Utandiko 2:1 - Amazwi Yakwe Leza 2013

¹ Avino insi ni yulu na vyonsi vyasililikile ukuumbwa.

Utandiko 2:1 Referans Kwoze

Masamu 33:6

Yawe wapanzile amayulu ukwizwi lyakwe. Ilanzi, umwezi ni ntanda, navyo vyapangwa uku mupu wamu kanwa kakwe.

Kufuma 31:17

Cikwene cii, icimanyililo ca manda pe pakasi kane na ina Izlaeli, pano ne Yawe naumvile iyulu ni nsi mu manda mutanda, alino impuuza pa wanda uwalenga cinimbali.”

Kufuma 20:11

“Pano Nene, ne Yawe, naumvile insi, iyulu, na yemba, nga na vyonsi vyayamo mu manda mutanda. Lelo pa wanda uwalenga cinimbali, impuuza. Acino ne Yawe napaatwile nu kupolelela uwanda wi Sabata ukuya uwamuzilo.

Utandiko 1:1

Pa kutandika Leza waumvile iyulu ni nsi.

Ezaya 45:18

Pano avino Yawe wavwanga, wiyo uwaumvile amayulu, wene ali Leza uwetetwile nu kupanga insi ya pano pansi. Wene uwaipanzile nupya ataiumbile apakuti mutaya kantu nanti kamwi, lelo kuti iye incende umwakwikala antu. Wene wavwanga wati, “Nene indi Yawe, kutaya namuze awe.

Ezaya 42:5

Yawe, Leza, wiyo uwaumvile amayulu nu kuyavungulula, wiyo uwakonzolwile insi na vyonsi ivyafuma mwenemo, nu kupeela umi kuli yonsi akapita mwenemo. Wene wavwanga wati,

2 Yamwene 19:15

Lyene Hezekiya apepa kuli Yawe ati, “Iye, we Yawe, Leza waku Izlaeli, wemuno watekwa apapela yakwe yakelubi apa cilimba cako ica wene. Awewe sile wenga, wewe uli Leza nupya awewe sile wateeka insi yonsi nu wene onsi uwa pano nsi. Awewe waumba iyulu ni nsi.

Ezaya 45:12

Nene napanzile insi ya pano pansi nu kuumba umuntu kuti aikale mwenemo. Nakonzolwile amayulu uku maka yane, nupya nene nkaleka kuti ilanzi lyawala, kumwi nu mwezi nga ni ntanda kwene.

Masamu 146:6

wiyo uwaumvile iyulu ni nsi, na yemba, nga na vyonsi ivyaya mwenemo. Wene akafikilizya amalayo yakwe pe.

Zakaliya 12:1

Ii imbila ya mazwi yakwe Yawe akumile Izlaeli. Yawe, wiyo uwanzika amayulu, uwaumba insi, aliwe akapeela umi ku muntu. Wene wavwanga wati,

Masamu 33:9

Lino wavwanzile sile insi ipangwa. Ukwi zwi lyakwe sile ivintu vyonsi iviyako.

Neemiya 9:6

Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

2 Milandu 2:12

Nga Hilamu alundapo ukuvwanga ati, “Alumbanyiwe Yawe, Leza wa ina Izlaeli, kaumba uwiyulu ni nsi! Wapeela umwene Davidi umwanakwe uwa mano wiyo uwakwata amalango yakwiluka. Nupya fundi akweti amapange a kukuulila Yawe Ng'anda ikulu ni sano lyakwe umweneco.

Ayebulai 4:3

Lyene swe muno twataila tukaingila mu kupuza kuno Leza walavile. Cili wakwe vino wene wavwanzile ati, “Caleka nali musoke nu kulapa inti, ‘Yene yatalatala ingile mu mpanga ilya mu kupuza kuno nange njape!’” Wene wavwanzile vii nanti angala wamazile milimo yakwe ya kuumba insi.

Milimo 4:24

Lino alondezi yacuvwa, yonsi yasanzika izwi, yapepa kuli Leza yati, “Mwene we muno waumvile iyulu, insi, na yemba na vyonsi ivyayamo,

Yelemiya 10:16

Leza wakwe Yakobo atakoline nato. Wene uwaumvile ivintu vyonsi. Nupya aliwe kwene wasolola aina Izlaeli kuti yaye antu yakwe kololo. Izina lyakwe a Yawe Wamaka yonsi.

Yelemiya 10:12

Yawe aliwe wapanzile insi ku maka yakwe, ku mano yakwe waumvile impanga, nu kwanza iyulu ku kucenjela kwakwe.

Ezaya 65:17

Nupya Yawe avwanga ati, “Mwalola, nemo namaumba iyulu lipya ni nsi ipya. Ivyampiti vyonsi vilililika, yatalaviusya nupya.

Ezaya 48:13

Amakasa yane ayano yatungilila insi, nu kwandatila iyulu. Ndi navyama, navyo vikaasuka.

Malango 4:19

Mutakezye ukutunkwa ukupepa nu kutumikila vino mukalola umwiyulu, ivili wi lanzi, umwezi, ni ntanda. Yawe Leza winu wapeela vii ku antu yauze yonsi kuti yavipepa.

Utandiko 2:4

Vii avino iyulu ni nsi vyaumvilwe. Lino Yawe Leza waumvile insi ni yulu na vyonsi vyayamo,

Utandiko 1:10

Alino Leza atemela musili ati, “Insi,” nga na manzi ali pa cifulo conga ati, “Yemba.” Lyene Leza alola ukuti camuzanzya.

Malango 17:3

pakupepa nu kutumikila tuleza tuze nanti ilanzi nanti umwezi nanti intanda, vivyo ivitaine na malamulo yakwe Yawe.

Yelemiya 8:2

Mu cifulo cakuti yakonganikwe nu kuzikwa, amafupa yao yalaya wakwe citindi uwatatulumana pa musili. Yene yalaanikwa ku kasanya, ku mwezi nu ku ntanda, uku vintu kwene vivyo vino yatemilwe ukutumikila, vino yakalondela nu kuuzya kuno vili nga nu kuvipepa. Kutalaya uwakuyakolonganika nu kuyaziika. Yalikala pa musili wa muvundo.

Ezaya 55:9

Ndi vino iyulu lyatumpuka sana ukuluta insi, ali vino ni nzila zyane zyaluta inzila zinu apakalamba. Ni myelenganyizizye yane nayo yaluta imyelenganyizizye inu.

Yobo 12:9

Uzye lyene mu vintu vivyo vyonsi, icani cino nemo ntamanyile ukuti Yawe aliwe uwaciumba?

Milimo 7:42

Lelo Leza nawe afwitoka ayafutatila, aleka kuti yatumikila intanda zya mwiyulu, wakwe vino icalembwa mu lupapulo lwakwe yakasema cikati, ‘Mwe ina Izlaeli! Asi kuli nene kuno mwaletanga impolelwa zya nyama zino mwakomanga mu lwanga, pa myaka makumi yani.

Luka 2:13

Lilyo kwene kuloleka mungeli ni iumba lyuze likulu lya angeli ya mwiyulu, yalumbanya Leza yati,

Ezaya 34:4

Ilanzi, umwezi ni ntanda vyonsi kwene vilasunguluka. Iyulu lilavungana nu kongoloka wi pepala lino umuntu akupomba. Intanda zilapona wa mafwa yano yakulukuta uku mutingi nanti umusamvu.

Masamu 104:2

Wemo waya mu luswepo. Watangalalika ni yulu wi taalu,