Umbwilo 19:11 - Amazwi Yakwe Leza 2013

¹¹ Nupya ndola iyulu lyalekuka, ni mfwalasi itiswe iloleka. Izina lyakwe wino uwakwezilepo yakati, “Uwakutailwa” nu “Wacumi.” Wene ataya na lufyengo mu upinguzi wakwe nanti mu ulwi uno akalwisya.

Umbwilo 19:11 Referans Kwoze

Masamu 96:13

apa manso yakwe Yawe, pano wene wataiza uku kupingwila insi yonsi. Wene alapingula insi yonsi umu ololoke, nga na antu amitundu yonsi mu cisinka.

Umbwilo 6:2

Lyene ndola imfwalasi itiswe. Wino uwakwezilepo walemile ulapwa, nupya yamupile ingala ya wene. Wene wapisile wakwe kacimvya kuti akacimvye.

Masamu 98:9

apa manso yakwe Yawe, pano wataiza uku kulolwesya insi. Alapingwila insi pano yapelela umu kulungika, nga ni mitundu yonsi nayo umu ulungi wakwe.

Umbwilo 3:14

“Lemba ku ntunguluzi yakwi uvi ku Lodesiya uti, “Lii ilandwe kufuma kuli wino akwamwa Ameni, kambone uwakutailwa nupya uwa cumi. Wene ali ntulo yakwe vyonsi vino Leza waumba.

Masamu 50:6

Amayulu yakalaizya ulungami wakwe Leza pano aliwe kwene, ali kapingula!

Yelemiya 33:15

Apa wanda kwene ulya na pa kasita kwene kaka, nemo ndaletelapo umwana uwa mpomvu umu mupanda wakwe Davidi, ali wino alalungamika ivintu vyonsi nu kucita ulungami impanga yonsi.

Ezaya 32:1

Uwanda umwi kuliza umwene muze, wino alateeka nu wololoke, ni vilolo vyakwe vilateeka nu ulungami.

Umbwilo 4:1

Pacisila cakwe vii nakweti cilolwa na cuze nga ndola mulyango uyulike mwiyulu. Alino izwi lyuvwika wa ntandala, liti “Iza kuno kupeela nani namakulanga vintu ivilacitika pacisila cakwe cii.”

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.

Ezaya 45:21

Ndanji kuno mwize mulondolole umwi tengo. Yano yamaikanila kayapandane amano tuvwe! Uzye apa mpiti aweni uwasowile ivintu vii, nu kuvilondolwelapo calimwi? Uzye asi nene kwene ne Yawe? Ala kutaya Leza namuze, Leza akacita vyaololoke nupya a Katuula. Kutaya namuze, suka nenga mpo.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Masamu 99:4

Mwene uwamaka, awewe watemwa ukulungika, waletela aina Izlaeli ulungi. Wayaletela iviziipe ni vyacumi.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Ezekelo 1:1

Mu mwaka walenga amakumi yatatu, pa wanda walenga yasano wa mwezi wakwe cini, lino nali na azya pa nkumba ya Luzi lwa Kebali, iyulu liyulika nga ndola Leza mu cilolwa.

Umbwilo 11:19

Mulyango wa Ng'anda ikulu yakwe Leza mwiyulu wayuzilwe nga ni Mbokosi ya Upangano yalolike mukasi ka Ng'anda ikulu yakwe Leza. Kwali kumyansya kwa nkuwa nu kuvwa kupangalansya. Alino kuya ni cilundumusi nga ni citalawe cikulu.

Zakaliya 1:8

Mu nsita ya usiku nakweti icilolwa nga ndola umuntu akwezile pa mfwalasi iyenzu. Umuntu wiyo aimilila mu miti iyali mu cifoloma. Uku nsizi yakwe kwali imfwalasi, zimwi ziyenzu, na zimwi wakwe mulamba.

Kufuma 15:3

Yawe akoline ni cita, izina lyakwe a Yawe.

Yoane 1:51

Nupya ayanena ati, “Cumi, namunena vino mulalola iyulu lyalekuka na angeli yakwe Leza yakukwela nu kwika pa Mwana wa Muntu.”

Umbwilo 19:19

Nupya ndola cilyanyi nga na yakateeka amu nsi. Yene pamwi ni vita vyao yakongana kuti yalwisye wino uwatakwela pa mfwalasi pamwi ni vita vyakwe.

Umbwilo 19:21

Vita vyao vyakomilwe nu lupanga luno lwafumile mu mulomo wakwe wino uwakwezile pa mfwalasi. Vyunyi vyonsi vyalile vyala vyao viikuta.