Yakapingula 9:15 - Amazwi Yakwe Leza 2013

¹⁵ “Umuti wa myunga nao iwasuka uti, ‘Ndu mucumi mukasi munjike pa cilimba ca wene, lyene izini muuwe mu cisao cane. Lelo ndi mutangiza, umoto ulafuma mu misambo yane iya myunga nu koca imiti imikelide yaku Lebanoni.’ ”

Yakapingula 9:15 Referans Kwoze

Ezaya 30:2

Yene yakazenzemalila uku Eguputo, ukukulenga uwazwilizyo kuti Falao ayacingilileko ukwaula ukuti yatale yanguzye. Yakalonda ukuti impanga ya Eguputo aino iye icisao cakutuwilizyamo.

Oseya 14:7

Nupya kwene aina Izlaeli yalazina munondi. Yene yalakula ningo wa mbezu zya ngano, Yalawalula nu kuseeka wa mutingi. Yalalumbuka wakwe waini waku Lebanoni.

Ezaya 2:13

Ali wanda kwene uno ulononela penepo imiti, imikelide yaku Lebanoni kumwi ni mioko yonsi iyaya ku Basyani.

Yakapingula 9:20

Lelo kwene ngasi vivyo, umoto ufume kuli Abimeleki nu koca aina Syekemu na ina Beti Milo, nupya umoto ufume mu ina Syekemu na ina Beti Milo nu koca Abimeleki.”

Danieli 4:12

Amafwa yakweco yali ayembe nupya casesile iviseekwa vivule sana vino antu yonsi umu nsi yangakumana ukulya. Inyama zya mpanga zyapuzilanga mu cisao cakweo, ni vyunyi vyapanganga vinsanzo mu misambo yakweco, nga nu musango onsi wa viumbwa walyanga iviseekwa vyakweco.

Ezekelo 19:14

Nga alino mu cimuti kwene ca mutingi mufumamo umoto, nao wiza oca misambo yakweo kumwi ni viseekwa vyakweo. Awe imisambo iyo yakweo italatala ikome nupya, nupya italatala iye intuwa zyakwe yakateeka.’ Fwandi lulo ali lwimbo lwa ulanda, ulukaimbwa lili lili apa ndosya.”

Ezaya 37:24

Wemo watutuma aomvi yako uku kwiza uku kunsaalula, nu kuitutumula wemo ukuitutumula, We Senakelibu waya namaceleta yako nyanya. Waya wacimvya imyamba itali sana, ukwikapo na pantonje ya mwamba waku Lebanoni. Watemola imiti imikelide ni miolivi, ilya kwene izipisye.

Masamu 104:16

Imiti itali, imikelide yaku Lebanoni ikatonyelelwa imvula ivule, imiti iyo ino we Yawe walema we mweneco.

2 Yamwene 14:9

Lelo Yeoasyi awezya amazwi kuli Amaziya umwene waku Yuda, ati, “Pali kalai, apa mwamba waku Lebanoni pali icipupa ca myunga cico icatumile intumi uku mukelide uutali sana umu Lebanoni amazwi iciti, ‘Twalizya umwana wako kaci ku mwanane umulumendo.’ Lelo lino icilyanyi caku Lebanoni cikupita, icisya calyatola icipupa cico ica myunga.

Mpendwa 21:28

Ukufuma mu musumba ukalamba uwa Hesyiboni, ivita vyakwe Siooni vyafumile wa moto ivyonona umusumba wa Ali uwaku Moabu nu kumalila intonje yonsi iya papela yakwe Alinoni.

Mateo 13:32

Nanti angala lwacepesya pa mbezu zyonsi, lelo ndi lwamela, lukulisya kuluta vilimwa vyonsi vyamu calo, nga lukula luya wa cimuti cakuti ni vyunyi viluka vinsanzo mu misambo yakweo.”

Ezekelo 31:3

Endi, namamukolanya nu mukelide waku Lebanoni, uno ukweti misambo iyembe, iyacisao. Wene utali wakwe cimwi cakuti intonje yakweo ifisile nu mu makumbi.

Ezaya 1:31

Vivi kwene vino icimbilimbili cikaoca icimuti icume, ali vino na antu yamaka yalapila pamwi ni vicitwa vyao. Nupya kutalaloleka umuntu nanti wenga alalesya ukuti antu yayo yakane ukononeka.

Yakapingula 9:49

Acino cila muntu atema ulukwi. Lyene iyalondela Abimeleki nu kutulika inkwi zizi ukufika papela ya lupungu. Avili vino yocelile yonsi ali mwenemo, nga yonsi ali mukasi iyafwa. Yonsi afwile yali manye izimbi lyonga, aonsi na anaci.

Yakapingula 9:14

“Acino lyene imiti yonsi inena umuti wa myunga iti, ‘Si iza mwandi wewe uye umwene witu.’

Yakapingula 9:16

Yotamu atwalilila ukulanda ati, “Lyene uzye mwemo mwacisile ufumacumi pa kwika Abimeleki pa cilimba ca wene kuti aye umwene? Uzye mwacindike ukwiusya kwakwe Gidyoni nu kucitila ang'anda yakwe visuma, iviine ni vicitwa vyakwe.

Masamu 29:5

Izwi lyakwe Yawe lyakontola imiti imikelide, umwene wakontola imiti imikelide yaku Lebanoni.

Yakapingula 9:44

Lino Abimeleki ni mpuka yakwe yasimwilila ku mpongolo ya musumba kuti yakacilikilepo, impuka zyuze ziili izizanza antu ali mu vyalo nu kuyakoma yonsi pyu.

Nyimbo zya ndosya 4:20

Yalemile intulo ya umi witu, wiyo wino Yawe wasolola, wino twataile mwenemo ukutucingilila ku muzanzi ali wensi.