Yakapingula 18:27 - Amazwi Yakwe Leza 2013

²⁷ Lyene amu mutundu wakwe Dani iyasenda ivintu vivi vino Mika wapanzile, kumwi na simapepo wilya, nga iyaya ku Laisyi, ku kulwisya antu amutende, atatunganyanga kamwi. Alino iyayazanza ku lupanga nu koca umusumba wao.

Yakapingula 18:27 Referans Kwoze

Yakapingula 18:7

Acino aonsi yalya yasano pali pakukatuka nga iyaya ku musumba wa Laisyi. Yaweni vino antu ya kweneko yakaikala umu kucingililwa wa ina Sidoni. Yene antu atemwa umutende, aikala ku matwi cele, nupya yasicita ivikanza nu muntu. Antu yaa yatulilwe ivintu vino yalondanga. Yene yikalanga ukutali nu kwali aina Sidoni nupya yatakweti kapitilo na antu yauze asyala.

Yoswa 19:47

Lelo amu mutundu wakwe Dani walanga yaposiwa kupoka impanga iyapilwe kunoyali. Caleka iyaya yayazanza nu kupoka umusumba wa Lesyemu, iyakomola aikazi yamwenemo nga yikalamo. Alino iikala mwenemo nu kutemela umusumba ulya izina lipya ilyakuti Dani, ilyali izina lya cikolwe cao.

Yakapingula 18:10

Lino mwafika kweneko, mulazana ukuti ukwaya antu atange yamutunganye nanda cimwi. Nupya impanga iyo ikulu umwaya konsi kano umuntu akalonda. Fwandi ili mpanga ino Leza wapeela kunomuli.”

Yoswa 11:11

Aina Izlaeli iyakomola umuntu wensi uwali mwenemo. Kusi nanti wenga wino yasile umupuma, nga iyoca nu musumba kwene wa Hazoli.

Malango 33:22

Apa mutundu wakwe Dani wavwanzile ati, “Dani akoline wa mwana wakwe cisama. Wene akavwantuka ukufuma mu mpanga ya ina Basyani.”

Utandiko 49:16

“Dani alaya kateeka wa antu yakwe. Antu yaa yalaya wa mitundu yuze yamu Izlaeli.

Yakapingula 18:26

Acino amu mutundu wakwe Dani iyatwalilila nu ulendo wao, nga Mika apakulola ukuti yamucizya amaka, asenuka aswilila ukwakwe.

Yakapingula 8:11

Gidyoni alondela umuseo lwaku lutwe lwa lwanga, ku ufumondaka wa Noba na Yogobeya, nga mukupumikizya azanza ivita vya anisi.