Yelemiya 10:24 - Amazwi Yakwe Leza 2013

²⁴ Tukalipile sile swe antu yako we Yawe, lelo utacizya umu cipimo, nanti kutuvunuka lino wasoka.

Yelemiya 10:24 Referans Kwoze

Masamu 38:1

We Yawe, ala utampingwila ukali ukali, utankalipila lino ucili ni cipyu!

Masamu 6:1

We Yawe, utaya ni cipyu apa kunkalipila, nanti ukumvunuka mu ukali wako!

Yelemiya 30:11

Pano indi nawe apakukupususya. Ndalovya imitundu yonsi muno nakusalanganyizizye. Lelo wemo ntalakulovya foo, ndakukalipila sile kulingana ni nsambu pano limwi ungasyala vivyo kwene ukwaula ku kukalipila.”

Ezaya 40:23

Awino akacefya yamwene ukucila mu cipimo, na yakateeka yansi ukuyalola ungati yatatazile yaye penepo.

Yobo 6:18

Imilongo ya alendo ikapaaluka kuti yezye ukulonda ukuli amanzi, yalulumba nu kufwila yafwila umu lwanga.

Habakuku 3:2

We Yawe, natinuvwa vyakulumbuka kwako. We Yawe nupya nuvwa intete. Acino ivicitwa vyako kwene vii, uviswilizye nupya kwene kuti viye vimanyikwe amanda kwene yaa, ivizungusyo vikulu vino wacitanga. Lelo ukwate uluse nanti umu nsita kwene ino watusoka.

Yelemiya 46:28

Yawe walanda wati, “Utoopa we muomvi wane Yakobo, pano nemo ndi nawe. Ndalovya imitundu yonsi ya antu amu nko zino namusalanganyizizyeko. Lelo wemo ntalakulovya. Ndakusunda sile ukulingana ni nsambu. Ntalakutapo sile, lelo ndakukalipila.”

Masamu 6:2

Ya na mizu kunondi, we Yawe, pano nemo natonta naongoka, umpozye we Yawe, pano nati mpomponteka nu mu mafupa.

Ezaya 28:28

Asionona ingano zyakwe umu kuzifwantola sile ukwaula ukuta, awe. Wene wamanya ivyakusokola ingano, akapisya ningo iceleta penepo ukwaula kuzyonona.