Yelemiya 14:12 - Amazwi Yakwe Leza 2013

¹² Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Yelemiya 14:12 Referans Kwoze

Ezekelo 8:18

Caleka yalalola apapelela icipyu cane. Ntalayapanya foo, nupya citalambaya foo. Yalezya uku mpapata wakwe cimwi, lelo nemo ntalayuvwa foo.”

Yelemiya 11:11

Caleka lyene ne Yawe nkuyasoka ukuti namayaletela uononyi, nupya yene yatalutuka awe. Yamatangi ndi yalaizya tutulwe, nemo nsikwikangako amano.

Yelemiya 6:20

Uzye mwati nemo nkasakamala kweneko ubani ukufuma ku Syeba nanti ivisali ukufuma ku mpanga zya kutali? Ala nemo ntange mpokelele impolelwa inu yakoca nanti ivya mawila inu ali yonsi a viteekwa ntayakasi, foo.

Mapinda 1:28

Ali lino mulangama lelo ntalamwasuka. Mulandondelezya lelo mutalanzana.

Zakaliya 7:13

Yawe Pali pakuvwanga ukuti antu yakwe ndi yasikuvwa vino akulanda, awe cumi nawe atalauvwa vino yalamupapata.

Mika 3:4

“Ala insita iliza lino mulakuuta kuli Yawe kuti amwazwe, lelo wene atalamwasuka. Pa nsita kwene iyo wene ataluvwa inkuuta inu pamulandu wa nkota zinu.”

Ezekelo 14:21

“Pano vii ivyalanda Yawe Simwandalali. Cilipisya wakwe cimwi lilyo lino ndapezya Yelusalemu ku vyaupinguzi vyane vii vini vyakoofya: inkondo, icipowe, ivilyanyi nga ni ndwala, kuti vyonone antu kumwi ni nyama.

Yelemiya 24:10

Nupya ndayatumila ulupanga ni cipowe nga ni mpungo, mpaka yace yalowe umu mpanga ino nayapile aeneco ni vikolwe vyao.”

Yelemiya 16:4

yalafwa imfwa ya ndwala ziipisye. Kutalaya wakuyalosya nanti ukuyaziika. Yalalala wa muvundo mu musili. Yalalowa ku lupanga nu ku cipowe. Ivyala vyao vilaya ivyakulya vya vyunyi vyamu lwelele ni vilyanyi vyamu mpanga.

Yelemiya 9:16

Namayasalanganyizizya umu antu amu mitundu yuze ino alio nanti ivikolwe vyao vitatazile vyuvwe. Ndayatumila ivita vya anisi yao mpaka viyalovye.”

Ezaya 58:3

Nga ala yakunguzya yati, “Uzye pacani cino tungatela ukulya icakulya vino Yawe atatusumvileko amano? Cino tungaculila icani swemuno asisakamala?” Nga ne Yawe ala nkuyasuka inti, “Lino mukata ukulya icakulya, mwemo mucumi mukalondela sile ivyakumusansamusya vitupu, nupya ali lino mukapelesya na aomvi inu imilimo yakuti yaomba.

Mapinda 28:9

Ndi umwi akakana ukuvwa isunde, ni pepo lyakwe kwene lyapatwa.

Mapinda 21:27

Yawe wapata impolelwa ya antu aipe, makamaka ndi yaipelela apamulandu umwi uwipe.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Umbwilo 6:8

Lyene ndola imfwalasi iswepuluke. Wino uwakwezilepo watemilwe izina lyakuti Imfwa, nga ni cifulo ca antu afwe camulondile pipi. Oili yapilwe maka pa ciputulwa ca mu viputulwa vini ivya nsi, kuti yakome antu mukuomvya inkondo, cipowe, ndwala, nga ni vilyanyi vya mpanga.

Yobo 27:9

Uzye kwene Leza nawe anguvwa ukupapata kwakwe, apa nsita ino intazi zyamuzana?

Yelemiya 8:13

Yawe wavwanga wati, “Nalondesyanga ku kolonganika antu yane ndi vino umulimi akakoozya ivyakulya. Lelo yene yakoline wa mutingi usi na matingi, wa musamvu usi na masamvu. Na mafwa kwene yumila kumwi. Caleka natinzumilizya ainamasi kuti yapoke icalo.”

Yelemiya 21:6

Ndakomola wensi akaikala mu musumba uu. Antu kumwi ni nyama yalafwa uku mpungo.

Yelemiya 32:24

“Mwalola lyene, vino yatiyatuntumalika umusili ukufika nu ku musumba, apakuti yaupoke. Inkondo, icipowe ni mpungo vimapela umusumba mu makasa ya ina Babiloni yano yakuuzanza. Cino wasowile cafikila nu kuilolela watuilolela wenga.

Ezekelo 14:19

“Nanti naponya impungo apa mpanga iyo nu kupongolwela mwenemo ukali wane apakuzwisya uwazi, kukomola antu avule kumwi ni nyama kwene,

Oseya 5:6

Lino antu yasenda imfwele zyao ni ng'ombe zyao kuti yakapele impolelwa apa kulondalonda Yawe, yene yatalamuzana, pano wene watayasya.

Amosi 5:21

Yawe wavwanga wati, “Amanda inu a vimulo vyamapepo nayapata nupya nsizangila mu ukongano winu uli onsi uwa mapepo.

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.

Malaki 2:13

Nacuze cino mukacita aici: Mukasambezya kavuwa kakwe Yawe na minsozi inu. Mukalila nu kulosya pamulandu wakuti ndakai wene asisakamala nanti kupokelela amawila inu ni nsansa ukufuma mu minwe inu.

Yelemiya 11:14

Alino cino fwandi wemo we Yelemiya utezya ukupapatilako antu yayo. Utanguzya nanti cimwi cakuti njacitile. Lelo yamaculanga nemo ntakusumbanga kweneko amano nanti yangalaizya uli tutulwe.”

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.