Yelemiya 12:13 - Amazwi Yakwe Leza 2013

¹³ Antu yane yatovya ingano, lelo yamazombola sile ivikona. Yaombesya apa maka, lelo yaicuzya sile. Apa mulandu ni cipyu cane ivyakulya vyakana.”

Yelemiya 12:13 Referans Kwoze

Hagai 1:6

Akula mwakomela imbezu izingi lelo mukazombola sile tunono. Nanti mungalya lelo musiikuta, imumwa lelo ulusala lutangaputuka. Nanti limwi imuzwala lelo ukwaula ukukankamuka. Ukufola kwene nanti mungafola impiya kuno muli mwe yakaomba lelo zitalatala zivule nanti panono. Mwakolana na antu akasembela amanzi umu cituluke.”

Mika 6:15

Mulakomela lelo mutalazombola, muleenga amafuta ya miolivi, lelo mutalayaomvya. Mulafena amatingi lelo mutalamwa waini wayako.

Malango 28:38

“Mulakomela imbezu zivule, lelo utwa uzombozi tulaya utwa ciwelewele, pamulandu wakuti makanta nawe alalya ivyakulya vinu.

Ezaya 55:2

Icani cino mungasumbila impiya pali vino visi vilyo, na malipilo inu pa vintu vino visiikusya? Munguvwe, muntezye, nga muce mukakwate ivyakulya visuma nu kuipakizya vyakulya vilyompe.

Aina Levi 26:16

ndalenga kuti muvunukwe. Nkaalenga kuti uzanzo upone panomuli ni ndwala zyaula kupoziwa, ni ndwala zyakulenga kuti mupafule nga nu kulenga kuti umi winu ucepe. Mukaalima nu kukomela imbezu zinu. Lelo musizombola nanti cimwi, pamulandu wakuti anisi inu yakaamucimvya nu kulya ivyakulya vinu.

Habakuku 2:13

Antu yano mwacimvizye iyatovoka pamulandu wa milimo ya mulaza uwasilesile. Na vyonsi vino yatukuta vyati vipya nu moto. Antu amitundu yonsi yakwazya sile amaka yao. Vii ivicitwa vyakwe Yawe.

Yelemiya 4:26

Nalolekesya, indola impanga ivunde yatisanguka ulwanga. Imisumba iyali mwenemo yatisyala ivitotela, apamulandu wa ukali wakwe Yawe.

Loma 6:21

Uzye umuzano cii uno mwazanyile mukucita vintu vino ndakai vikumuletela insonyi? Ala icikafumamo, imfwa!

Aina Levi 26:20

Kuombesya kwinu konsi kutalamutumbwila nanti cimwi, pamulandu wakuti impanga inu italamezya ivilimwa nga ni miti nayo italaseeka viseekwa.

Yelemiya 9:5

Yonsi yakatumpwilana sile na auze. Kutaya nanti wenga akalanda vyampomvu, lelo yaelezya sile kulanda vyantumpu. Yene yaipisya cakuti cayaposya nu kuzenzuka.

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Masamu 78:62

Ali pakusokela antu yakwe wakwe cimwi, waleka na anisi yao yiza yayakomola.

Oseya 8:7

“Aina Izlaeli lino yatovya umuza, yalazombola nkungulupya. Misakinta ya ngano itakweti imitwe, yene italaleta uzombozi wa vilyo. Kuko kuno ilaleta uzombozi uo, ainamasi yaya yalalya ivyakulya vivyo.

Hagai 1:9

Mwemo mukupaalila ukuzombola ivivule, lelo silolini vino mwazombola sile tunono. Lino mwakoozyanga ivilimwa vinu, anene navipasanga nu kuvisalanganya. Acino nene ne Yawe Wamaka Onsi nkumuuzya nkuti, “Uzye apacani cino nacitilanga vii kuno muli? Apamulandu wakuti Ng'anda yane ikulu icili cipompa lino mwemo mukutwalilila ni milimo inu, nu kwikala umu mang'anda inu asuma.