Utandiko 5:3 - Amazwi Yakwe Leza 2013

³ Lino Adamu wali ni myaka 130, umuci wamuvyalile umwana umonsi uwatozile icata cakwe isi. Nga Adamu amutemela izina ati Seti.

Utandiko 5:3 Referans Kwoze

Utandiko 4:25

Nupya Adamu amanya umuci wakwe, nga nawe amuvyalila umwana umonsi. Muci amutemela izina ati Seti, nga avwanga ati, “Leza watapeela kunondi umwana umonsi uwakupyanikizya pali Abeli, wino Kaini wakomile.”

Efeso 2:3

Mu cumi naswe kwene avino twali lino twatungululwanga ni vilondwa vya civyalilwa citu, ala tukucita vintu vino mili na melenganyo itu yalondanga. Swemo twasosya Leza nupya twali nu kuvunukwa.

1 Kolinto 15:39

Antu, inyama, vyunyi, nga ni nswi, vyonsi vyakwata minyefu, lelo kusi nanti conga cino cakolana ni cuze.

Loma 5:12

Iifyo lingile muno nsi pamulandu wa muntu wenga, nga ni iifyo lyakwe ilyaleta imfwa. Caleka, imfwa nayo yasalangine mu antu yonsi pano antu yonsi iifizye.

Yoane 3:6

Cino cavyalwa nu muntu umwili, lelo cino cavyalwa na Mupasi Wamuzilo, umupasi.

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Masamu 51:5

Kwene nemo navyalilwe umu luyembu. Lino mayo wanyomelile indilwa yane, nali umwipe.

Yobo 25:4

Uzye kwaya umuntu akacita vyaololoke pa manso yakwe Leza? Uzye umuntu uwavyalwa ku mwanaci angaya uli uwaula imifitalila?

Yobo 14:4

Aweni fwandi wino ungazana umuswepe apa antu akowele? Kusi nanti wenga!

Luka 3:36

mwana wakwe Kainani, mwana wakwe Afakasidi, mwana wakwe Syemu, mwana wakwe Nowa, mwana wakwe Lameki,

1 Kolinto 15:49

Wakwe vino twakolana na Adamu, wino uwaumvilwe kufuma kwi vu, vivyo kwene tulakolana na Klistu, wino uwafumile kwiyulu.

Utandiko 5:2

Wene wayaumvile umonsi nu mwanaci nga ayapolelela. Lyene ayatemela izina ati, “Antu.”

Utandiko 5:4

Pacisila cakuvyalwa kwakwe Seti, Adamu aikala imyaka nayuze 800. Wakweti ana nayauze aonsi na anaci,