Yelemiya 11:17 - Amazwi Yakwe Leza 2013

¹⁷ “Anene kwene ne Yawe Wamaka yonsi nalemile Ayuda na ina Izlaeli wa mutingi. Apilelo pene namayazanza. Aeneco kwene yamailetetela pamulandu nu uyi wao, pano alio kwene yalenzile kuti insoke pamulandu wakutuula Baali impolelwa.”

Yelemiya 11:17 Referans Kwoze

Ezaya 5:2

Watipozile umusili, afumya mwenemo amawe nga alemamo na matingi asuma wakwe cimwi. Alino akuulilila ni cimpinda, nga alino afukula nu mwakufenelamo amatingi. Alino atandika nu kulolela apakuti iviseekwa vikace. Lelo iviseekwa navyo viza vyaya sile ivikantuke.

Yelemiya 12:2

Wemo wewe kwene ukayalema wa milemo. Nayo ali pakutamba wa misisi, iyakula yasuka yaseeka ni viseekwa. Kuvwanga kwene, awe cumi yakavwanga usaka usaka. Lelo ukuti yakusumbeko amano, awe kwene foo.

Yelemiya 2:21

Nemo walanga nakulema wa muti wa matingi uwa mbezu, ulondoloke. Lyene tala lola vino watuya! Uli wa muti wa matingi uole, uwa ciwelewele sile.

Yelemiya 19:15

ukuti Yawe Wamaka yonsi, Leza wa ina Izlaeli, watavwanga ati, “Nemo nasya indetele umusumba uu ni mizi yonsi iyaya umu mbalimbali, uononesi wa misango yonsi, uno nanenyile antu ukuti ndaleta pamulandu wakuti yene yatalama imyenzo nupya yasikulonda ukuvwa vino nkulanda.”

Ezekelo 17:5

Nupya wizile asenda umusonga wa mutingi nu kuya ulema mu musili uvunde umu mbali ya luzi umwali amanzi avule, pakuti uce ukaye ilumba lya muti.

Yelemiya 45:4

Yawe nawe wavwanga wati, “Cino nakuuzile namaciongolola, nacino naalemile naco namacitukula. Ala namafulula impanga yonsi pyu.

Yelemiya 42:10

‘Ndi cakuti mukasi ukwikala umutende umu mpanga ino, ndamukuula ntalamuongolola pansi. Ndamulema ntalamwipa foo, pasi pano nimutezela apa uyi uno namucitile.

Yelemiya 40:2

Alino musika mukalamba wa vita atwala Yelemiya wenga ku lusansa longa, atandika ukumunena ati, “Yawe Leza wako wapangila ukonona impanga ii,

Yelemiya 36:7

Limwi yangasuka yapapate kuli Yawe yate ni misango yao iipe. Pano kwene Yawe wayapangila wakwe cimwi, ukuyacitila cimwi cikali nupya cipyu cipyu.”

Yelemiya 35:17

Caleka fwandi Yawe Wamaka yonsi Leza wa ina Izlaeli wavwanga wati, “Ndaletela aina Yuda na ina Yelusalemu yonsi isyamo lino nayanenyile. Pasi pano nemo nayanenyile, lelo yakana ukunguvwa. Nayamile nayo yakana ukwaasuka.”

Yelemiya 26:19

Umwene Hezekiya wa Ayuda pamwi na antu yonsi yatakomile Mika foo. Uzye yene yatoofile Yawe nu kumupapata apakuti atayaletela isyamo lino walanga wapanga ukuyacitila? Uzye swemo twifye imyenzo itu uku uyi ukulu ndi uu?”

Yelemiya 26:13

Ali cino fwandi mwemo zifini sile inzila zinu ziipe, muvwe amazwi yakwe Yawe Leza winu, alino nawe amaelenganyapo akane nu kumuponyezya isyamo lino watasowela panomuli.

Yelemiya 24:6

Ndasumba amanso yane pano yali apakuyacitila ivisuma. Ndayaswilizya kuno yafuma. Ndayakuula, ntalayaongolola, awe. Ndayalema, ntalayatukula, awe.

Yelemiya 18:8

lelo umutundu uno napingwilile vivyo wata ukwifya, lyene ningautezela apa uyi uno naupangile ukucita.

Yelemiya 11:11

Caleka lyene ne Yawe nkuyasoka ukuti namayaletela uononyi, nupya yene yatalutuka awe. Yamatangi ndi yalaizya tutulwe, nemo nsikwikangako amano.

Yelemiya 7:9

Mwemo mwatemwa ukwiya, ukukoma antu, ukucita uzelele, ukulapa imilapo ya ufi, ukocela Baali ubani, nu kupepa tuleza tuuze tuno mutamanyile mpiti.

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Masamu 80:15

Iza sile ndu pususye umutingi uno we mweneco walemile. Akateeta ka mutingi uno wasya aka maka wakwe cimwi!

Masamu 80:8

Awewe walemwile umutingi umu Eguputo wiza wazinga imitundu umu mpanga yao, amuno wiza waulema.

Masamu 44:2

Vino wazinzile imitundu yuze ya antu nu kulasika antu yako mu mpanga yao kwene. Wemo wavunukanga imitundu yuze ya antu, nu kuleka antu yako yasanduluke.

2 Samueli 7:10

Ndalondela antu yane icifulo cisuma. Ndayalasika cakuti nayo ali muno yalasyalilila umu cifulo kwene cico. Kusi umuntu aalayafumya mwenemo. Aipe nayo yatalatwalilila uku yacuzya wakwe vino yacitanga mpiti,

Yelemiya 1:14

Lyene avwanga kunondi ati, “Umupamba wafuma ku kayeya nu kwiza ponela aikazi yonsi muno nsi.

Yelemiya 7:18

Ana yakasweya inkwi, yaisi nayo yapemba umoto, anaci nayo yakandila umunya wakupangila namwene wa kwiyulu yakeke. Nupya yene yakapongolwela uwila wakwe waini kuli tuleza tuze apakuti yansosye.

Yelemiya 11:13

Utuluwi kwene tuno antu amu Yuda yakwata twalingana ni misumba ino yakwata, nga aikazi amu Yelusalemu nayo yakuula utuvuwa utwakutuulila Baali impolelwa, kaleza kapupane, nato twalingana sile ni miseo yamu musumba kwene uu.

Yelemiya 32:29

Nupya aina Babiloni, yano yakulwisya umusumba uu, yamaiza yawoce kumwi na mang'anda, yano yocelanga Baali ubani apa mapaala yao pakunsosya umwenzo, alino na pakutuulila tuleza tuze ivya wila ivili wa vyakumwa.

Yelemiya 32:30

Pano aina Izlaeli na ina Yuda ukutandikila sile ku mpiti yakacita sile vino nsyalonda. Cumi cumi aina Izlaeli yakamvulumwila sile icipyu uku vicitwa vya minwe yao.” Ivyalanda Yawe.

Yelemiya 44:8

Uzye pacani cino mwamvulumwila icipyu uku vicitwa vya minwe inu, apa kocela tuleza utwenyi ubani umu mpanga ya Eguputo, kuno mwiza sile ku kwikala? Apa kucita camusango uo, mukulonda sile ukuilovya mwe eneco, cakuti antu amitundu yonsi pano nsi yakumuseka nu kumuwela. Yene yakaomvya ni zina linu alino yakulumbula apa kutipwila.

2 Milandu 28:25

Mu musumba uli onsi uwamu Yuda akuula incende zya kupepela mwenemo kuti aocela penepo tuleza tuze ubani nu kulenga Yawe, Leza wakwe isi ukusoka.

Yelemiya 18:15

Lelo antu yane yanjilila. Yene yakaocela utuluwi ubani, tuto utwayalenzile kupumeka umu nzila zino yalinzile ukupitamo. Yene yata ukulondela inzila zyampiti. Yakalondela tuzila twakwe tondo, ni miseo izyokoloke.

Yelemiya 40:3

nu kucita watacita cino wavwanzile ukuti alacita. Vyonsi vii vyativicitika pamulandu sile wakuti antu yako yaifya kuli Yawe, yakana nu kumuyela.

Yelemiya 44:5

Lelo mwemo mutakasi ukuvwa, nanti ukusumbako amano. Mutalondanga ukuta cimusango cinu cakutuula tuleza twinu ubani.

Oseya 10:1

Aina Izlaeli yakoline wa mutingi utambilile uno ukaseeka iviseekwa ivivule. Lino cuma cao casanduluka, nayo yakuula utuvuwa natuze. Lino impanga yao yaya nu longo, nayo yalundulula ukuyemvya vipilala vyao vya kupepelapo.