Yakapingula 13:18 - Amazwi Yakwe Leza 2013

¹⁸ Umungeli wakwe Yawe aasuka ati, “Uzye pacani cino ukunguzizya izina lyane? Izina lii, ilya cipezya amano.”

Yakapingula 13:18 Referans Kwoze

Utandiko 32:29

Yakobo ati, “Nakupapata nena izina lyako, uzye weweni?” Nawe auzya ati, “Uzye pacani cino wanguzizya izina?” Lyene papo kwene apolelela Yakobo.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Yakapingula 13:6

Lyene umwanaci wilya apita aya anena iya wakwe ati, “Umuntu wakwe Leza umwi wali wiza kunondi. Imilolekele yakwe ikoline ni ya mungeli wakwe Leza, iyakoofya wakwe cimwi. Ntamuzizye kuno afumile, nanti aliwe atanenyile izina lyakwe.

Utandiko 32:30

Yakobo avwanga ati, “Nalola Leza na manso ntontonto kwaula ukufwa.” Acino atemela cifulo cici izina ati Peniwele.

Kufuma 23:21

Mwauvwila wiyo kwene, nupya mwauvwikisya vino akumunena pamulandu wakuti natimupeela maka yonsi. Ndi mwacita vikanza kunoli alasoka cuze.

Neemiya 9:5

Alino aina Levi yaa, Yesyua, Kadimiyeli, Bani, Hasyabineya, Syelebiya, Hodiya, Syebaniya na Petaya iyavwanga iyati, “Katukini nu kulumbanya Yawe Leza winu. Mulumbanyini amanda pe! Kalicindikwe izina lyakwe lyamuzilo, nanti angala kusi umuntu angaulumbanya icifumaluke.”

Ezaya 9:5

Pano lyene ulusapato lonsi ulwa ulwi, nanti insalu zyonsi izikandane uku wazi, vimapya pyu uku moto.