Yakapingula 3:10 - Amazwi Yakwe Leza 2013

¹⁰ Umupasi wakwe Yawe iwikila panoli, nga nawe aya intunguluzi ya ina Izlaeli. Otinieli aya ku kulwa inkondo, nga Yawe aleka acimvya Kusyani Lisyataimu, umwene waku Mesopotamya.

Yakapingula 3:10 Referans Kwoze

1 Samueli 11:6

Lino Saulo uvwa amazwi yao, Mupasi wakwe Leza iwikila panoli na maka nga asoka wakwe cimwi.

Yakapingula 14:19

Lyene mukupumikizya umupasi wakwe Yawe wikila na maka panoli. Alino atentemukila ku Asyikeloni, akuno aya akoma antu amakumi yatatu,

Yakapingula 14:6

Umukupumikizya umupasi wakwe Yawe wikila panoli na maka cakuti akalema nu kukalepola ni minwe mitupu wakwe vino angalepola kambuzi. Lelo Samusoni atanenyile isi nanti nyina pali vino watacita.

Yakapingula 13:25

nu Mupasi wakwe Yawe iutandika kumuomvya lino acili ku Maane Dani, pakasi kakwe Zola na Esyitaoli.

Yakapingula 11:29

Lyene Umupasi wakwe Yawe iwikila pali Yefuta. Nawe pali pakusalala impanga ya Gileadi na yakwe Manase, alino apita mu Mizipa uwaku Gileadi. Lyene ukufuma kuku aya ku kuzanza aina Amoni.

Yakapingula 6:34

Lyene Umupasi wakwe Yawe iwikila pali Gidyoni, nawe alizya intandala kuti aame aonsi amu luko lwakwe Abiezeli yamulondele.

2 Milandu 15:1

Mupasi wakwe Leza uwikila pali Azaliya umwana umonsi wakwe kasema Odedi.

Mpendwa 24:2

Lino Balamu akwiza akwinula amanso, alola aina Izlaeli papa pano yakuuzile insakwe zyao, ala yali muli cila mutundu mutundu. Alino lyene Mupasi wakwe Leza iwikila panoli,

Ayebulai 6:4

Pano uzye yao afutatila utailo wao yangaweziwa uli nu kuzenzuka? Yene yapisile mu luswepo lwakwe Leza, nupya yapokelile uwila kufuma kwiyulu nu kuyankanyako Mupasi Wamuzilo.

Masamu 51:11

Utafuntuka kunondi foo, utampoka umupasi wako uwamuzilo.

2 Milandu 20:14

Alino umu ukongano uo kwene, Umupasi wakwe Yawe uwikila pali Yaazieli, umwana umonsi wakwe Zakaliya, umwana umonsi wakwe Benaya, wino isi wali a Yeiyeli, umwana umonsi wakwe Mataniya, umwina Levi nupya uwamu mupanda wakwe Asafu.

1 Samueli 16:13

Samueli atoola umusazi wa mafuta amupaka pa manso ya ina yakwe yonsi. Ukutandika pa wanda kwene uwo Mupasi wakwe Yawe wikila pali Davidi nga utamusile. Lyene Samueli akatuka aswilila ku Lama.

1 Samueli 10:6

Umupasi wakwe Yawe umaya ukikile panuli na maka, nga nawe wayatandika ukusema pamwi nayo. Wayasanguka sile umuntu umwi muzemuze.

Mpendwa 27:18

Caleka Yawe anena Mose ati, “Tola Yoswa umwana umonsi wakwe Nuni, wiyo ali nu mupasi, umwikepo amakasa.

Mpendwa 11:29

Lelo Mose amwaasuka ati, “Si uvwa uzuwa pali nene? Si cange cizipe ndi antu yonsi yakwe Yawe yaya yakasema, yapeelwa nu mupasi wakwe!”

Mpendwa 11:25

Alino Yawe nawe aika umwi kumbi nu kulanda nawe. Ali pakutoola ku mupasi uwali pali Mose, nu kuwika pa ikolo yayo amakumi cinimbali. Lyene lino mupasi wikala panoyali, iyasema. Lelo yatatwalilile pa nsita ntali.

Mpendwa 11:17

Nani namaika nu kwiza landa nawe kukwa. Nupya indi nu kwiza tola mupasi uwaya pali wewe nu kuyapeela nayo kwene. Fwandi ali yano yamasendanga pamwi nawe icisendo ca mutundu uwo. Usikuyanga wenga pa kucisenda awe.

Yakapingula 3:8

Acino Yawe nawe pasi pakusokela aina Izlaeli alenga nu kuti Kusyani Lisyataimu, umwene waku Mesopotamya, ayacimvye. Wene wayateesile pa myaka cinani.

Yakapingula 3:11

Umu mpanga ilya mwali umutende pa myaka amakumi yani, nga lyene Otinieli umwana umonsi wakwe Kenazi aca afwa.

1 Milandu 12:18

Alino Mupasi wakwe Leza aikila pali wenga uwa mwi umba lili, izina lyakwe a Amasai, uwizile aya umukalamba wa mpuka ya vita vivi amakumi yatatu. Nga nawe avwanga ati, “Ala! We Davidi, umwana wakwe Yese, sweswe antu yako! Ulongo luye kunuli na kuli yao akukwazwa! Leza ali ku lusansa lwako.” Alino Davidi ayazengela nga ayapeela ivifulo umu mpuka ya vita vyakwe.

Yakapingula 11:32

Lyene Yefuta alamba ku kulwisya aina Amoni, nga Yawe ayapeela mu makasa yakwe.

Yakapingula 15:14

Lino Samusoni wafika ku Leii, aina Filisti iyamukomenkanya yala yakupunda ucimvyo. Lelo Umupasi wakwe Yawe iwikila panoli iumupela amaka, nga atankola imyando ino yamunyefile ku makasa wa usavu uwapya ku moto, nga ilukuta ku makasa yakwe.

1 Samueli 10:10

Lino yafika ku Gibeya, akamulongo kakwe yakasema ikamukomenkanya. Alino Mupasi wakwe Yawe wikila panoli na maka, nga nawe atandika ukusema pamwi nayo.