Umbwilo 3:19 - Amazwi Yakwe Leza 2013

¹⁹ Nkanenola nu kuvunuka yonsi yano natemwa. Lyene ikako mano nu kuzenzuka.

Umbwilo 3:19 Referans Kwoze

1 Kolinto 11:32

Lelo lino tukapingulwa tukasundwa nu Mwene kuti tusambilile tutakavunukwe pamwi na antu amu nsi.

Umbwilo 2:5

Elenganya pa kupona kuno wapona. Zenzuka nu kucita vino wacisile nkolelo. Ndi utazenzwike, ndiza kunuli nu kufumya cakutekapo nyali mu ncende yakweco.

Yobo 5:17

“Walongo umuntu wino Leza akakalipila. Acino we Yobo utasuula ukusunda kwakwe Leza Wamaka yonsi.

2 Kolinto 7:11

Mulole vino Leza wacita pa ulanda kwene uu, wamulenga kuya amukozya, nu kulenga musininkizye ukuti mwemwe yakaele, wamulenga kusoka, wamulenga kuvwa intete nu kulondesya kundola, wamulenga kuti muvunuke muntu pa kuluvyanya kwakwe. Vii vyonsi vikulanga paswe kuti mwemwe yakaele.

Yelemiya 31:18

“Inuvwa, Efulemu wino akulila ulanda ati, ‘Wankalipila, nakalipilwa wa kana ka ng'ombe kacintuvwa. Sungala umbwezye, uleke mbwele, pano awewe kwene uli Yawe Leza wane.

Yelemiya 10:24

Tukalipile sile swe antu yako we Yawe, lelo utacizya umu cipimo, nanti kutuvunuka lino wasoka.

Yelemiya 7:28

Caleka kayanene uti, ‘Luu luli luko luno lutayela Yawe Leza wao, luno lutazumile ukusundwa pa kuvunukwa kwakwelo. Cumi calowa, cisilandwa nanti ukulandwa.’”

Ezaya 26:16

We Yawe, wapezya antu yako, alino umu ulanda wao ali pakupapata kunuli.

Mapinda 22:15

Ivicitwa vya uwelewele vyazula tupu umu mwana. Ali cino fwandi umukota ungazinga uwelewele wakwe ukutali.

Mapinda 15:32

Wiyo akasuula amasunde, ala waisuula umweneco. Lelo umuntu akauvwa kuli yano yakumukalipila, akaloonka amalango.

Masamu 69:9

Pano umuzonda uno nakwata apa ng'anda yako umandya. Imisuula ino yakakusuula, yakailozya muli nene.

Masamu 39:11

Ukakalipila umuntu umukumusinkola apa uyi wakwe, alino nupya ukasyunola vyonsi vino wakwata wa kazizi. Acino fwandi, umuntu wensi pano wapeela waya sile wa cipunga camuza.

Malango 8:5

Mwaiusya ukuti Yawe Leza winu akasunda nu kuvunuka mwemwe wakwe vino akwasi yakasunda ana yao.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Loma 12:11

Mwaombesya pa kutumikila Mwene. Mutaya akasu Mwatumikila Mwene nu muzonda.

Yelemiya 30:11

Pano indi nawe apakukupususya. Ndalovya imitundu yonsi muno nakusalanganyizizye. Lelo wemo ntalakulovya foo, ndakukalipila sile kulingana ni nsambu pano limwi ungasyala vivyo kwene ukwaula ku kukalipila.”

Masamu 94:10

Vino ali kateeka wa mitundu yonsi, uzye atalayapezya? Ali kasambilizya wa antu yonsi, uzye atamanya?

Masamu 6:1

We Yawe, utaya ni cipyu apa kunkalipila, nanti ukumvunuka mu ukali wako!

2 Samueli 7:14

Nani ndaya isi, nawe alaya umwanane. Ndamunyamba wakwe vino isi wa muntu akakalipila umwana.

2 Kolinto 6:9

Swemo tutamanyikwa kuli yauze, lelo twamanyikwa ningo kuno muli. Yakati tuli nu kufwa, lelo tucili nu umi. Antu yatuvunuka, lelo yatatukoma.

Yoane 2:17

Alondezi yakwe iusya vino calembwa mu malembelo cati, “Kucincila kwane kwa pa ng'anda yako ukulandya.”

Mapinda 15:10

Umuntu wino wapumbuka umu nzila isuma alavunukwa wakwe cimwi. Wiyo uwapata ukulungikwa alafwa.

Galatiya 4:18

Lyonsi caya cisuma kusakamala cintu campomvu, nanti pa nsita ino nsi namwe.

Zefaniya 3:2

Wemo usiyela umuntu nanti wenga, nupya usizumila ukusundwa. Usitaila muli Yawe, nanti ukupalama kuli Leza.

Yelemiya 2:30

Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

Mateo 25:7

Lyene akazyana onsi, yazyuka, iitulwila amafuta mu nyali zyao, nga nu kukuzya luswepo lwaziko.