Umbwilo 21:9 - Amazwi Yakwe Leza 2013

⁹ Mungeli wenga uwamu angeli cinimbali yano yakweti ngeso cinimbali izyazilemo vilumbelo cinimbali vyakusyalikizya aiiza kunondi anena ati, “Iza kuno, nga nani namakulanga nawinga, muci wa Mwana wa Mfwele.”

Umbwilo 21:9 Referans Kwoze

Umbwilo 21:2

Lyene ndola Musumba Wamuzilo, Yelusalemu mupya, ukwika kufuma mwiyulu kuli Leza. Wene wateyanyiziwe kwati a nawinga wino wayemviwa pa kukomanya iya wakwe.

Umbwilo 19:7

Lekini tuzange nu kuya ni nsansa. Lekini tulumbanye ukulu wakwe! Pano insita yatifika iya winga wa Mwana wa mfwele, na nawinga wataiteyanya.

Umbwilo 17:1

Nupya mungeli wenga pa angeli cinimbali yano akweti ngeso cinimbali aiiza kunondi ati, “Iza kuno, nga nani namakulanga kuvunukwa kwakwe cizelele wino wamanyikwa cuze. Wene uli musumba uno uwakulwa pipi ni nguzi zingi.

Umbwilo 1:1

Mu lupapulo luu mwalembwa vicitwa vino Yesu Klistu waumbwile. Leza wamupile umbwilo pakuti alange aomvi yakwe vintu ivili nu kucitika zuwa. Klistu watumile mungeli wakwe ni landwe lya kuumbula kuli Yoane muomvi wakwe.

Umbwilo 21:17

Mungeli apima ni linga kwene, nga umulungu wali mamita makumi mutanda, kulingana ni cipimilo ica sontwa cino waomvizye.

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

Umbwilo 22:6

Alino mungeli anena ati, “Mazwi yaa acumi nupya yalinzile kutailwa. Nu Mwene Leza, wino akapeela Mupasi wakwe kuli yakasema, wene watumile mungeli wakwe kuti alange aomvi yakwe vintu vino vyasya vicitike zuwa.”

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.