Utandiko 24:1 - Amazwi Yakwe Leza 2013

¹ Lyene Abulaamu aya umukote cuze nga Yawe wamupolelile muli vyonsi vino wacitanga.

Utandiko 24:1 Referans Kwoze

Galatiya 3:9

Abulaamu wataile nga Leza amupolelela. Caleka yonsi ataila pamwi na Abulaamu Leza alayapolelela.

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Mapinda 10:22

Upolelelo wakwe Yawe uli uno ukalenga umuntu aye umukama, ni milimo yakwe ikome isiungilizyapo nanti conga.

Utandiko 13:2

Abulamu ala umukama cuze, wakweti imfwele, imbuzi, ni ng'ombe alino na siluva na zaabu.

Utandiko 18:11

Abulaamu na Sala yali akote cuze, na Sala ala wasazya mwata wakwe yamangu.

Efeso 1:3

Lekini tutaizye Leza nupya Isi wa Mwene witu Yesu Klistu! Pano muli Klistu amuno wene watupolelela pa kutupela upolelelo onsi uwa mupasi kufuma mwiyulu.

Utandiko 12:2

Ndakupeela ana avule, nga amu mupanda wako yalavula yaye umutundu ukalamba cuze. Indi nu kukupolelela muli vyonsi nu kulenga kuti ulumbuke, na kuti nce mpolelele antu yauze mu musango uli onga.

1 Timoti 4:8

Ukuyelezya mwili kukaazwilizya panono, lelo kuyelezya kucindika Leza kukaleta umuzano muli vyonsi. Pano kukatwazwa mu vya umi uu, na vino tungaya mu umi ukwiza.

Ezaya 51:2

Mwelenganye apa cikolwe cinu Abulaamu, na Sala kuno mwatuntuka. Lino naamile Abulamu, wene atakweti umwana, lelo namupuusile ulutembo nu kumupeela ikwata. Lyene nasandulula ni vizikulula vyakwe.

Luka 1:7

Lelo yatakweti umwana, pano Elizabeti wali ng'umba, nupya yonsi oili yali akoloci.

1 Yamwene 1:1

Umwene Davidi pa nsita ilya wali umukote cuze. Nanti angala aomvi yakwe yamuvimbanga yaulangeti, nalyo kwene atuvwanga icikaililwa.

Utandiko 49:25

A Leza wakwe so akakwazwa, Leza Wamaka yonsi akakupolelela akalenga kuti imvula iyatonya mu vyalo vyako akalenga kuti tufukoka tuye na manzi. Akalenga kuti uye ni ng'ombe na ana avule.

Utandiko 25:20

Isaki wali ni myaka amakumi yani lino watwite Labeka, umwana umwanaci wakwe Betuele, umwina Alamu mu mpanga ya Mesopotamya. Kalume wakwe Labeka a Labani, nga nawe kwene wali umwina Alamu.

Utandiko 24:35

Yawe wapolelela umusambazi wane cuze, nga wene wataya umukama. Wamupeela imfwele ni ng'ombe, siluva na zaabu, aomvi aonsi na anaci, nga na yapunda ni ngamila kwene.

Utandiko 21:5

Abulaamu wali ni myaka umwanda onga lino Isaki wavilwe.

Utandiko 26:12

Isaki walimile ivyakulya mu mpanga ilya, nga mu mwaka ulya wazombwile maila umwanda ukuluta vino wakomile, pano Leza wamupolelile.