Umbwilo 3:9 - Amazwi Yakwe Leza 2013

⁹ Uvwa! Kuli antu yamwi amwi umba lyakwe Ciwa, yene yakatumpoka pa kuilanda yati Ayuda lino yasi Ayuda. Ndalenga kuti ize yafukame pa ngazo zyako. Lyene yalamanya vino nakutemwa.

Umbwilo 3:9 Referans Kwoze

Umbwilo 2:9

Namanya intazi zyako. Namanya ukuti wewe mupina. Lelo mu cumi wewe mukama! Namanya vilandwa viipe vino yakutumpwila yao akailanda ukuti Ayuda nalino yasi Ayuda. Yene yali mwi umba lyakwe yao yakwe Ciwa.

Ezaya 60:14

Ana ya antu yano yakakucuzya, yaliza yakufukamila apa kukucindika. Yonsi sile yano yakusuuzile mpiti yaliza yafukankila kunuli. Yalakwama nu kuti we musumba wakwe Yawe nupya ala yakuti ‘Zioni umusumba wakwe Leza Wamuzilo wakwe Izlaeli.’

Ezaya 49:23

Yamwene yalaya ali yaso akukulela. Yanamwene nayo yalaya ali yanyoko akukulela. Yalakufukamila mpaka yasimpa nu tupuma twao pansi. Yalamyantila nu lukungu ku ngazo zinu. Alino lyene ulamanya ukuti nene indi Yawe. Yayo akapaalila munondi insonyi zitalayalema awe.”

Ezaya 45:14

Yawe wavwanga ku ina Izlaeli wati, “Cuma caku Eguputo ni vyauculuzi vyaku Kusyi, vilaya ivyakwinu. Antu aku Seba, amusinku utali, yalawela kunomuli yaye azya inu nu kumulondelela icisila ala yali mu minyololo. Yalamufukamila nu kuzumila yati, ‘Cumi kwene Leza ali namwe, nga kutaya namuze. Kutaya Leza namuze.

Ezaya 43:4

Pano kunondi wemo wacindama wakwe cimwi, ali cino ndakukauzya na antu. Pano wewe wamutengo ukulu pa manso yane, nupya nakutemwa ndakauzya umi wako ni mitundu ya antu.

Esita 8:17

Umu musumba nu muputule wa mpanga uli onsi, ukwalile ikufika kalata wa mwene uwa malamulo yakwe, kwali insansa uku Ayuda. Kwali ukuzevya, ukupanga amalila nu kucindikisya amanda yakulu, nu kuyacita akupuza nu kuzevya. Icalenzile na inamasi aingi yaisangule Ayuda apa kuzana ukuti yatandike ukuya ni ntete nu koopa Ayuda.

Kufuma 11:8

Pakusyalikizya Mose avwanga ati, “Yacilolo yako yonsi yaliza kunondi nu kumfukamila. Nga yalampapatila kuti nsende antu yane twapita. Alino pacisila cakwe cico ndapita.” Lyene Mose afuma kuli Falao ala umusoke cuze.

1 Samueli 2:36

Wiyo wensi alasyala uwamu mupanda wako aliza nu kumufukamila kuti amulenge ulupiya lwakwe siluva ni cakulya nga nu kumupapata ati, ‘Napapata undasike umulimo wa usimapepo pakuti ningakwata cimwi cakuti ningalya.’ ”

Yoane 17:23

Nemo nao tuye wenga, nga wewe nani tuye wenga, kuti yaye afumaluke muli uwenga. Na kuti antu amu nsi yamanye vino wewe wantumile nga nu kuti wayatemwa ndi vino nani wantemwa.