Utandiko 13:8 - Amazwi Yakwe Leza 2013

⁸ Lyene Abulamu anena Loti ati, “Sweswe ali yamwi, antu yako na antu yane yatalinzile kulemanila.

Utandiko 13:8 Referans Kwoze

Milimo 7:26

Uwanda walondelela alola a Izlaeli yaili yakulwa, aezya kuyataasya avwanga ati, ‘Mwe antu mwe, uvwini. Mwemwe ina! Uzye lyene pacani mukulwisyanya?’

Masamu 133:1

Lolini vino cazipa navino cazanzya antu yakwe Leza, ukwikala pamwi wa cina nyina!

2 Petulo 1:7

Ku kuipelesya ku umi wa kupepa Leza ungilizyini kutemwana kwa wina. Alino ku kutemwana kwa wina ungilizyini kutemwa antu onsi.

1 Petulo 4:8

Kuluta pali vyonsi, mutemwane nu mwenzo onsi, pano kutemwa kukalenga kwelelana maifyo aingi.

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.

Loma 12:10

Mwatemwana cuze ndi vino aina Klistu yalinzile kutemwana, nupya mwacindikana.

Mapinda 20:3

Ukuleuka ivikanza kukacindamika umuntu. Lelo umuntu wiyo wino atakwata amano, asyaisunga.

Mapinda 15:1

Ukwasuka luse luse kukamala icipyu, lelo akasa kakakatusya ukali.

Utandiko 45:24

Lyene anena aina yakwe kuti yapita, nga lino yatiyakatuka avwanga kunoyali ati, “Mutalemanila mu nzila.”

1 Yoane 4:7

Mwe yacuza akundwe, lekini twatemwana pano ukutemwa kukafuma kuli Leza. Wino wensi akatemwa auze wene umwana wakwe Leza nupya wene wamanya Leza.

1 Petulo 2:17

Mwacindika antu onsi. Temwini aina Klistu ataila wakwe mwemwe. Oopini Leza nu kucindika Kateeka mukalamba.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

Ayebulai 13:1

Mwatwalilila kutemwana wa ina Klistu.

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

1 Tesalonika 4:9

Citakulondekwa kumulembela pakutemwa kuno mwe muno mwataila mulinzile kutemwana. Mweisikulu Leza wamusambilizya vino mulinzile kutemwana.

Filipi 2:14

Mwacita vyonsi kwaula kuilizyanya nanti vikanza,

Mateo 5:9

Alongo antu akaelezyanya. Pano yalaamwa ana yakwe Leza.

Mapinda 15:18

Umuntu uwa cipyu akakatusya ulwete, na asisoka zuwa akamyalalika ivikanza.

Kufuma 2:13

Uwanda walondelela Mose aswilila ku cifulo icili conga kwene, nga alola aonsi yaili Ayebulai yakulemanila. Alino Mose auzya wino uwasonsile muze ati, “Uzye pacani cino ukuma Muyebulai muzo?”

Utandiko 13:9

Lola! Mpanga ikulu, leka tupalukane. Nakupapata solola cifulo consi cino ukulonda. Ndi waya kwilunji namaya kwimani, ndi waya kwimani namaya kwilunji.”

Utandiko 46:34

mukamunene cumi ukuti ukufuma ku kuvyalwa kwinu mwemwe atesi ya viteekwa wakwe vino ivikolwe vinu vyali. Ndi mwaca mwamunena vii, lyene alamuzumilizya kuti mwikale mu muputule wa Gosyeni.” Yosefu wavwanzile vii pamulandu wakuti wamanyile ukuti aina Eguputo yakalola yakacema wa cintu cawinyi.

Utandiko 14:14

Lino Abulamu uvwa ukuti yatiyasenda Loti umwana wa mwina ku uzya, akonganika akazi ni vita vyakwe, vyonsi pamwi 318 yalondela yamwene yalya mpaka kufika ku Dani.

Yakapingula 9:26

Alino Gaali, umwana wakwe Ebedi aiza ku Syekemu pamwi na aina yakwe aonsi, nga na ikazi yakweneko iyamutaila.