Umbwilo 20:1 - Amazwi Yakwe Leza 2013

¹ Nupya ndola mungeli akwika kufuma mwiyulu, ala alemile mfungulo yaku ciwina caula impela nga nu munyololo ukulu cuze.

Umbwilo 20:1 Referans Kwoze

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

2 Petulo 2:4

Leza atapanyizye angeli yano aiifizye. Lelo wayanyepa nu kuyasumbila mu Gehena mu ciwina ca mfinzi, anyepwe yakalolela upinguzi.

Yuda 1:6

Iusyini angeli yano asile vifulo vyao vya ulasi, nu kuvifutatila. Yene yanyepwa mu minyololo ya manda pe, mu kanda nu mu ulanda kufika pa Wanda ukulu wa upinguzi uno yalavunukwamo.

Umbwilo 18:1

Pacisila lyene ndola mungeli namuze akwika kufuma mwiyulu. Wene akweti maka akulu cuze, nga nu kuyengesa kwakwe ukwa lulumbi kukozya mu nsi yonsi.

Umbwilo 10:1

Nupya ndola mungeli namuze uwa maka ala akwika kufuma mwiyulu. Wene wakufilwe mwi kumbi nu mulalamfuti wazingulwike mutwe wakwe. Cinso cakwe calolike wi lanzi, ni ngazo zyakwe zyalolike wa cimbilimbili ca moto.

Luka 8:31

Mipasi yankota ipapata Yesu kuti ataizingila ku ciwina caula impela.

Umbwilo 20:3

Lyene mungeli amusumbila mu ciwina caula impela, afungapo nu kumatilila, pakuti atasomba antu amu nko nupya, kufika lino myaka zimbi lyonga ilasila. Pacisila cakwe vii, wene alinzile kusapulwa pa nsita inono.