Utandiko 26:4 - Amazwi Yakwe Leza 2013

⁴ Ndalenga ana yako kuvula wa ntanda zya mwiyulu, nupya ndayapeela impanga ii yonsi. Mitundu yonsi ili nu kunguzya kuti njipolelele wakwe vino natimpolelela ana yako.

Utandiko 26:4 Referans Kwoze

Milimo 3:25

Malayo yakwe Leza ukupitila muli yakasema yakwe yene akwe mwemwe, nga namwe mwemwe mpyanyi zya upangano uno Leza wapangine ni vikolwe vinu. Wakwe vino wanenyile Abulaamu ati, ‘Mu mupanda wako amuno inko zyonsi zilapolelelwa.’

Galatiya 3:8

Malembelo yasowile ukuti Leza alacita Akulukuwa kuya aololoke pa manso yakwe umwisikulu kupitila mu utailo wao. Acino Leza wanenyile Abulaamu Ilandwe Lisuma lyakuti antu amu nko zyonsi yalapolelelwa pamulandu na aliwe.

Utandiko 15:5

Alino Yawe amufumya panzi, nga amunena ati, “Lingamila umwiyulu nga upende intanda, ndi ungazipenda. Vii avino ana yako yalavula wa ntanda.”

Kufuma 32:13

Iusya aomvi yako Abulaamu, Isaki na Yakobo nupya iusya na vino wayalavile nu kulapa pi zina lyako lino wayanenyile ukuti ulayapeela aizikulu avule cuze, avule wa ntanda zya mwiyulu, nu kuti ulapeela aizikulu yao impanga yonsi ino walavile. Mpanga kwene ii ilaya impanga yao amanda pe.”

Utandiko 13:16

Ndasandulula amu mupanda wako, cakuti umuntu nga angapenda lusenga lwa pansi, ale lyene angayapenda.

Galatiya 3:16

Vii avino cili ku malayo yano Leza wacisile kuli Abulaamu ni cizikulula cakwe, vino malembelo yakati malayo yatapilwe ku “Vizikulula ivingi,” lelo “Ku cizikulula,” kuli kuti wenga, na wiyo a Klistu.

Masamu 72:17

Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.

Ayebulai 11:2

Pa utailo wao apano Leza wavwangile antu yampiti visuma.

Utandiko 18:18

Amu mupanda wakwe yalaya uluko lukulu nupya ulwa maka, ni mitundu yonsi yamu nsi ilanguzya kuti njipolelele ndi vino namupolelela.

Utandiko 15:18

Pa wanda ulya Yawe acita upangano na Abulamu, avwanga ati, “Nakulaya ukuti namapeela impanga ii yonsi ku amu mupanda wako, ukufuma ku Luzi lwa Eguputo kufika nu ku luzi lukulu lwa Yufulate,

Utandiko 26:24

Uwanda uwa kwene usiku Yawe aloleka kunoli amunena ati, “Nene Leza wakwe so Abulaamu. Utuvwa intete indi nawe. Namakupolelela nu kukupeela ana avule, pamulandu wa ulayo uno nalavile muomvi wane Abulaamu.”

Utandiko 28:3

Si Mwene Leza Wamaka yonsi akupolelele akupeele nu uvyazi uce usanduluke uye imitundu ingi!

Utandiko 28:14

Ndalenga kuti ana yako yavule wa musensenga uwamu nkumba yakwe Yemba. Ana amu mupanda wako yalasalangana ukuya mu ntunga zyonsi izya nsi. Kupitila munuli nu mu amu mupanda wako indapolelela antu amu nko zyonsi.

Utandiko 35:12

Ndakupeela impanga ino napiile Abulaamu na Isaki. Ndaipela nu ku amu mupanda wako icisila cako.”

Utandiko 47:27

Aina Izlaeli yikala mu Eguputo ku muputule wa Gosyeni. Yaya akama nupya yavyala ana avule cuze.

Kufuma 6:4

Nupya nacisile upangano wane nayo, injalaya kuyapeela impanga ya Kenani, impanga ino yatazile yikala mwenemo wa inamasi.

Malango 9:5

Asi pamulandu wakuti mwemo mukacita ivyawololoke nanti kuya ni miyele isuma icingalenga kuti mwemo muyapoke impanga. Lelo pamulandu wa ukakasi wa antu amu nko zii, Yawe Leza winu alayazinga mu mpanga ilya pa manso inu, kuti afikilizye cino walavile ku vikolwe vinu, Abulaamu, na Isaki na Yakobo.

Malango 13:17

Apa vintu vino vyativiundwa cisi cakwezya ukusunga nanti cimwi, pali pakuti namwe kwene Yawe atakaye nu ukali panomuli nupya ace amwelele. Wene alaya na mizu kunomuli nu kuleka kuti musanduluke, wakwe vino walavile ivikolwe vinu,

1 Milandu 27:23

Davidi atapendenkinye antu atakweti imyaka ukuluta pa myaka amakumi yaili yakuvyalwa, pamulandu wakuti walanga Yawe walaya ukusandulula aina Izlaeli wa ntanda zya mwiyulu.