Utandiko 1:5 - Amazwi Yakwe Leza 2013

⁵ Alino Leza atemela uluswepo ati, “Umusanya” nga imfinzi nayo ati, “Usiku.” Nga kuya manguzi na katondo, uu wali uwanda wakutandika.

Utandiko 1:5 Referans Kwoze

Masamu 74:16

Awewe walenga kuti kwaya umusanya nu usiku, wewe wika ilanzi nu mwezi mu ncende zino vyayela mwenemo.

Ezaya 45:7

“Anene napanga uluswepo ni mfinzi, nkaleta ulongo nga nu uzanzo. Ne Yawe nkacita vii vyonsi.

1 Tesalonika 5:5

Mwensi kwene mwemwe antu amu luswepo nupya mukapita musanya. Swemo tusi antu yano yakapita mu usiku nanti mu mfinzi.

Masamu 104:20

Imfinzi awewe ukaileta nga kuya usiku, ni nyama zya mpanga nazyo izitandika ukukatuka.

Utandiko 8:22

“Ndi vino insi ilaya pe, avino kumayanga insita ya kukomela ni ya kuzombola, kuzuka nu kukaya, cisanya ni cisiku, kasanya nu usiku. Vii, vitalasila.”

Masamu 19:2

Cila kasanya kakalandila kasanya kauze icintu cii. Cila usiku nao ukaswilizya ukulandila usiku uze icintu cii.

Yelemiya 33:20

“Ndi wakwe vikwene vino nemo ningonona upangano wane akasanya nu usiku, apakuti akasanya nu usiku vite ukuombela apa kasita kaviko,

Efeso 5:13

Lelo luswepo lulasokolola vintu vii ndi vino vili.

1 Kolinto 3:13

Lelo umpomvu wa mulimo wakwe cila muntu ulaloleka lino Wanda wakwe Klistu ulausokolola. Pano pa Wanda ulya umoto uno Leza alatuma ulezya mulimo uo nu kulanga umpomvu wakweo vino uli.

Utandiko 1:8

Nga Leza atemela ulwelele ati, “Iyulu.” Nga kuya manguzi na katondo, uu wali uwanda wakwe ciili.

Utandiko 1:31

Lyene Leza alola vyonsi vino waumvile ukuti ivisuma wakwe cimwi. Nga kuya manguzi na katondo, uu wali uwanda uwalenga mutanda.

Utandiko 1:23

Nga kuya manguzi na katondo, uu wali uwanda uwalenga yasano.

Utandiko 1:19

Nga kuya manguzi na katondo, uu wali uwanda wakwe cini.

Utandiko 1:13

Nga kuya manguzi na katondo, uu wali uwanda uwalenga yatatu.

Mpendwa 20:29

Lino iuvi lyonsi lyalola ukuti icacumi Aaloni watafwa, aina Izlaeli yonsi iyamulosya pa manda amakumi yatatu.

Masamu 65:8

Antu ya pano nsi yaya ni ntete, pamulandu wa vintu ivikulu vino ukacita. Vino wacita kwene ivyalenga nu kuti antu yaumila utupundu, ukutandika akatondo mpaka amanguzi.