Yakapingula 8:27 - Amazwi Yakwe Leza 2013

²⁷ Zaabu kwene wiyo awino Gidyoni wapangileko efodi, nga amuika mu musumba wa Ofula, umusumba wakwe. Aina Izlaeli yonsi iyafutatila Yawe iyatandika ukuya kuku ku kupepa akaluwi kaka. Icintu cii lyene iciya iciteyo kuli Gidyoni na amu ng'anda yakwe.

Yakapingula 8:27 Referans Kwoze

Masamu 106:39

Yaikowezyanga aisikulu ku vicitwa vyao. Yacitanga ukakasi uku vicitwa vyao, ungati acizelele.

Yakapingula 18:14

Lyene aonsi yalya yasano yano yaile iyendezya impanga ya Laisyi iyanena aina yao yati, “Uzye mwamanya ukuti umu ng'anda imwi pa ng'anda zii mwaya cakuzwala ca efodi, akaluwi akawaze kano yengelelako siluva? Nupya mwaya utuluwi tuze. Lyene elenganyini vino tulinzile ukucita.”

Yakapingula 17:5

Lyene umuntu wi Mika wakweti icifulo cakwe icakupepelapo, nga wapanzile ni cakuzwala ca efodi nu tuluwi nga aika umwana wakwe umwi pali usimapepo.

Yakapingula 18:17

Aonsi yalya yasano aile iyendezya impanga yingila mukasi ka ng'anda ilya iyatola akaluwi akawaze, ni cakuzwala ca efodi, nu tuluwi tuze pamwi na kaluwi akawaze kano yengelelako siluva. Ale lilyo simapepo aimilile pa mulyango pamwi ni vita imyanda mutanda.

Malango 7:16

Muce monone antu ya nko zyonsi yano Yawe alapeela mu makasa inu. Mutakezye ukuyuvwila uluse, nanti ukupepa tuleza twao, pano lyene mungailetelela sile.

Yakapingula 6:24

Acino Gidyoni akuulila Yawe kavuwa kuku nga akatemela izina ati, “Yawe uli mutende kwene.” Na kavuwa kaka apano kacili ku Ofula, umusumba wa luko lwakwe Abiezeli.

Kufuma 23:33

Mutakaleke antu yalya ikale mu mpanga inu, ndi mwayazumilizya kwikala yalamuteya kuti mwapepa tuleza twao nga mu musango uu, yalalenga kuti mwaifya kunondi.”

Oseya 2:2

“Kalipila nyoko, si ule umukalipile, pano wene asi umuci wane, nga nani insi iya. Mu mupapate kuti ate uzelele, nga nu kuntatailwa.

Ezaya 8:20

Umu cumi vii ali vino yalalanda. Lelo mwemo muce mwayasuka muti, “Uvwini vino Yawe akumusunda!” Ala mwemo mutauvwa kuli yano yakumuuzizya imilandu uku mipasi. Vino yakumunena vitalamuombela icisuma nanti conga.

Masamu 73:27

Umu cumi yayo akafuntuka kunoli, yalaponga. Nupya yayo yonsi akakusangukila, wemo ukayonona.

Yakapingula 6:11

Lyene umungeli wakwe Yawe aiza ku muzi wa Ofula nga aikala mwisika lya muoko, umuti wakwe Yoasyi, uwamu luko lwakwe Abiezeli. Gidyoni umwana wakwe ala akupuula ingano mu umfisolo umwakufenela amatingi, pakuti aina Midyani yatamulola.

Malango 12:5

Muce mwapepela Leza winu pa ncende ino umwisikulu alasolola ukufuma mukasi ka mitundu inu pakuti apano yonsi yakakonganila ku kumulumbanya.

Malango 7:25

Mulinzile ukoca utuluwi twao. Mutaca mwezye kukumbwa nanti ukusenda siluva nanti zaabu wino yakoweka utuluwi tuto. Ndi mwaca mwacita vivyo, ale lyene mungailetelela sile, pamulandu wakuti Yawe wapata ukupepa utuluwi.

Yakapingula 8:26

Amaelena yakwe Zaabu yano Gidyoni wapokelile yafinyile namanye amakilogalamu amakumi yaili, ukwaula kupendelako iviyembelo vyuze, amakoza, utuwangili, vyaku matwi, insalu ziyenzulukile izyazwalanga yamwene aku Midyani ni vimisipi ivyazwalanga ingamila zyao umu nsingo.

Yakapingula 8:28

Avino antu amu Midyani iyayacimvya ku ina Izlaeli, nupya yatatwalilile ukuya icakuyasakamika. Impanga ilya yatenzi ku matwi cele pa myaka amakumi yani, mpaka ni mfwa yakwe Gidyoni.

Kufuma 32:4

Lyene Aaloni apokelela amaelena yakwe zaabu ukufuma kunoyali, alino ayasungulula, apanga unkolanya wa mwana wa ng'ombe mu cikombole. Lyene antu iyatandika kupunda yati, “Mwe ina Izlaeli, Leza witu auwi wino watufumizye mu Eguputo.”

Kufuma 34:16

Nupya limwi ana inu aonsi yangatwala ana yao anaci, nga nayo yangalenga kuti yamfutatile nu kupepa tuluwi twao.

Yakapingula 2:2

Acino namwe kwene mutakezye kupangana na antu amu mpanga ii, lelo muce monone utuvuwa twao.’ Nga nalyo kwene mwemo mwakana ukunjela. Uzye pacani cino mwacita cino namulesizye?

Yakapingula 2:3

Acino lyene nkamunene. Ntalazinga imitundu iyo pa nkolelo inu. Yene yala anisi inu, nga kupepa tuleza twao kulaya iciteyo kunomuli.”

Masamu 106:35

lelo yamatwalana sile na inamasi yakopola ni micitile yao.

Ezekelo 7:20

Pa mpiti yayuvwanga pa viyembelo vyao vya usaka, lelo pali ndakai avino yakutola pakuipangila utuluwi twawinyi. Uli mulandu kwene uno ne Yawe Leza namalenga ukuti ivyuma vyao visenulwe viye ivya usali.

Oseya 3:4

Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola.