Yakobo 5:19 - Amazwi Yakwe Leza 2013

¹⁹ Inane, umwi uwa munomuli ndi wasya inzila ya cumi muze alinzile kumuwezya nupya.

Yakobo 5:19 Referans Kwoze

Galatiya 6:1

Inane, ndi umwi waponela mu kucita ciipe, yao a munomuli akatungululwa na Mupasi Wamuzilo, yalinzile kumuwezya nu kumutungulula umu nzila yololoke. Lelo mulinzile kucita cii nu mutembo. Nupya muisunge mweisikulu pakuti namwe kwene mutaponela mu mezyo.

Mateo 18:15

“Munyonko ndi wakwifya, yanga kunoli umulange kuluvyanya kwakwe lino muli sile mweili. Ndi wakuuvwa, lyene ale mwawikizyanya wa ina.

Yakobo 5:20

Iusyini ukuti wino wensi uwawezya kaifya kufuma ku viponge vyakwe ala wene alamutuula kufuma ku mfwa nga nu kuleka kuti aelelwe maifyo yakwe aingi.

Luka 22:32

Lelo nati nkupepela Simoni kuti utailo wako utatovoka. Na lino ulazenzuka, uce ukomelezye anyonko onsi.”

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

2 Petulo 3:17

Lelo mwemo yacuza, mumanyile cii mpiti. Cenjelini, kuti kuluvyanya kwakwe yakaifya kutamutungulula kuti mupone mu utailo.

1 Timoti 6:10

Pano kutemwa impiya ili ntulo ya misango yonsi ya viipe. Yamwi akalondesya impiya yakasya inzila ya utailo nga nu kunyomeka myenzo yao na malanda aingi.

Ezekelo 34:4

Mutakomelezyanga imfwele zitonte, mutapelanga izilwale umulembo nanti kuzinyepela ivilonda. Mutawezyanga iziponge nanti kulonda izyapumbuka. Zyene zyatesilwe sile ku kalili.

Ezaya 3:12

Ana yanono yalamwilikizya, na anaci nayo yakamuteeka. Mwe antu yane yakateeka inu yamuponzya, yonona ni nzila zinu.

1 Timoti 6:21

Pano yamwi yakati yakweti ukumanya kuu. Lelo pa kutaila muvwango uu yene yaponzya utailo. Cikuku cakwe Leza ciye namwe mwensi.

Mapinda 19:27

Mwanane, lino ulata sile ukuvwa uku masunde ya mano, lyene ale utalalengela ukusuula navino wamanya mpiti.

Masamu 119:118

Ukakana wiyo wensi uwasula amasunde yako, pano intumpu zyao izya ciwelewele.

Masamu 119:21

Ukakalipila avilumba, yayo atipwe, yano yakapumbuka yasya amalamulo yako.

Yuda 1:11

Kalanda kunoyali! Pano yene yalondela musango wakwe Kaini. Mulandu wakutemwisya impiya, yene yaisumba aisikulu mu usomvi wakwe Balamu. Yene yakatukila Leza ndi vino Kola wacisile. Acino yalononwa.

Yakobo 3:14

Lelo ndi cakuti mu mwenzo muli uzuwa, muvimbila, kuitemwa, lyene mutaitumika pa mano inu nanti kufisa cumi mu kutumpoka kwinu.

2 Timoti 2:18

Yene yasya inzila ya cumi nupya yakavulunganya utailo wakwe yao ataila apa kulanda ukuti kuzyukuka kwa afwe kwacitika mpiti.

Ayebulai 5:2

Simapepo Mukulu wakwata utonte mu misango iingi. Acino wene akaezya ukutontela antu atutu nupya yano akaponga.

Yakobo 1:16

Inane mutasombwa!

Yakobo 1:19

Mwe inane yakundwe, iusyini cii! Muntu wensi alinzile kuuvwa zuwa, lelo atekele kulanda nu kusoka.