Yakapingula 18:6 - Amazwi Yakwe Leza 2013

⁶ Simapepo wilya aasuka ati, “Si mutasakamala. Yawe amamusunga pa lwendo lwinu.”

Yakapingula 18:6 Referans Kwoze

1 Yamwene 22:6

Acino Aabu akonganika yakasema yakwe ali manye imyanda ini, nga ayuzya ati, “Uzye nje nkalwisye umusumba wa Lamoti Gileadi, nanti foo?” Nayo yamwasuka yati, “Yanga, pano Yawe amaupeela mu makasa yako we mwene.”

1 Tesalonika 3:11

Tukulenga kuti Leza Tata nu Mwene Yesu Klistu yaleke tuce twize kunomuli.

Yelemiya 23:32

Cumi kwene, nemo nkukanya yakasema yano yakalota iviloto vyaufi. Yene yakalotola iviloto ku antu yane nu kuyatungulula kwi lovyo pamulandu wa ufi wao ni vilumba vyao. Ala nemo ntayatumile nanti ukuyanena ukuti yapitana. Nupya yene yatakweti umulimo nanti umwi ku antu yane.” Ivyalanda Yawe.

Masamu 33:18

Lelo Yawe akawaka yayo akamuyela, yayo ataila mu kutemwa kwakwe ukwa pe.

1 Yamwene 22:15

Walanga Mikaya wafika sile ku mwene Aabu, umwene nawe amuuzya ati, “We Mikaya uzye umwene Yeosafati nani tungaya tukalwisye umusumba wa Lamoti Gileadi, nanti tutace tuyeko?” Mikaya aasuka ati, “Muce mwapita mukalwisye, mulaya mukacimvye. Yawe umweneco alaleka mucimvye.”

1 Yamwene 22:12

Na yakasema yonsi asyala yasesema umuli monga kwene ala yakuti, “Uce ukaye ukalwisye umusumba wa Lamoti Gileadi nu kucimvya, pano Yawe alaupeela mu makasa yako we mwene.”

Malango 11:12

Yene ili mpanga ino Yawe Leza winu akasunga nu kuiwaka pee ukufuma pa kutandika kwa mwaka ukufika na pa mpela ya mwaka.

Yakapingula 18:5

Nao iyamunena yati, “Twapapata utuzizyeko kuli Leza ndi cakuti ulendo witu ulaya utambalale.”

Yakapingula 18:7

Acino aonsi yalya yasano pali pakukatuka nga iyaya ku musumba wa Laisyi. Yaweni vino antu ya kweneko yakaikala umu kucingililwa wa ina Sidoni. Yene antu atemwa umutende, aikala ku matwi cele, nupya yasicita ivikanza nu muntu. Antu yaa yatulilwe ivintu vino yalondanga. Yene yikalanga ukutali nu kwali aina Sidoni nupya yatakweti kapitilo na antu yauze asyala.

1 Samueli 1:17

Eli pali pakumwasuka ati, “Pita ulumi, si angala Leza wa ina Izlaeli akulambule cino umulenzile.”

Kufuma 4:18

Pacisila cakwe vii Mose aswilila kuli Yetulo, sivyala, nga amunena ati, “Napapata nzumilizye nswilile ku akazi kane ku Eguputo kuti nkalole ndi yali mutende.” Yetulo amuzumilizya nga amupakasya nu kuti apite mutende.