Utandiko 1:21 - Amazwi Yakwe Leza 2013

²¹ Avino Leza waumvile viumbwa vikulu vyamuli yemba, ni misango yonsi ya viumbwa vya umi vyamu manzi, nga ni misango yonsi ya vyunyi. Lyene Leza alola ukuti camuzanzya.

Utandiko 1:21 Referans Kwoze

Utandiko 1:25

Acino Leza aumba inyama zya mpanga cila nyama nu musango wakweyo, iviteekwa nu musango wakwevyo, nga ni viumbwa vyonsi ivikasela nu musango wakwevyo. Lyene Leza alola ukuti camuzanzya.

Utandiko 8:19

Inyama zyonsi ni vyunyi vyonsi vifuma mu cange mu maumba maumba cila musango wakwevyo.

Utandiko 8:17

Fumya na vyonsi vya umi ivili mu cange nawe, ivyunyi vyonsi, inyama zyonsi pakuti vivyalane vivule vilimbe insi yonsi.”

Kufuma 8:3

Luzi lwa Nailo lumazula cuze na yacula cakuti yalafuma mu luzi nu kuya mwi isano lyako, mu muputule uno ukalala mwenemo, pa musanzi wako, mu mang'anda yakwe yacilolo yako, nu mu mang'anda ya antu yako, nga nu mu citofu cakupangila umukate nu mu viya vyakukandila umunya.

Kufuma 1:7

Lelo vizikulula vyao, aina Izlaeli, yavyala ana avule cuze. Impendwa yao ikula cuze yaya na maka, cakuti yalimba impanga yonsi ya Eguputo.

Utandiko 9:7

Caleka mulinzile kuvyalana muvule mukumane insi yonsi.”

Utandiko 7:14

Yene ingile pamwi ni misango yonsi ya nyama zya mpanga ni viteekwa, zinono ni zikulu, ni misango yonsi ya vyunyi.

Utandiko 6:20

Utoole viili viili vyamu misango yonsi ya vyunyi, pamwi ni misango yonsi ya nyama, zikulu ni zinono ni vikasela, uvingizye mu cange kuti uvisunge vipuma.

Yobo 26:5

“Ala mwine imiyeye ino ikazanwa uku mpanga ya afwe ikakankamala sile. Amanzi nayo kwene yakazakaza kumwi ni vya muluzi kwene.

Yobo 7:12

We Leza, uzye pacani cino wampeelela uwakuti ansopa nu kumbakilila? Uzye nene yemba nanti cilyanyi ca muli Yemba?

Utandiko 1:31

Lyene Leza alola vyonsi vino waumvile ukuti ivisuma wakwe cimwi. Nga kuya manguzi na katondo, uu wali uwanda uwalenga mutanda.

Utandiko 1:18

nu kuti vyawala, conga musanya ni cuze usiku, nga nu kupaatukanya uluswepo ni mfinzi. Lyene Leza alola ukuti camuzanzya.

Mateo 12:40

Pano wakwe vino Yona waizi munda ya ciswi amanda yatatu musanya nu usiku, avino nu Mwana wa Muntu alalala mu musili amanda yatatu musanya nu usiku.

Yona 1:17

Lelo Yawe aleta iciluswi icikulu kuti cimile Yona, nga lino camumila, Yona watenzi munda ya ciswi amanda yatatu, musanya nu usiku.

Ezekelo 32:2

“We mwana wa muntu, imbila Falao, umwene waku Eguputo, ulwimbo lwa ndosya. Umunene ilandwe lii uti, Wemo ukoline na cisama apakasi ka nko. Ukoline na mung'amba muli yemba wino akuitamola apa manzi

Yona 2:10

Alino Yawe apeela ilamulo ku ciluswi cici kuti ciluke Yona apa cituntu pa musili ume, nga naco icicita vivyo kwene.

Utandiko 1:20

Nupya Leza avwanga ati, “Mu manzi kamuye viumbwa vya umi vya misango ni misango musenyantumba.” Nga ni vyunyi vyapapuka mu lwelele.

Utandiko 1:22

Nga Leza apolelela viumbwa nga avwanga ati, “Vyalanini, musandane muzule maziya. Ni vyunyi navyo visandane panonsi.”

Utandiko 9:2

Inyama zyonsi ni vyunyi vyonsi ivikapapuka nga ni inswi zyonsi vilaamoopa. Vyonsi navika mu makasa inu.

Masamu 148:7

Lumbanyini Yawe mwemuno mwikala pano nsi, mwe vinyama vyamuli yemba, anono na akulu,

Utandiko 2:19

Acino Yawe Leza atoola ivu nu kupanga inyama zyonsi nga ni vyunyi vyonsi ivikapapuka ukufuma ku musili. Lyene avileta ku muntu kuti alole vino amavitemela mazina. Vii avino cila ciumbwa catemilwe izina lyaciko.

Yobo 12:7

“Ale kuuzye inyama ni vyunyi, vyaya kupanda amano.