Yelemiya 14:14 - Amazwi Yakwe Leza 2013

¹⁴ Lyene Yawe aasuka ati, “Ala yakasema yayo yakusema sile vyaufi umwi zina lyane. Asi nene nayatumile, awe. Ntayapiile ilamulo lyakulanda nanti izwi lyonga kunoyali. Ala vilolwa vino yene yamusemela ivyaufi nu kusowela kwao ukwa vintu vyauwelewele sile vino yakalola.

Yelemiya 14:14 Referans Kwoze

Ezekelo 12:24

Pano umu ina Izlaeli mutalaya nupya ivisowelo vyaufi.

Yelemiya 29:31

“Tumila azya yonsi amazwi yano yakumile Syemaya umwina Neelamu ukuti Yawe wavwanga wati, ‘Apamulandu wakuti Syemaya wamupolelela nu usemo wakwe nanti angala ntamutumile, lyene nawe watamulenga ukuzumila intumpu.

Nyimbo zya ndosya 2:14

Yakasema yako kutaya nanti vimwi vino yakakusemela suka sile intumpu zitupu. Inkosolo zyao zyali izyakukusomba sile nupya kusi navyuze vino yakunenanga. Yene yakutumpikanga sile iyaleka uwelenganya nu kuti utalinzile kuzenzuka.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Ezekelo 21:29

Nena aina Amoni ukuti ivilolwa vino yakalola ivyaufi, nu kuti ivisowelo vino yakasowela, navyo kwene ivyaufi. Aina Amoni antu yaipe nupya iviwelewele vya antu, nu wanda onga wasya uyazanikizye, uli wanda wakuyalyotola. Ulupanga lwatilufika pa nsingo zyao.

1 Timoti 4:2

Masambilizyo ali ndi yaa, yakasalanganyiziwa mu usomvi wakwe yakasambilizya yaufi, yano yakampingu yao yafwa, kwati yocewa ni cela cikaye.

Zakaliya 13:3

Alino umwi ndi waca watwalilila ukusema, isi na nyina, yayo amuvyalilila yalamunena yati, ‘Wemo ukulonda imfwa, pasi pano ukuitunga ukulanda amazwi yakwe Yawe, lino fwandi ivyaufi sile vino ukulanda.’ Alino ndi waswilizyapo ukusema, lyene isi na nyina amuvyalilila, ali yano yalamutota icanzo mpaka yamupulinkanye, pamulandu wakusema ivyaufi.”

Zakaliya 10:2

Antu yakauzya vimwi ku tuluwi tuleza twao, lelo vino tuluwi tukayasuka ala vyauwelewele sile, nupya ivyaufi ufite fititi. Yakasapoola nayo aufi sile, yakatumpoka, yakalota sile vyakulota, yakaicuzya sile ukutekezya antu imyenzo. Fwandi uli mulandu kwene uno antu yakalulumba sile wa mfwele ziponge. Antu yakacula pano yatakwata wakuyatungululako.

Ezekelo 13:23

Lelo ukuya kwene, mutalatala nupya mulole ivilolwa vya uwelewele nanti ukusowela ivyaku nkolelo. Pasi pano ndakulula antu yane ku makasa yinu. Alino mulasininkizya ukuti nene indi Yawe.”

Yelemiya 37:19

Yalikwi yakasema inu yano yasowile ukuti umwene waku Babiloni atalakuzanza nanti uku wililila impanga yako?

Yelemiya 29:21

Yawe Wamaka yonsi, Leza wa ina Izlaeli walanda pamulandu wakwe Aabu umwana wakwe Kolaiya na Zedekiya umwana wakwe Maaseya, yano yakasema vyaufi mwi zina lyakwe, wavwanga wati, “Ndayapeela mu makasa yakwe Nebukadineza umwene waku Babiloni. Nawe alayakoma, nu kuilolela mulailolela mwe eneco.

Yelemiya 28:15

Kasema Yelemiya ali pakuya kuli Hananiya nu kumunena ati, “We yame! Ala Yawe asi awino wakutuma foo, nupya waleka antu yataila vyaufi kunuli.

Yelemiya 28:13

“Pitanga yanga kanene Hananiya ndi vino amakoli yano watavunola avimiti sile, lelo yamapyanikiziwa na makoli ya vyela.

Ezaya 9:15

Aikolo na yasimucindikwa ali mitwe. Yakasema akasambilizya ivya ntumpu ali misinda!

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.

Malango 18:20

Lelo ndi kasema ali wensi camukumba ukwezya kulanda mwi zina lyane lino nemo ntamupeela ilamulo kuti acite cico, wene alinzile akomwe, nga vivyo kwene avino mukacite na kuli kasema akalanda mwi zina lyakwe tuleza tuze.

Ezaya 56:10

Wayamanga ala akuti, “Intunguluzi zyonsi izyaya nu mulimo wa kusoka antu yane zyene impafu zitupu. Zitamanya nanti cimwi, zyakolana sile wakwe yasimbwa yano yasiwata, yano yikalila sile ukulala utulo nu kulota iviloto. Pasi pakutemwa ukuinyunza pano yalambalile.

Yelemiya 8:11

Yene yakanyepela icilonda ca muntu wane umu kusakaizya, ala yakuti, ‘Ulongo, ulongo, nalino kusi ulongo.

Yelemiya 20:6

Nawe, Pasyuli, wewe kumwi na ang'anda yako kwene mulasendwa umu uzya ku Babiloni. Kuku akuno mulafwila nu kuzikwa, wewe kumwi na yacuza yako kwene yano wasemile vyaufi.’ ”

Yelemiya 28:11

Alino lyene Hananiya avwanga ku antu ati, “Yawe watavwanga ndi vino vivyo vino mwalola ali vino pasikupita imyaka iili ale watavunola ikoli lino Nebukadineza umwene waku Babiloni wikila imitundu.”

Nyimbo zya ndosya 2:9

Impongolo zyati zyononeka. Imifikilo nayo yakontoka kumwi ni mikolongelo. Umwene wamuno mpanga kumwi na makombe yakwe yasendwa uzya ku inamasi. Kusi nanti umwi uwakusambilizya amazwi yakwe Leza. Nanti sile a yakasema yakwe kwene yatiyata ukulola ivilolwa ukufuma ku Mwene.

Yelemiya 8:10

Icaleka indapeela aci yao kuli yauze, ni vyalo vyao kuli yakacimvya ya mpanga. Pano yonsi sile, anono na akalamba, ukutandikila kuli yakasema ukufika kuli yasimapepo yacita ucenjezi uwiipisye.

Ezekelo 13:2

“We mwana wa muntu, sema isyamo kuli yakasema yamu Izlaeli yano yakusema pali ndakayi. Sesemela yao yano yakuituntumba sile apa lwao uti, ‘Si mungala muvwe ukwizwi lyakwe Yawe!