Yelemiya 14:13 - Amazwi Yakwe Leza 2013

¹³ Lelo nani naasuka inti, “We Yawe Simwandalali, umanyile ukuti yakasema yakunena antu yati umu mpanga mutalapona inkondo nanti cipowe, pamulandu wakuti wayalaya ukuti mulaya sile icituku.”

Yelemiya 14:13 Referans Kwoze

Yelemiya 6:14

Yene yakanyepela icilonda ca antu yane mu kusakaizya ala yakuti, ‘Ulongo, ulongo,’ nalino kusi ulongo.

2 Petulo 2:1

Ku mpiti kwalolike yakasema yaufi pakasi ka ina Izlaeli. Mu musango uli onga kwene yakasambilizya yaufi yalaloleka munomuli. Mu nkama yene yalaleta usambilizyo uwakonona nupya usi wa cumi. Yene yalakana musambazi wino wayakulwile. Acino yalailetelela kononwa mukupumikizya.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Yelemiya 23:17

Yene yalayuumilila sile mu kunena yano yasuula Leza ukuti yalaya nu longo. Na wiyo wensi wino akalondelela ulunkumbwa lwa mwenzo wakwe uumalale ala yakumunena ndi vino uzanzo utalamuponela foo.”

Yelemiya 4:10

Lyene nani imvwanga inti, “Yawe Simwandalali, silola vino cili kwati watusomba antu amu Yelusalemu! Wemo walanda ukuti kutalaya umutende, lelo ulupanga lwatilwekamila apa nsingo zitu.

Yelemiya 8:11

Yene yakanyepela icilonda ca muntu wane umu kusakaizya, ala yakuti, ‘Ulongo, ulongo, nalino kusi ulongo.

Ezekelo 13:22

Pano uku ufi winu mukacuzya imyenzo ya mulungami, wino nemo nsyacuzya foo. Alino mukakomelezya nu mwipe apakuti atata ivicitwa vyakwe iviipe, lelo asyukile nupya uumi.

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Yelemiya 5:12

Antu yakwe Yawe yatiyamukana nga yavwanga yati, “Kusi cino Yawe alacita nupya kusi iciipe cimwi icilatuponela. Tutalatala tuponelwe ni nkondo nanti cipowe.”

Yelemiya 1:6

Nani ali pakwasuka inti, “Iye, we Yawe Simwandalali! Lola nemo nene mwance, nupya ntamanya ivyakuvwanga.”

Ezaya 56:10

Wayamanga ala akuti, “Intunguluzi zyonsi izyaya nu mulimo wa kusoka antu yane zyene impafu zitupu. Zitamanya nanti cimwi, zyakolana sile wakwe yasimbwa yano yasiwata, yano yikalila sile ukulala utulo nu kulota iviloto. Pasi pakutemwa ukuinyunza pano yalambalile.

Yelemiya 5:13

Yene yavwanga ukuti yakasema imiza sile nupya yatakweti amazwi yakwe Yawe.

Ezekelo 12:24

Pano umu ina Izlaeli mutalaya nupya ivisowelo vyaufi.

Yelemiya 20:6

Nawe, Pasyuli, wewe kumwi na ang'anda yako kwene mulasendwa umu uzya ku Babiloni. Kuku akuno mulafwila nu kuzikwa, wewe kumwi na yacuza yako kwene yano wasemile vyaufi.’ ”

Yelemiya 37:19

Yalikwi yakasema inu yano yasowile ukuti umwene waku Babiloni atalakuzanza nanti uku wililila impanga yako?