Umbwilo 8:5 - Amazwi Yakwe Leza 2013

⁵ Alino mungeli atoola iciinga, azuzyamo umoto kufuma pa kavuwa, nga acisumbila pano nsi. Lyene kuya ciunda nu kupangalansya, kumyansya kwa nkuwa ni cilundumusi.

Umbwilo 8:5 Referans Kwoze

Umbwilo 11:19

Mulyango wa Ng'anda ikulu yakwe Leza mwiyulu wayuzilwe nga ni Mbokosi ya Upangano yalolike mukasi ka Ng'anda ikulu yakwe Leza. Kwali kumyansya kwa nkuwa nu kuvwa kupangalansya. Alino kuya ni cilundumusi nga ni citalawe cikulu.

Umbwilo 4:5

Kufuma mu cilimba ca wene inkuwa yamyansyanga, ni ciunda cakupangalansya. Inkolelo ya cilimba ca wene pakanga inyali cinimbali. Zyene ili mipasi cinimbali yakwe Leza.

Milimo 16:26

Mu kupumikizya kwali cilundumusi cikulu, cino catensizye nu mufula wa ng'anda yaminyololo. Lilyo kwene imilyango yonsi iyulika, ni minyololo ipona ku anyepwe onsi.

Ezaya 29:6

Uliukila sile icilulumo camaka, ni cilundumusi, ni congo cikalamba, ivilafuma kuli Yawe Wamaka yonsi apakwiza ku kukupususya. Alatuma ni cimuza, na nkungulupya nga ni cimbilimbili ca moto ca koca ivintu coceoce.

Masamu 18:13

Yawe wapangalansya ukufuma umwiyulu. Izwi lyakwe Leza Wapapelapela ilyuvwika ukufuma mwenemo.

Aina Levi 16:12

Alinzile kutoola icifutikilo, azuzye makala ya moto ukufuma pa kavuwa. Alino atapule amakufi yaili ya ubani wa cinunkilo cisuma utonyoleke, alino aingile mu nsalu yakucingilila mu Ncende Yamuzilo kuluta.

Umbwilo 11:13

Pa nsita kwene ilya kwali cilundumusi cikome cuze, nga ciputulwa conga mu viputulwa ikumi vya musumba ciwa conononeka, lyene na antu mazimbi cinimbali yafwile ku cilundumusi. Na antu yauze asile yuvwile intete cuze nu kulumbanya ukulu wakwe Leza wa mwiyulu.

Umbwilo 6:12

Nupya ndola Mwana wa mfwele akulematula cimanyililo calenga mutanda. Alino kuya cilundumusi ca maka cuze, nga ni lanzi lifita fititi wa nsalu yakwe kafifi. Nu mwezi uyenza cee wa wazi.

Milimo 4:31

Lino yamala kupepa, ng'anda ino yakonganilemo itenta. Onsi yazuziwa na Mupasi Wamuzilo, alino yatandika kukosola ilandwe lyakwe Leza nu kuposya.

Luka 12:49

“Niiza aasya umoto mu nsi. Endi, cange ciye ale umoto watandika mpiti ukwaka!

Mateo 24:7

Inko zilakatukilana, na mawene yalakatukilana. Kulaya vipowe ni vilundumusi mu ncende zimwizimwi.

Ezaya 66:6

Uvwini kuno! Mu musumba muvwika impokoma. Yafuma mu ng'anda yane. Anene ne Yawe inkukavya apa nsita ino nkulyotola anisi yane!

Ezaya 30:30

Yawe amaleka antu yonsi yuvwe izwi lyakwe lya lulumbi, amaleka yuvwe na pano icipyu cakwe capelela. Kumaya icimbilimbili ca moto, ukupangalansya, imvula ya mawe nga nu kumyansya kwa mvula ya mawe.

1 Yamwene 19:11

Yawe nawe amwaasuka ati, “Ndanga wimilile papela ya mwamba, pa manso yane.” Lyene Yawe aiza apita penepo, alino cipunga cikulu sana cikatuka nga icilepula umwamba pakasi icivungola na mawe, lelo Yawe atali mwenemo mu cipunga cico. Lino cipunga cata, kwiza icilundumusi. Lelo Yawe atali mwenemo mu cilundumusi cico.

Zakaliya 14:5

Pakuutuka mwemo mulafyonsya mu ciposi kwene cico ukufika ku lusansa longa mpaka ukulambila ku lusansa luze lwa mwamba ulya. Mulutuka ndi vino ivikolwe vinu vyutwike lino pizile cilundumusi, pa nsita ino umwene Uziya wateekanga mpanga yaku Yuda. Yawe witu aliza aloleke pamwi na angeli yakwe yonsi.

Yelemiya 51:11

Nyolini inceto, muzwalile visyangu. Yawe watakatusya umwenzo wa mwene wa ina Medi, pano watapanga ukonona Babiloni. Ali cilanduzi cakwe Yawe, icilanduzi capa Ng'anda yakwe ikulu.

Kufuma 19:16

Katondo pa wanda uwalenga yatatu kwali kupangalansya nu kumyansya, nga ni kumbi linyome pa mwamba. Kulila kukulu cuze kwa ntandala kuvwika. Antu yonsi pa nsakwe yazakaza ku ntete.

Umbwilo 8:3

Lyene mungeli namuze, aiiza aimilila nkolelo ya kavuwa, ala alemile iciinga cakwe zaabu. Alino yamupeela ubani wingi kuti aupeele pamwi na mapepo ya antu yakwe Leza yonsi aoce pa kavuwa kakwe zaabu kano kali nkolelo ya cilimba ca wene.