Umbwilo 7:7 - Amazwi Yakwe Leza 2013

⁷ mazimbi ikumi na yaili amu mutundu wakwe Simeoni, mazimbi ikumi na yaili amu mutundu wakwe Levi, mazimbi ikumi na yaili amu mutundu wakwe Isakali,

Umbwilo 7:7 Referans Kwoze

Utandiko 35:23

Ana yakwe Leya aonsi yali a Lubeni (iyeli lyakwe Yakobo), Simeoni, Levi, Yuda, Isakali na Zebuluni.

Mpendwa 26:14

Zizyo zili nko zya ina Simeoni. Yapenzilwe aonsi yatupu ukulingana 22,200.

Yakapingula 1:3

Alino antu yakwe iyanena aina amu mutundu wakwe Simeoni yati, “Twendini tupitile pamwi tukalwisye amu mpanga ino yatupezile, aina Kenani. Lyene naswe tulamwazwa ukulwisya amu mpanga ino mwapelwa.” Caleka amu mutundu wakwe Simeoni yapita nayo.

Mpendwa 25:14

Izina lya mwina Izlaeli wiya wino yakomile pamwi nu mwanaci umwina Midyani, a Zimuli umwana wakwe Salu, uwali intunguluzi ya vikolwe vyamu ng'anda yakwe Simeoni.

Mpendwa 1:22

Ukufuma mu amu mupanda wakwe Simeoni, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyatantikwa.

Kufuma 6:16

Levi wakweti ana aonsi yatatu. Pali, Gelisyoni, Koati, na Melali. Yakwene ali vikolwe vya mitundu ino ikaamwa na mazina yao. Levi watenzi imyaka umwanda onga na makumi yatatu na cinimbali.

Utandiko 49:5

“Simeoni na Levi aina. Ni vyanzo vyao impanga zino yakaomvya mu kucita impanzela.

Utandiko 30:18

Leya avwanga ati, “Leza watampela cilambu pa kupeela muzya ku wane.” Caleka atemela umwana izina ati a Isakali.

Utandiko 29:34

Nupya kwene asenda indilwa, nga lino wavyala umwana umonsi avwanga ati, “Ndakai uwane amantemwa cuze, pamulandu wakuti natimuvyalila ana aonsi yatatu.” Acino atemela umwana izina ati a Levi.

Yoswa 19:17

Yakwe cini ukupelwa impanga amu mutundu wakwe Isakali, uluko nu luko.

Yoswa 19:1

Yakwe ciili ukupelwa impanga yali amu mutundu wakwe Simeoni, uluko nu luko. Impanga ino yapilwe yali mukasi ka mpanga ya mutundu wakwe Yuda.

Utandiko 49:11

Akanyepelela mwana punda mu calo ca matingi. Mu matingi asuma cuze. Pano waini wavula ngati amanzi kunoli, Yuda angafula vyakuzwala vyakwe mwenemo.

Umbwilo 7:6

mazimbi ikumi na yaili amu mutundu wakwe Asha, mazimbi ikumi na yaili amu mutundu wakwe Nafutali, mazimbi ikumi na yaili amu mutundu wakwe Manase,

Umbwilo 7:8

mazimbi ikumi na yaili amu mutundu wakwe Zebuluni, mazimbi ikumi na yaili amu mutundu wakwe Yosefu, nga na mazimbi ikumi na yaili amu mutundu wakwe Benjamini.