Yakapingula 11:23 - Amazwi Yakwe Leza 2013

²³ Ale lyene vino Yawe, Leza wa ina Izlaeli, watazingila aina Amoli kunzi pakuti cizipile aina Izlaeli, uzye insambu ci ino ukweti iyakutola icifulo cao?

Yakapingula 11:23 Referans Kwoze

Yakapingula 11:22

Iyapoka impanga yonsi iya ina Amoli ukutandikila sile ku Luzi lwa Alinoni ukufika nu ku Luzi lwa Yaboki nga nupya ukutandikila ku lwanga ukufika nu ku Luzi lwa Yodani.

Yakapingula 11:24

Uzye citange cikuzipile ukutoola cino Kemosyi leza wako wakupeela? Naswe kwene consi cino Yawe Leza witu watupela, cico kwene acino tumatola.

Utandiko 48:22

Nkunena wewe Yosefu, asi anyonko foo ukuti nkukupeela ciputulwa ca Syekemu, impanga ivunde cuze ino napokolwile ku ina Amoli pa kuyalwisya ku lupanga lwane nu ulapwa.”

Yoswa 5:1

Lino Yamwene yonsi aina Amoli aikalanga ku uwondaka wa Luzi lwa Yodani alino na yamwene yonsi aina Kenani aikalanga mu nkumba yakwe yemba wa Adiliya yuvwa ukuti Yawe watakamya Yodani pa manso ya ina Izlaeli mpaka itusuka itulamba, iyazakaza ku ntete nupya iyatovoka pamulandu wa ina Izlaeli.

2 Milandu 20:11

Lyene cino akutuswilizya apamulandu wakuti yatuzinga umu nsi ino wene watupile ngi mpanga ya upyanyi.