Utandiko 19:2 - Amazwi Yakwe Leza 2013

² alino avwanga ati, “Yasambazi napapata izini ku ng'anda ya muomvi winu. Mukafulale ingazo nu kulala. Katondo ulaca mwapita kuno mukuya.” Nayo yaasuka yati, “Awe twayalala mu musolo wa musumba.”

Utandiko 19:2 Referans Kwoze

Utandiko 18:4

Lekini yalete utumanzi mufulale ingazo, nga mutale mupuze mu cisao ca muti uu.

Ayebulai 13:2

Mwaiusya kuzengela aenyi mu mang'anda inu. Kwali antu yamwi yano acisile vikwene nu kuzengela angeli kwaula kumanya.

Milimo 16:15

Wene pamwi na amu ng'anda yakwe yawatiziwa, nga atwama ati, “Izini mwikale mu ng'anda yane ndi mwati mulola ukuti icumi nataila mu Mwene.” Alino atupapatila kuti twingile.

Luka 7:44

Lyene aseleukila ku mwanaci nga anena Simoni ati, “Uzye walola umwanaci wii? Kufuma lino ningile mu ng'anda yako utampile manzi akufulala ku ngazo. Lelo wene wafula ingazo zyane na minsozi yakwe nu kuzikumbula ni nyele zyakwe.

Yoane 13:5

Lyene aitila manzi mu lweso lwa kufulalilamo nga atandika kufula ingazo zya alondezi, nu kuzikumbula ni cikutulo cino wanyefile mu musana.

Utandiko 19:1

Lino Angeli yaya yaili yafisile ku Sodoma manguzi, Loti watenzi pa mpongolo ya musumba. Zuwazuwa lino wayalola, akatuka aya ku kuyakomenkanya nga afukama pansi afupime,

Utandiko 19:3

Lelo Loti atwalilila ukupapata, nga yazumila yapita nawe ku ng'anda. Alino Loti apanga imikate iyaulamo icitutumusi, ayateyanyizizya cakulya cisuma, nga yalya.

Utandiko 24:31

Nga avwanga ati, “Izangini twapita. Wewe uli muntu wino Yawe watapolelela. Uzye pacani cino wimilila kunzi kuno? Nemo ninkuteyanyizizya muputule, nupya kuli ni ncende ya ngamila zyako.”

Utandiko 43:24

Alino kangalila aingizya aina yakwe Yosefu mu ng'anda. Apela amanzi kunoyali pakuti yangafulala ingazo zyao, nga apeela na yapunda ivyakulya.

Lwimbo lwakwe Solomoni 5:3

Nemo ninzula ivizwalo, uzye nzwale nupya? Nimfulala ingazo zyane, pacani cino ningazifisya nupya?

2 Samueli 11:8

Lyene Davidi anena Uliya ati, “Pitanga utentemukile ukwako nga ufulale ingazo.” Acino Uliya afuma mwi sano, nga iyamulondezya uwila ukufuma ku mwene.

Yobo 31:32

Kutatala kwaloleka umwenyi uwiza apane, uwakuti alale apanzi. Yonsi nkayapokelela usaka utupu. Icisasa cane cayulikila calimwi.’

Mapinda 25:17

Utaingila lili lili umu ng'anda ya muzo, pano limwi cingafuula, akutendwe, akupate.