Yelemiya 13:19 - Amazwi Yakwe Leza 2013

¹⁹ “Imisumba yamu Negebu yalailizizya nga kusi nanti wenga angapeka. Antu yonsi amu Yuda yatiyasendwa ku uzya.”

Yelemiya 13:19 Referans Kwoze

Yelemiya 52:27

Nu mwene waku Babiloni ayakoma kuku kwene ku Libula umu mpanga ya Hamati. Avino Ayuda yasenzilwe ku mpanga yakutali ukufuma ku mpanga yakumwao.

Yelemiya 52:30

Alino mu mwaka walenga amakumi yaili na itatu namo imyanda cinimbali, amakumi yani na yasano ayano yasenzilwe na Nebuzaladani. Yonsi pamwi yali amazimbi yani ni myanda mutanda yano yasenzilwe.

Yelemiya 39:9

Alino Nebuzaladani umukalamba wakwe yakalinda ya mwene asenda antu ku uzya ku Babiloni, yayo asile mu musumba, kumwi na yayo aile kunoli, nga na antu asyala.

2 Yamwene 25:21

Kuku kwene uku Libula, umu mpanga yaku Hamati, akuno umwene wiyo apeela ilamulo kuti yayakome. Nayo ali pakuyuma nu kuyakomola. Ali vino aikazi yaku Yuda yayafumizye umu mpanga yao nu kuyasenda umu uzya.

Malango 28:52

Yene yalazanza imisumba yonsi iyaya mu mpanga ino Yawe Leza winu akumupeela, nupya na malinga kwene atali yano mwataila yalaongoloka.

Yelemiya 33:13

Nupya yakacema yalapendelamo imfwele zyao umu misumba ya mwisika lya myamba, umu misumba yaku Negebu, umu citungu cakwe Benjamini, nga nu mu misumba ino yazinguluka Yelusalemu kumwi ni misumba ya muno mpanga yamu Yuda. Ica cumi anene ne Yawe navwanga.”

Yelemiya 20:4

Yawe umwisikulu watavwanga ati, ‘Wemo Pasyuli namakucita ingofyo kuli wemwisikulu na kuli yacuza yako kwene. Nu kuilolela ulailolela wemwisikulu kuno anisi yako yalakomola yacuza yako ku lupanga. Namaleka umwene waku Babiloni awino ateke antu yako amu mpanga ya Yuda. Yamwi alayasenda mu uzya uku Babiloni, nga yamwi nayo alayakoma.

Yelemiya 17:26

Alino nupya antu ukufuma mu misumba yamu Yuda nu mu misumba yazinguluka Yelusalemu, umu mpanga yakwe Benjamini, mu mpanga ya mwisika lya myamba yaku Negebu, ukwiza ku kutuula vya mawila yakoca ni mpolelwa, amawila ya mbezu nu ubani nga na mawila ya kutaizya.

Yobo 12:14

Cino wene waongolola kutange kuye uwa kucikuula, wene nga wanyepa umuntu kutange kuye angamusapula.

Yoswa 18:5

Impanga ili nu kwankanyiziwa mu viputulwa cinimbali. Umutundu wakwe Yuda uli nu kusyala mu muputule wa mpanga iyapeelwa kuno uli iyayela ku kaeya. Nu muputule wakwe Yosefu nao mu muputule wa mpanga iyayela ku katutu.

Malango 28:15

“Lelo ndi mwakana ukuyela Yawe Leza winu nga mutacenjile mukane kulondela amalamulo yakwe yonsi na masunde yano nkumupeela ilelo, ale lyene vintu vii vyonsi iviipe vilamuponela.

Yelemiya 32:44

Umu mpanga yakwe Benjamini, umu mbali yakwe Yelusalemu, mu misumba yakwe Yuda, mu misumba yamu myamba, mu misumba yaku uwondaka, mwisika lya myamba yaku Negebu, monsi yalakalamo ivyalo ni mpiya. Yalalemba amakalata akukalilamo ivyalo nu kuyamatilizya mu nyungu apa manso yakwe yakambone. Pano lyene ndayawezezya isyuko lyao.” Ivyalanda Yawe.

Nyimbo zya ndosya 1:3

Yuda watawa. Wene watasendwa umu uzya uku mpanga ya inamasi. Lyene wataikala umu inamasi, nga atakweti na pakufutila. Wene yatiyamuzinguluka ku anisi, nga atakweti nakuno angutukila.

Zakaliya 7:7

Uzye amazwi yaa yasi yano Yawe wavwanzile ukukanwa kakwe yakasema ampiti, lino antu yikalanga umutende mu Yelusalemu nu mu misumba yamu mbali, lino mu Negebu nu mu mpanga ya misana ya twamba twaku uwondaka mwali antu?”

1 Milandu 9:1

Aina Izlaeli yonsi yatantikwe ukulingana ni ndupwa zyao, wakwe vino calembwa mu lupapulo lwakwe yamwene aku Izlaeli. Antu aku Yuda yasenzilwe ku uzya mu Babiloni pamulandu wakuti yatali akutailwa.

Yelemiya 24:1

Yawe wandanzile imise iili ya masamvu ino yatesilwe apa nkolelo ya Ng'anda ikulu yakwe Leza. Cali apacisila ca nsita ino Nebukadineza umwene waku Babiloni wasenzile Yeoyakini, umwana wakwe Yeoyakimu umwene waku Yuda, uku uzya, ukumufumya mu Yelusalemu nu kumutwala uku Babiloni pamwi na yacilolo yakwe na yafundi kwene.

Yelemiya 28:4

Ndawezya na Yeoyakini umwana wakwe Yeoyakimu umwene waku Yuda nga na azya yonsi aku Yuda yano yasenzilwe ku Babiloni. Ndakontola iyoko lya mwene waku Babiloni.” Ivyalanda Yawe.

Yelemiya 52:28

Antu yano Nebukadineza wasenzile ku uzya mu mwaka walenga cinimbali, wa wene wakwe yali amazimbi yatatu na makumi yaili na yatatu.