Yelemiya 13:17 - Amazwi Yakwe Leza 2013

¹⁷ Ndi cakuti mwemo musyakumuvwa, nemo ale namalililanga mu umfisolo. Apamulandu wa vilumba vinu, namalilisya wakwe cimwi cakuti na misonzi yamalukutanga. Apamulandu sile wakuti antu ya Mwene yatiyasendwa mu uzya.

Yelemiya 13:17 Referans Kwoze

Malaki 2:2

‘Mulinzile ukuncindika muli vino mukucita. Ndi cakuti mutaluvwa kuli vino nkumunena, lyene ndamuponyezya icitipu. Ndaponyezya icitipu pa vintu vino mukapokelela vyakutungilila wikazi winu. Endi, natimviponyezya icitupu mpiti, pamulandu wakuti mwemo mutisile amano api lamulo lyane.

Yelemiya 14:17

Yawe wampile ilamulo lyakunena antu pamulandu nu ulanda uno nakweti nga nani inti, “Amanso yane yakwituluka sile aminsozi umusanya nu usiku ukwaula nu kuta. Cizipe ntata ukulila pamulandu wakuti antu yane yatiyaponelwa nu uzanzo umwi uwipisye. Yati yaciswa ivilonda iviipisye.

Yelemiya 9:1

Cange cizipe umutwe wane iwuya cifula ca manzi, na manso yane yaye akafukoka ka minsozi, apakuti antu yane yano yakomola, injalosye usiku nu musanya.

Masamu 80:1

Uvwa kuno wemuno ukacema aina Izlaeli, we muno ukatungulula antu yako wa ufyo wa mfwele. Wemuno wikala apapela yakwe ya kelubi.

Ezekelo 34:31

“Ala mwemwe mfwele zyane, mwemwe antu yane sile nenga, mwemwe ufyo uno nkacema, nani nene indi Leza winu sile. Ivyalanda ne Yawe Simwandalali.”

Nyimbo zya ndosya 2:18

We Yelusalemu, lemasya ukulilila ku Mwene. Leka aminsozi yako yakonkoloka wa nguzi kasanya nu usiku. Cisi cakwezya ukuta ukulila. Kusi kuleka aminsozi yatale yume umu manso yako.

Nyimbo zya ndosya 1:16

“Vii, vili vintu vino vilenzile kuti nalosya, nga nu mu minso yane muzile aminsozi. Kusi umwi wakuntekezya, nu wakunkomelezya kwene asipo. Ana yane nayo intete zyatiziyalema pano umwanisi watancimvya.

Masamu 119:136

Aminsonzi yakufomfomoka sile umu manso yane, apamulandu wakuti antu yasiyela amasunde yako.

1 Samueli 15:35

Samueli yatatazile nupya iyalolana na Saulo, mpaka sile ukufika pa wanda wa kufwa kwakwe, nanti angala Samueli wamuvwilile ulanda, pamulandu wakuti Yawe walangulwike cino wamucisile ukuya umwene wa ina Izlaeli.

Ezekelo 36:38

Antu yalazuula tupu mu misumba iyasiile vitalang'anda, ndi vino umusumba wa Yelusalemu apampiti wazuulanga tupu imfwele, zino yaletanga pakupeela impolelwa apa manda makulu. Ee, alino antu yalasininkizya ukuti nene indi Yawe.”

Nyimbo zya ndosya 1:2

Yano yasiile mwenemo yakulosya uwaca nu wila. Aminsozi yakulukuta sile umu vipa nu kutemukila pa matama yao. Apa antu yonsi yano ayatemilwe, pasi nanti wenga wiyo wakuyamyalalika. Yacuza yao yatiyayasangukila yonsi pyu. Lyene ayayo iyaya anisi yao.

Yelemiya 23:1

“Kalanda kuli yakacema yano yakaleka ukuti imfwele zya ufyo wane ziponge nu kusalangana!” Ivyalanda Yawe.

Yelemiya 22:5

Lelo ndi cakuti mwakana amazwi yaa, lyene ala nalapa kuno muli ukuti isano lii lilaongoloka liye icitotela. Ivyalanda nene ne Yawe.’”

Yelemiya 17:16

Lelo kwene asi nene nakupamvizye kuti ulete uononesi pano yali. Nupya asi nene nakumvilwe ukuyaletela uwanda wa ntazi. Wemo umanyile cii. Umanyile cino nalanda.

Ezaya 63:11

Alino lyene yasuka yamaiusya amanda yampiti. Vino cali lino Mose umuomvi wakwe Yawe waliko. Alino lyene yatandika ukuuzyanya aeneco yati, “Uzye pilelo aukwi kwaya Yawe wino wapuswisye intunguluzi zya antu yakwe muli Yemba? Aukwi ukwaya Yawe wino wapiile Mose amanda yakwe ampomvu?

1 Samueli 15:11

“Indi nu ulanda pa kupeela Saulo uwene, pamulandu wakuti wene watamfutatila nupya watakana ukuyela amalamulo yane.” Samueli ali pakusoka, nga atandika nu kupapata kuli Yawe usiku ulya onsi.

Yelemiya 15:17

Ntatala nazangila ukwikala mwiumba lya antu ya misowe, nanti ukusekaseka pamwi nayo. Lelo apa kuyela ilamulo lyako, nikalanga sile nenga nupya umusoke.

Yelemiya 23:2

Ali cino fwandi Yawe, Leza wa ina Izlaeli, walanda pamulandu wakwe yakacema, yano yakacema umutundu wa antu yane, wati, “Mwatimuleka imfwele zyane zisalangane nu kululumba. Mutazisakamile foo. Lelo nemo nkumusakamala pamulandu wa vicitwa vinu viipe.

Nyimbo zya ndosya 1:9

Ukukowela kwakwe kwalolekanga apaswe. Lelo wene atatailanga ukuti alasyama wakwe vino cili. Ukuwa kwakwe kwali ukwakuzunguka. Kutali nu wakumumyalalika foo. Wene wapapatanga sile kuli Yawe ala akuti, “Sungala ulole ulanda wane, pano anisi yane yatiyancimvya.”

Ezekelo 9:4

nga amunena ati, “Yanga kapitane mu musumba onsi wa Yelusalemu, uye ukalembe icimanyililo pa mausyu ya antu yonsi aakuteta nu kulila pamulandu wa vintu vyawinyi vii vyonsi ivikucitika mu musumba uu.”

Ezekelo 24:16

“We mwana wa muntu, nemo namakupumikizya pa kusenda umuntu wino watemwisya wakwe cimwi. Fwandi wemo cisi cakwezya ukuilizyanyapo, nanti kupomola impooma nanti kulukusya aminsozi.

Nyimbo zya ndosya 3:48

Mu manso yane mukukonkoloka sile aminsozi kwati amanzi, pamulandu wa ononesi wa antu yane.