Yelemiya 11:13 - Amazwi Yakwe Leza 2013

¹³ Utuluwi kwene tuno antu amu Yuda yakwata twalingana ni misumba ino yakwata, nga aikazi amu Yelusalemu nayo yakuula utuvuwa utwakutuulila Baali impolelwa, kaleza kapupane, nato twalingana sile ni miseo yamu musumba kwene uu.

Yelemiya 11:13 Referans Kwoze

Yelemiya 2:28

Tuleza tuno wapanzile we mweneco tuli kwi? Leka tukatuke, tulole ndi cakuti tungakutuula umu nsita ya ntazi zyako, pano kwene tuleza twako, we Yuda, awe cumi twavulisya. Caya sile icili conga ni misumba yako pamwi nu tuvuwa twakwe Baali. Kwati sile imiseo yamu Yelusalemu.

2 Yamwene 23:13

Yosiya aomola incende zyaku pepela mwenemo utuluwi utwayelile lwaku ufumondaka wa musumba wa Yelusalemu lwaku kaeya ka mwamba ukaamwa ukuti Mwamba wa Miolivi, muno yapepelanga utuluwi twawinyi utuli wakwe Asyitaloti, kaleza kanaci aka ku Sidoni, Kemosyi, kaleza kaku Moabu, na Moleki, kaleza ka ina Amoni.

Oseya 12:11

“Lelo antu yakupepa utuluwi ku Gileadi. Yayo akapepa utuluwi tuto yalafwa. Yene yakapela impolelwa uku Giligali, lelo utuvuwa twao kuku tulaongololwa tuye wa mutumba wa mawe umu musonso.

Yelemiya 32:35

Yakuuzile ni ncende ya kupepela mwenemo Baali mu cifoloma ca Beni Hinomu, apakuti amuno yacindikila Moleki, umukupisya ana yao anaci na onsi umu moto. Icintu cimwi cico cino ntatazile njanene, cino citatazile cize nu ku mano yane kuti yangacita iviipe vya mwata ndi uu nu kulenga aina Yuda ukwifya.

Yelemiya 19:5

Nupya yatiyakuulila Baali utuvuwa utwakocela penepo ana yao wa mpolelwa. Alino nemo ku mano yane citatala caya nakweneko icakuti yangocele ana yao wa mpolelwa.

Yelemiya 7:9

Mwemo mwatemwa ukwiya, ukukoma antu, ukucita uzelele, ukulapa imilapo ya ufi, ukocela Baali ubani, nu kupepa tuleza tuuze tuno mutamanyile mpiti.

Yelemiya 3:24

Ukupepa icintu ci, ci Baali, icati cilya ivintu vyonsi vino ivikolwe vitu vyatuculilanga, ukutandikila sile uku wance witu, ivyuma ivili wa ng'ombe zyao, imfwele, na ana yao aonsi na anaci.

Ezaya 2:8

Utuluwi mu mpanga yao twatituvulisya, lyene yakufukamila imilimo yao, aino yakupepa, yakufukamila ni vintu vino yaipangila ku minwe yao.

Yelemiya 11:17

“Anene kwene ne Yawe Wamaka yonsi nalemile Ayuda na ina Izlaeli wa mutingi. Apilelo pene namayazanza. Aeneco kwene yamailetetela pamulandu nu uyi wao, pano alio kwene yalenzile kuti insoke pamulandu wakutuula Baali impolelwa.”

Yelemiya 19:4

Ndacita cico pamulandu wakuti antu yane yantazyela nu kukowezya incende ii pakupeela penepo impolelwa kuli tuleza tuze tuto tuno yene nanti vikolwe vyao nanti yamwene amu Yuda yatamanyilepo nanti cimwi. Yene yazuzya uwazi wa antu akaele umu ncende ii.

Yelemiya 44:21

“Apa ubani uno mocelanga umu misumba yamu Yuda nu mu miseo yamu Yelusalemu, mwemwe pamwi ni vikolwe vinu, yamwene inu, intunguluzi zinu na antu amu mpanga, uzye mwemo mukwelenganya ukuti Yawe atamanyilepo cimwi, nanti mukuti wene wilila kweneko vwilini?

Yelemiya 48:35

Namalovya umuntu ali wensi umu Moabu, wiyo wensi akutuula impolelwa nu kocela ka leza kakwe ubani, umu ncende yakupepelamo.” Ivyalanda ne Yawe.

Ezekelo 16:24

walundapo nu kuteyanya incende zimwi umu mbali ya miseo, apa kupepelapo utuluwi nu kucitilapo vya ucizelele.

Oseya 9:10

Yawe akuti, “Inkolelo lino nazanyile Izlaeli cali wakuzana amatingi amutengo. Ivikolwe vyakwe vivi navitemilwe ungati ukulola iviseekwa vya nkolelo vya misamvu. Lelo lino yizile ku Baali Peoli, yatandike ukupepa Baali nga yasanguka yaya camuselu wa unkolanya kwene wao uwa, uno yatemilwe.

2 Milandu 28:25

Mu musumba uli onsi uwamu Yuda akuula incende zya kupepela mwenemo kuti aocela penepo tuleza tuze ubani nu kulenga Yawe, Leza wakwe isi ukusoka.

Yelemiya 3:25

Katuletulambalale sile pansi pamulandu ni nsonyi. Ukuzewana kwitu kakule kutucitepo cimwi. Swemo kumwi ni vikolwe vitu twaifya kuli Yawe, ukutandikila sile uku wance witu, ukwizafika nu wanda wilelo. Twakana nu kuvwa ukwi zwi lyakwe Yawe, Leza witu.”

Yelemiya 17:1

Yawe Leza akuti, “Mwe antu amu Yuda, ala iifyo linu lyalembwa ku cilembelo ca cela. Lyene lyakololwa ku nsongo yi we lyakwe daimondi apa myenzo inu na pa mpembe zya tuvuwa twinu.

Yelemiya 18:15

Lelo antu yane yanjilila. Yene yakaocela utuluwi ubani, tuto utwayalenzile kupumeka umu nzila zino yalinzile ukupitamo. Yene yata ukulondela inzila zyampiti. Yakalondela tuzila twakwe tondo, ni miseo izyokoloke.

Yelemiya 44:5

Lelo mwemo mutakasi ukuvwa, nanti ukusumbako amano. Mutalondanga ukuta cimusango cinu cakutuula tuleza twinu ubani.

Oseya 10:1

Aina Izlaeli yakoline wa mutingi utambilile uno ukaseeka iviseekwa ivivule. Lino cuma cao casanduluka, nayo yakuula utuvuwa natuze. Lino impanga yao yaya nu longo, nayo yalundulula ukuyemvya vipilala vyao vya kupepelapo.