Umbwilo 14:1 - Amazwi Yakwe Leza 2013

¹ Nupya ndola Mwana wa mfwele aimi pa mwamba wa Zioni. Wene wali pamwi na antu mazimbi mwanda onga makumi yani na yani (144,000) yano pa mausyu yao palemvilwe izina lyakwe nga ni zina lyakwe Isi.

Umbwilo 14:1 Referans Kwoze

Yowelo 2:32

Lyene alino wensi wino alaama pi zina lyakwe Yawe alatuulwa. Pasi pano uku Mwamba wa Zioni nu ku Yelusalemu, na muli yayo yamwi asyala palazanwa yamwi yano Yawe alaama.”

Umbwilo 3:12

Wino alacimvya ndamucita lupanda mu ng'anda ikulu yakwe Leza wane, nga nawe atalatala afumemo. Panoli ndalemba izina lyakwe Leza wane nga ni zina lya musumba wakwe Leza. Musumba uwo a Yelusalemu mupya, uno ukwika kwiyulu kufuma kuli Leza wane. Nupya panoli ndalemba izina lyane ilipya.

Luka 12:8

“Cumi, namunena vino wino wensi walanda paswe ukuti uwakwane, Mwana wa Muntu nawe alacita cili conga panoli pa manso ya angeli yakwe Leza.

Mika 4:7

Ivilema vivyo ndaleka viye antu yane asyalapo, yayo azinzilwe kumwao yalaya uluko lwa maka. Nene ne Yawe ndaya umwene wao apa mwamba wa Zioni, ukutandikila sile apa nsita kwene iyo mpaka umuyayaya.”

Loma 9:33

Ndi vino malembelo yakati, “Lolini naika mu Zioni iwe lya kuipuma, ililalenga kuti antu yapumike nu kupona. Lelo wino wensi uwataila munoli atalacitwa insonyi.”

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Umbwilo 14:14

Nupya ndola ikumbi litiswe, nga pi kumbi patenzi umwi uwalolike wa Mwana wa muntu, ala azwite ingala yakwe zaabu nupya alemile cikwakwa cikali.

Umbwilo 15:5

Pacisila cakwe vii naweni Ng'anda ikulu yakwe Leza mwiyulu ala yati yulwa, nupya mwali ni taalu lyakulanga ukuti Leza ali mwenemo.

Ezaya 49:14

Lelo antu aku Zioni yavwanga yati, “Yawe watutazyela! Swemo watwilila sile!”

Umbwilo 6:8

Lyene ndola imfwalasi iswepuluke. Wino uwakwezilepo watemilwe izina lyakuti Imfwa, nga ni cifulo ca antu afwe camulondile pipi. Oili yapilwe maka pa ciputulwa ca mu viputulwa vini ivya nsi, kuti yakome antu mukuomvya inkondo, cipowe, ndwala, nga ni vilyanyi vya mpanga.

Umbwilo 4:1

Pacisila cakwe vii nakweti cilolwa na cuze nga ndola mulyango uyulike mwiyulu. Alino izwi lyuvwika wa ntandala, liti “Iza kuno kupeela nani namakulanga vintu ivilacitika pacisila cakwe cii.”

Zakaliya 4:2

Alino anguzya ati, “Uzye icani cino ukulolekesya?” Nga nani imwasuka inti, “Nkulolekesya cakutekapo inyali, naco cili sile cakwe zaabu mutuputupu, nkulolekesya na pa musazi wa mafuta uli papela yakweco, nga ni nyali penepo cinimbali. Inyali zyonsi yonga yonga zyakweti vipongo vya utambi cinimbali.

Amosi 8:2

Yawe anguzya ati, “We Amosi, uzye walola cani?” Nani naasuka inti, “Nalola umuse wa viseekwa ivice.” Lyene Yawe anena ati, “Insita iya mpela ya antu yane aina Izlaeli yatifika. Nanti ciye uli, mpaka njavunuke.

Danieli 12:5

Lyene ne Danieli indola antu yaili ala yaimi umu mbali ya luzi, wenga apa cituntu conga nu muze apa cituntu cuze.

Ezekelo 44:4

Alino umuntu wilya ampisya umu mpongolo yaku katutu andeta ku nkolelo ya Ng'anda ikulu yakwe Leza. Nalolekesya nazana nu kuti ucindami wakwe Yawe wati uzula Ng'anda ikulu yakwe Leza, alino impona pansi mfupime.

Ezekelo 10:1

Lino ne Ezekelo natumpwile amanso yane papela yakwe yakelubi, naweni icintu conga icali wa cilimba ca wene, capangwa kwiwe likankala lyakwe safilo

Ezekelo 8:7

Alino antwala pa mulyango wa musolo. Lino nalolekesya, awe mukwai indola icipongo umu lung'umba.

Ezekelo 2:9

Lyene lino nalolekesya, indola ikasa likonzolwike, lilemile na kalata umupombwe.

Ezekelo 1:4

Awe indolekesya nga ndola icipupu ukufuma ku katutu, caleta ikumbi likalamba ilizingulwikwe nu luswepo, nu moto umwafumanga kumyantula kwa mvula.

Yelemiya 1:11

Alino Yawe avwanga kunondi ati, “We Yelemiya, uzye icani cino walola?” Nani naasuka inti, “Nalola ulusaala lwa muti uno yakati mualimondi.”

Ezekelo 10:9

Nupya lino nalolekesya, indola imipeto iini, umu mbali yakwe yakelubi wenga. Ni mipeto iyo yaloleka ukuyengesa kwati amawe amutengo yakwe belulo.

Ezekelo 9:4

nga amunena ati, “Yanga kapitane mu musumba onsi wa Yelusalemu, uye ukalembe icimanyililo pa mausyu ya antu yonsi aakuteta nu kulila pamulandu wa vintu vyawinyi vii vyonsi ivikucitika mu musumba uu.”

Umbwilo 14:3

Antu yao imbanga lwimbo lupya nkolelo ya cilimba ca wene na pa manso ya viumbwa vini vyaumi na pa manso ya ikolo. Kutali umwi uwasambilile lwimbo luu suka sile antu mazimbi mwanda onga makumi yani na yani yano akulwilwe kufuma mu nsi.

Umbwilo 22:4

Yene yalalola cinso cakwe, ni zina lyakwe lilalembwa pa mausyu yao.