Utandiko 6:2 - Amazwi Yakwe Leza 2013

² Lyene ana yakwe Leza aonsi yalola ukuti akazyana yaa yayazipila cuze. Pali pakutwala yano yatemwa.

Utandiko 6:2 Referans Kwoze

1 Yoane 2:16

Pano vintu vyonsi vyamu nsi, kutandika pa vilondwa viipe vino mili ikalonda, ni vintu vya lunkumbwa lwa manso nu kuitumika ku vyamu nsi, vyonsi vii visyafuma kuli Tata, lelo ku wikalo uwipe uwamu nsi.

2 Petulo 2:14

Yene yakaelenganya sile kulongozya. Imbunu yao yakwifya itakwata impela. Yene yakasomba antu mu citeyo cao. Myenzo yao yasambilila kuya nu lwiswa nupya yali ni citipu cakwe Leza.

Ezila 9:12

Yene yatunena ukuti tutalinzile ukutwalana nayo nanti kuyazwilizya umu nzila ili yonsi. Ndi cakuti tukulonda kuilyokezya ivisuma vyamu mpanga nu kusiilako ivizikulula vitu kuti viye vyaupyanyi vya manda pe, tutaezya kucita cipangano cakwandana ucuza nayo.

2 Samueli 11:2

Uwanda umwi ku manguzi, Davidi akatuka pa musanzi wakwe afuma akulyatoka apipaala li sano lyakwe. Lino ali apipaala, alola umwanaci akufulala. Umwanaci wilya wali umuyembe wakwe cimwi.

Malango 14:1

“Mwemwe antu yakwe Yawe Leza winu. Ali cino fwandi lino mukulosya, cisi cakwezya ukuicembola inkalo nanti ukupela ulukuzu.

Kufuma 34:16

Nupya limwi ana inu aonsi yangatwala ana yao anaci, nga nayo yangalenga kuti yamfutatile nu kupepa tuluwi twao.

Utandiko 27:46

Labeka anena Isaki ati, “Nemo caticimfulila nupya natonta na aci yakwe Esau ainamasi. Ndi cakuti na Yakobo kwene angatwala wenga uwamu ina Hiti, ale lyene cinganzipila ukufwa.”

Utandiko 24:3

Nkulonda ulape mwi zina lyakwe Yawe, Leza uwa mwiyulu na pano nsi, ukuti utalalondela umwana wane mukazyana wakutwala ukufuma mu mpanga ya Kenani, mukwene muno nkwikala.

Utandiko 4:26

Seti nawe kwene yamuvyalile umwana umonsi, nga amutemela izina ati Enosi. Pa nsita kwene iya alino antu yatandike kupepa Yawe.

Utandiko 3:6

Caleka umwanaci alola usuma wa muti ni viseekwa vyakweo vino vyalolekanga nu mulyo. Alino aelenganya usuma wa kuya na mano. Lyene atoola iviseekwa vimwi alya, nga atoola iviseekwa vimwi apeela iya nga nawe kwene alya.

2 Kolinto 6:18

nu kuya So. Namwe mulaya ana yane aonsi na yakaci, avino Mwene wa maka yonsi walanda.”

1 Kolinto 7:39

Mwanaci wino watwalwa wene asi nu untungwa wa kutwalwa lino iya acili nu umi. Lelo ndi iya wafwa, lyene ala waya nu untungwa wakutwalwa ku monsi wensi wino akulonda, cikulu sile ale umonsi wiyo umwina Klistu.

Malaki 2:15

Uzye Yawe atakuumvile kuti uye umwili nu mupasi onga nu muci wako? Uzye wene wakweti ipange cii pa kucita cico? Umulandu uno wene wacitile cico, apakuti ana yano ulakwata yakaye ana yakwe Leza. Acino uisunge, nga utavuna upangano uno wacisile nu muci wako wino watwite mu ulumendo wako.

Malaki 2:11

Antu aku Yuda yasi acumi kuli Leza nupya yacita ivintu iviipe wakwe cimwi mu Izlaeli nu mu Yelusalemu kwene. Yene yakowezya Ng'anda ikulu yakwe Yawe ino wene watemwa. Yene yatwala anaci ainamasi akapepa tuleza tuluwi.

Ezaya 63:16

Pano wewe kwene wewe uli Tata. Abulaamu atatumanya, Yakobo atatumanya. Lelo wemo we Yawe, wewe uli Tata, wewe uli Katuula witu pee. Ilili zina lyako ilyampiti na mpiti.

Yobo 31:1

“Nemo napangana mpiti na manso yane ukukana lolekesya pali mwali.

Utandiko 6:1

Pa nsita ilya lino antu yatandika kuvula, yalimba insi yonsi, ana yakaci yavyalwa.

Utandiko 6:3

Alino Yawe avwanga ati, “Ntalazumilizya umuntu ukwikalilila umuyayaya pano wene umwinakufwa. Ukufuma ndakai umuntu asyaikala ukuluta pa myaka umwanda onga na makumi yaili.”

Utandiko 12:11

Lino akuya, afika pipi na mupaka kwingila mu Eguputo, nga anena umuci ati, “Salai namanya ukuti wewe mama umuyembe.

Utandiko 26:35

Aci yaa oili yaletile Isaki na Labeka ulanda.

Yobo 1:6

Uwanda umwi, ana yakwe Leza amwiyulu yizile uku kupempula Yawe. Na Satana kwene apano wali.