyakunena antu pamulandu nu ulanda uno nakweti nga nani inti, “Amanso yane yakwituluka sile aminsozi umusanya nu usiku ukwaula nu kuta. Cizipe ntata ukulila pamulandu wakuti antu yane yatiyaponelwa nu uzanzo umwi uwipisye. Yati yaciswa ivilonda iviipisye.

Yelemiya 14:17 Referans Kwoze

Yelemiya 8:21

Lyene nemo ne Yelemiya ala cikumbaya wakwe cimwi ku mwenzo pamulandu wakuti antu yane yaculisya. Nemo nkulosya, caticimputula nu musana.

Nyimbo zya ndosya 2:13

Iye mwe Yelusalemu, we musumba uno natemwisya, uzye namalanda cani? Ningakutekezya ntuli? Kutatala kwaya uwacula ndi vii. Ucuzi wako umakulilangako sile ukwaula impela, nga kusi nu upaalilo.

Yelemiya 13:17

Ndi cakuti mwemo musyakumuvwa, nemo ale namalililanga mu umfisolo. Apamulandu wa vilumba vinu, namalilisya wakwe cimwi cakuti na misonzi yamalukutanga. Apamulandu sile wakuti antu ya Mwene yatiyasendwa mu uzya.

Yelemiya 9:1

Cange cizipe umutwe wane iwuya cifula ca manzi, na manso yane yaye akafukoka ka minsozi, apakuti antu yane yano yakomola, injalosye usiku nu musanya.

Mika 6:13

Caleka natintandika ukonona mwemwe, ukutanganya mwemwe pamulandu wa maifyo inu.

Nyimbo zya ndosya 2:18

We Yelusalemu, lemasya ukulilila ku Mwene. Leka aminsozi yako yakonkoloka wa nguzi kasanya nu usiku. Cisi cakwezya ukuta ukulila. Kusi kuleka aminsozi yatale yume umu manso yako.

Yelemiya 10:19

Antu amu Yelusalemu yapunda yati, Silolini vino twacisika! Ivilonda vitu vitalapola. Swemo twelenginye ukuti tungazizimizya ku ucuzi uu!

Ezaya 37:22

Na pakulanda pali aliwe, Yawe wavwanzile ati, “We Senakelibu we, ala mwine umusumba wa Yelusalemu watiukusuula wakwe cimwi nupya nu kukuwela ukukuwela.

Masamu 39:10

Utatwalilila ukuncuzya nupya! Pano namaifwila sile lyene uku vyumo vyako!

Amosi 5:2

“Izlaeli, umwanaci atamanya umonsi, nupya asi namikatukile awe. Wapona nu kwililika panonsi ponsi pano wikala. Pasi umuntu nanti wenga uwakumukatusya.”

Masamu 119:136

Aminsonzi yakufomfomoka sile umu manso yane, apamulandu wakuti antu yasiyela amasunde yako.

Yelemiya 8:18

Iyee mwe, ala ulanda wane utangasila. Umwenzo wane pasi pakunyongoloka.

2 Yamwene 19:21

Yawe wataasuka ati, “Wewe Senakelibu mwana wamusuula we! Umusumba wa Yelusalemu watiukuseka nu kukusuula watiukusuula wakwe cimwi.

Yelemiya 9:18

Antu nayo ali pakuvwanga yati, “Lekini yize zuwa yatwimbile ulwimbo lwa ndosya, mpaka ivipa vitu vizuule aminsozi, ni nkopyo zitu zitipate na minsozi apa kulosya.”

Yelemiya 18:13

Yawe akuti, “Mutale muzye imitundu yonsi ndi cakuti umuntu umwi wino uvwa cintu camusango ndi uu, cakuti umukazyana atatala wamanya umonsi, wacita icintu iciipisye!

Nyimbo zya ndosya 2:11

Amanso yane yatiyatontekana pamulandu nu kulila. Umwenzo wane pasi pakunyongoloka. Amaka yatiyasila pamulandu wakwelenganya vino antu yane yononwa. Ana anono kumwi nu tunya yakufwa ulwezwe mu misolo ya musumba pamulandu nu lusala.