Yelemiya 13:27 - Amazwi Yakwe Leza 2013

²⁷ Wene wailolela kuno mukucita ivintu vino wapata. Umu myamba nu mu vyalo ali muno mukalondelela utuluwi, tuleza twa inamasi, ndi vino umonsi akacita wino akukumbwa umuci wa muze, ndi vino mfwalasi yakalume ikacita apakukokomela iya kaci. Kalanda kuno muli mwe ina Yelusalemu! Uzye alilaci lino mulakondolwa?

Yelemiya 13:27 Referans Kwoze

Oseya 8:5

Unkolanya wa mwana wa ng'ombe uno aina Samaliya yakapepa wanguvwisya uwinyi. Acino ukali wane wafulumila antu yayo. Uzye ukufika lilaci lino yalata ukukowela kuko?

Ezekelo 24:13

We Yelusalemu, ala imisango yako ya ukulukusi yakukowezya. Nanti nemo ningezya uku kuzifya, awe cumi wemo ukasyala mumu kwene muno wakowela. Ulazifiziwa sile lino uluvwa apapela icipyu cane.

Ezekelo 6:13

Ivyala vyao vilaya sile ntangali ntangali, kumwi nu tuluwi twao kwene. Vilaya sile monsi monsi umu mbali ya tuvuwa twao, vilaya ntangali ntangali pa twamba tonsi ututali, na papela ya myamba yonsi, nu mwisika lya miti yonsi itambilile, nu mwisika lya miti yonsi ilembe, kuli kuti apali ponsi sile pano yakatuulila utuluwi impolelwa zyakoca. Nga alino yonsi yalasinkizya ukuti fwandi nene indi Yawe.

Ezaya 65:7

pa uyi wao na pa uyi wa vikolwe vyao kwene. Yene yakafutumwila ubani pa tuvuwa, tuno ainamasi yakapepelapo utuluwi twao mu myamba, nu kunsaalula ali cino yakansaalwila. Fwandi cati ciyana ukuti nemo njapase.”

Oseya 4:2

Muli sile ukutipwila, ukutumpoka, utazi wa katwe, ukwiya nu kulongozya. Antu yakulunduluka ukwifya, nupya yakalukukomana.

Ezekelo 36:37

Nupya Yawe Simwandalali avwanga ati, “Vino nemo ndacita, vilaluta pali vino navwanga. Ndaleka aina Izlaeli yace yautukila kunondi pakuti nce nayazwako. Ndaleka yakasandulukisye wa ufyo wa mfwele.

Mapinda 1:22

“Mwe mbulwamano mwe! Mulasya umbulamano winu ukufika lilaci? Mulata lilaci ukusuula ne malango? Uzye mulasyalilila awelewele vivyo kwene?

Umbwilo 8:13

Lyene ndola, nga nuvwa lyang'anda, wino walelanga papela mu lwelele akuti, “Kalanda! Kalanda! Kalanda kuli yao yonsi akaikala mu nsi lino angeli yatatu asyala nayo yasya yalizye ntandala zyao.”

Yakobo 4:4

Mwe antu mwe muno musi akutailwa kuli Leza! Uzye mutamanyile ukuti ndi mwaya ucuza ni nsi ala mwapatana na Leza? Wino wensi akalonda kuya cuza wa nsi ala wene waicita mwanisi wakwe Leza.

2 Kolinto 12:21

Nkoopa kuti lino ndiza limwi Leza alandenga kuya ni nsonyi pa manso inu, ndalonda kulila pano aingi muno muli aifizye mpiti nupya yatazenzwike ku vya winyi vyao, imbunu nga nu uzelele wao.

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Mateo 11:21

“Kalanda ku antu amu Kolazini! Kalanda ku antu amu Betisaida! Ndi cakuti vinjelengwe ivyacisilwe munomuli vyacisilwe nu ku Tuli na Sidoni, antu ya kuku yange yazwale masaaka nu kuiswela itwi kuti yalange vino yati yazenzuka.

Zefaniya 3:1

Kalanda kuli we Yelusalemu, umusumba wa antu ankalwe, yacisanguka nupya akowele!

Oseya 1:2

Lino Yawe watandike ukuvwangila muli Oseya, wene wamunenyile ati, “Pita uye ukasake umwanaci cizelele nga akuvyalile ana yano yatalaya acumi. Pano antu amu mpanga ii yamfutatila nupya yasi acumi.”

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Ezekelo 24:6

Vii ivyalanda Yawe Simwandalali, “Kalanda ku musumba wa vipondo! Umusumba uli wa mupika wa ngalawa uno utalatala ukuzwe. Yakungula inyama zyonsi, ukwaula ukusyamo nanti yonga.

Ezekelo 20:28

Nemo nayatwazile mu mpanga ino nayalavile kuyapela. Lelo lino yaweni mwenemo utwamba tonsi ututumpuke, ni miti yonsi ilembe, awe nupya kwene yatandika ukupeela impolelwa zyao. Yaleka nu kuti insoke pamulandu ni mpolelwa zino yocelangapo, na pamulandu wa mawila yauze ya vyakulya vino yatwalanga penepo.

Ezekelo 2:10

Nawe amupombolola apa manso yane, nga ndola ukuti iyalemba mbali zyonsi ziili. Palemvilwe ukuti ukulosya, ukuteta, nu kulilizika.

Ezaya 57:7

Mwemo mukaya napapela ya myamba, apano mupanga imisanzi yakucitilapo ivya ukakasi nga nu kutuulilapo impolelwa.

Masamu 94:4

Yene yakavwanga vyakuyuvwa nu kuitanka pa uyi wao?

Yelemiya 3:6

Umu manda ya utesi wa mwene Yosiya, Yawe wanenyile ne Yelemiya ati, “Uzye watulola ivyativicita umutalami Izlaeli? Vino akakwela apa mwamba utali uuli onsi. Aya nu mwisika lya cimuti icilembe cili consi nu kucita uzelele.

Masamu 94:8

Mwe viwelewele vya antu mwe, icani cino mungacitila ivintu kwene ivyamusango uo? Uzye mwemo mulasambilila lilaci?

Yelemiya 11:15

Nupya Yawe avwanga ati, “Antu yano nemo natemwa ali antu yano yakucita ivintu viipe. Uzye insambu cii zino yakweti izyakuya mu Ng'anda yane ikulu? Uzye yene mu mano yao yakwelenganya ukuti ukulaya amalayo nu kutuula impolelwa ali vino vingayapususya ku uzanzo? Uzye cico cingayasansamusya?

Ezekelo 16:23

Nupya Yawe Simwandalali avwanga ati, “Ulacilola we Yelusalemu! Icumi ulacilola! Apa viipe vyonsi vino wemo ukacita,

Ezekelo 24:12

Lelo kwene ingalawa zisikusililikila zyonsi api ziko foo.